Tekaria 6:15 - Te B'aib'ara

¹⁵ A ngke a roko aomata man aaba aika a kiraroa ni buoka karaoan ana Tembora te UEA ae Moan te M'aaka, ao ane kam na ataia iai b'a bon te UEA ae e kanakoai. Ao e na koro bukin te b'ai aei, ngkana kam bon ongotaeka raoi iroun te UEA ae Atuami.

Tekaria 6:15 ပူးပေါင်းရင်းမြစ်များ

Itaia 3:10

Tuangiia aomata aika a ongotaeka iroun te Atua ni kaangai, “Kam rangi n tekeraoi kam na anganaki kaniwangami i bukin te b'ai ae kam a tia ni karaoia.”

Itaia 49:12

Ao i mwiina, a na oki au aomata man aaba aika a raroa mai meang ao maeao ao man te kaawa ae e buubura are Tiene.

Itaia 57:19

koraki aika a tang E aoria ngkana ko mena iai, N na kamaiuko Ngai ae te UEA ao N na anganiko te rau.

Itaia 60:10

Ierutarem, e na manga karaoaki oom irouia ianena; e na riki aia tautaeka b'a ami toro. I katuaaeko ngkoa n uniu ao ngkai N na nanoangaiko ao N na akoiko.

Ieremia 7:23

Ma I ti kaangai nako ia, “Ngkana kam ongo i Rou ma ni karaoi b'aai aika I tuangngkami, ao N na riki b'a Atuami, ao ngkami kam na riki b'a Au aomata, ao a na akea ami kangaanga.”

Tekaria 2:13

Kam na kainab'aabu aomata ni kabane! E a roko te UEA ao E a ririaki i nanon ana tabo ae e tabu.

Tekaria 3:7

N na karikiko b'a te tia tararuaa te tembora, n reitaki ma katawanangin te tembora are e katobibia ngkana ko ongotaeka raoi irou, ao ko na kariaiakaki n taetae n taai n aki akaaka ma te anera ae e tei i rarikiu.

Tekaria 6:12

Tuangnga au taeka ae e kaangai, “Iai temanna ae na nako mai ikai kaanga te m'aanga ao e na katea te Tembora i buku. N na aranna b'a ‘M'aanga’, ao e na tautaeka ma te karineaki.

M'akuri 2:39

B'a E a tia te Atua n anga ana taeka n akoi nakoimi, ao nakoia ami kariki, ao nakoia naba ake a mena i kiraroa, ake E weteia te UEA are Atuara nakoina.”

I-Rom 16:26

ma, ngkai, e a tia ni kaotaki, ao e a ataaki irouia botannaomata ni kabaneia ri nanon aia boki burabeti n ai aron are E tua te Atua b'a e na koreaki, b'a a aonga n onimakinna ma n ongeaba i rouna.

Te Tua-Kaua 30:10

Ma kam na motikia mai nanomi n te tai aei b'a kam na taromauria te UEA ma nanomi ao tamneimi ni kabane ao kam na ongotaeka ni b'aai ni kabane ake n Ana Boki n Tua te Atua.