Tekaria 6:14 - Te B'aib'ara

¹⁴ E na kaawakinaki te baunuea aei i nanon au Tembora b'a te b'ai ni kauring ao e na tararuaaki iroun Eretai, Tobia, Ietaia, ao Iotia.”

Tekaria 6:14 ပူးပေါင်းရင်းမြစ်များ

2.Uea 25:18

I mwiina, e a manga katika Teraia are te mataniwi ni ibonga te uea are Nebukaneta, ao n reitaki naba ma Tebania are te kauoman ni mataniwi ni ibonga, ao teniman taiani mataniwi n te Tembora.

Te Otinako 12:14

Kam na bukamarua te bong aei b'a te bong ae te toa are kauringaakimi n te b'ai are E a tia n karaoia te UEA. Kam na kaakaraoia n taai nako ni boong aika a na roko.”

Te Otinako 28:12

N te aro aei are e na uouoti iai araia barongan Iteraera Aaron ngkana e rin te tabo are e tabu, ao N na aki konaa ni m'aninga iai taekaia au aomata.

Te Otinako 28:29

E na uouoti araia barongan Iteraera ake tengaun ma uabaronga Aaron aika a koreaki i nanona ni katoa te tai are e rin iai n te Tabo are e Tabu, ao N na bon aki konaa ni m'aninga iai taekan au botannaomata.

Tekaria 6:10

A tia n oki Eretai, Tobia, ao Ietaia nako B'aburon. Rikoi tabeua taian tirewa ma koora mairouia ni karaoa iai te baunuea.

Tekaria 6:11

Ao i mwiina, ko na airi ma ngaiia nakon ana auti Iotia are natin Teb'ania ao katokaa te baunuea i aon atuun te ibonga are e rietaata are Iotua are natin Ieotataka.

Warekaia Iteraera 16:40

n aron are E a tia te UEA n tuanga Moote. Ao a riki taiani baan akekei b'a b'aai n reirei nako ia Iteraera b'a bon ti Aaron ma kanoana aika kariaiakaki n anga te b'ai ni kaboiarara nakon te UEA. Ao ngkana iai ane kataia riki, e na manga katuaaeaki naba n aron Kora ma raona.

Warekaia Iteraera 31:54

Ma ngaia are, a kaawakina te koora Moote ma Ereata i nanon Ana Um'antabunrianna te UEA b'a kauringaia Iteraera te b'ai ae e a tia n riki.

Mataio 26:13

E koaua ae I a tuangngkami, b'a n taabo nako ike e taekinaki iai te euangkerio, ao te b'ai ae e karaoia neiei e na taekinaki naba b'a kanuringana.

Mareko 14:9

E koaua ae I a tuangngkami, b'a n taabo nako ike e tataekinaki iai te euangkerio i aonnaba, ao te b'ai ae e a tia ni karaoia neiei, e na taekinaki naba b'a kanuringana.”

M'akuri 10:4

Ao ngaia e kam'ataua taraana ma te maaku ae bati, ao e taku, “Te uea, tera?” Ao e kaeka te anera ni kangai, “E kukurei te Atua i roum n am tataro ao n am b'ai nako n tituaraoi, ao E ongo i roum.

Iotua 4:7

ao kam na kaongoraaia b'a ngke e ri nanon te Ioretan Ana Ati ni Berita te UEA ao e rina n toki raangan ranin te karaanga. A na kateimatoa uringan baika a riki n te bong aei ikai atiibu aikai.”

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.