Tekaria 7:10 - Te B'aib'ara

¹⁰ Kam na aki karaoa ae e aki raoiroi nakoia aine aika a mate buuia ke ataei aika a akea aia karo ke iruwa ke temanna ae e maiu ni kainano, ao katoka iangoan m'akuri n iowawa temanna nakon temanna.

Tekaria 7:10 ပူးပေါင်းရင်းမြစ်များ

Taian Areru 140:2

A iangoi waaki aika a buakaka ao a aki toki ni kairiki taiani kiriwe.

Taian Areru 21:11

Ngkana a karioi aia babaire aika bubuaka n ekianako, Ao a na aki nako raoi.

Taian Areru 36:4

E karioi iango aika bubuaka ngkana e wene ni nena ni wene; Akea te bae e karaoia ae na raoiroi, Ao e aki kona n riba te b'ai ae buakaka.

Taian Areru 72:4

E bia motiki taekaia akana kananoanga te uea ma te aki nanonano; E bia buokiia akana a kai nanoia, ni katoki tabareia akana a iowawa nakoia.

Te Otinako 23:9

Kam na aki kateibuaka nakoia iruwa. Bon iruwa ngkami ngkoa i Aikubita, ao kam bon noora arona.

Taeka n Rabakau 3:29

Ko na aki kataia ni kakeaa bonganam nakoia kaain rarikim aika a onimakiniko.

Taeka n Rabakau 6:18

aomata aika a babaairei waaki aika a buakaka ke a biri m'aaka nakon karaoan ae e bure,

Itaia 1:23

A tia taani kairiiri n katinanikuai ao a manga riki b'a raoia koraki ake taani baabakanikawai; ao ami taan tautaeka a iangoi reken taiani b'aintangira ao m'akuri ni baabakanikawai. Bon akea itin te motikitaeka nakoia aine aika a tia ni mate buuia ao ataei aika akea aia karo.

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Ieremia 21:12

Kam riai ni kakoaua raoi b'a kam karaoa te motikitaeka ae eti ni katoa te bong ae e boou, ma ni kamaiuia akana a tia ni kimoaaki. b'a i mwiina ao e na rikirake uran unu kaanga te ai ae e aki konaa n tiringaki.

Ieremia 49:11

Ma kam na katikuia ami ataei aika akea tamaia ao aine aika akea buuia.

Ieremia 5:28

ao kam tetekeraoi, ma kam rawa ni buobuoki nako ia aika a kainano ni karekea nako ia te moti ae e raoiroi ni bon aron ae e riai n reke nako ia.

Ieremia 7:6

Katoka karawaawataia iruwa, ma ataei aika a akea aia karo, ao aine aika akea buuia. Kam na aki tiringiia aika akea aia bure. Ao katoka taromauriaia anti tabem'aang.

Etekiera 18:12

e burebureia aika maiu ni kainano, ao e kimoaia aomata. E taui b'aai ake e anganaki b'a b'aai ni kakoaua i bukin te roun. E taataromaurii bouannanti, ao e karaoi b'aai aika a rangi n ribaaki,

Etekiera 22:12

Iai tabeman maibuakomi aika a butim'aea te m'ane i bukin tiringan temanna. A manga bon kabuuburai bakaon taian roun am aomata nakoia raoia n Iteraera, ao a kaub'ai n aia m'akuri ni keweakiia tabem'aang. Ao ae e rangi ni buakaka riki, kam a tia ni m'aninga taekau, ae te UEA ae te Atua.

Etekiera 22:29

A bon kewe ma ni kimoa aomata i bon irouia; a kabuakakaia aika a maiu ni kainano ao a aonikaia ianena.

Etekiera 22:7

Bon akea maibuakomi ae e karinea ana karo, ao kam m'am'anaia iruwa, ataei aika akea tamaia, ao aine aika a mate buuia.

Amota 4:1

Kam na kakauongo nakon aei, ngkami aika ainen Tamaria aika kam marikarika n ai aroia kaon Batian aika kamarikaaki aika kam karaoa ae e buakaka nakoia aika a mamara, kam karawawataia aika a kainano ao man tuangiia buumi b'a na uotii nimami taian kamanging!

Tekaria 8:17

Kam na bon aki naba iangoi iango aika buakaka i marenami n tatabemaningkami ke n taekina te kewe ngkana kam berita. I ribaai baikai Ngai ae te UEA.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Mataio 23:13

Ma a na reke kaimi, taani koroboki ma B'aritaio, aika taani m'am'ana-te-aba! B'a kam kaina mataroan Uean te Atua nakoia aomata; ao ngkami kam aki rin, ao kam tukiia akana kan rin iai.

1.I-Korinto 6:10

ma taan iraa, ma akana mataai ni kani b'aib'ai, ma akana b'aina te mamanging, ma taan taetae n iowawa, ma taan anai b'aai n te aro n iowawa. E aki kona n reke uean te Atua irouia aomata aika ai aroia aikai.

Iakobo 5:4

Noria, a tangiri boon aia m'akuri taani m'akuri aika tai i abami, ae booia ae tauaki iroumi; ao tangiia ake a tai e a tia n roko i taningan te Atua, are te Uea ae Moan te M'aka.

1.Ioane 3:15

Ane riba tarina ao ai aron te tia tiri aomata; ao kam ataia b'a bon akea te tia tiri aomata ae reke i rouna te maiu are aki toki.