Tekaria 6:12 - Te B'aib'ara

¹² Tuangnga au taeka ae e kaangai, “Iai temanna ae na nako mai ikai kaanga te m'aanga ao e na katea te Tembora i buku. N na aranna b'a ‘M'aanga’, ao e na tautaeka ma te karineaki.

Tekaria 6:12 ပူးပေါင်းရင်းမြစ်များ

2.Tamuera 7:13

ao bon akea temanna ae e na konaa n anaa abanueana mai rouna. Boni ngaia are e na katea te tembora ibuku.

Etira 3:10

Ngke e a bane kawenean aan te Tembora irouia taani kateitei, ao a karin niniiraia n ibonga taian ibonga ao a katang taiani bu b'a karinean te UEA, ngke a tabe n anene kanoan Rewi ake man ana utu Ataba n neboa te Atua n taian timbara. A bane aomata n irii taiani kaetieti man ririki aika a b'aka nako ake mairoun Tawita are te uea.

Etira 3:8

I nanon te kauoua n nam'akaina n te kauoua n ririki i mwiin okiia aomata mai B'aburon, ao a moana manga karaoan ana Tembora te UEA. A moana m'akuriia Terub'abera are natin Tearetiera te m'aane, Iotua are natin Tatoka te m'aane, ibonga, kanoan Rewi, ao aomata ni kabane ake a oki. Ni kabane kanoan Rewi ake a raka aia ririki ni maiu i aon uabwi, a anganaki tib'angaia tararuakin tabeua m'akoron te m'akuri.

Itaia 11:1

Kaanga te m'aanga ae e bwebwerake man te boto, ao ai aron naba temanna ae e na nako man ana utu Tawita are e na uea n te bong teuana.

Itaia 4:2

E na roko te tai are e na manga karokoa riki te mari ao te mimitong te UEA i aon abana, ao a na kamoamoa Iteraera ake nikira ni maiu ni uaan aon te aba.

Itaia 53:2

Kaanga ai aron te aroka ae e a tib'a bwebwe man te tano ae m'auteretere te tia m'akuri ae e rikirake n te ongotaeka iroun te UEA. Bon tiaki ngaia temanna mai buakoia uea aika a bootonim'aane. Bon akea naba taraana ae e na konaa n anaa nanora.

Ieremia 23:5

N te bong teuana N na rinea te uea ae e raoiroi man ana utu Tawita, te uea ae e na wanawana ao e na tautaeka ma te eti.

Ieremia 33:15

I berita b'a e na roko te bong anne ngkana I rinea te uea man ana utu Tawita, ae te uea ae e na karaoa ae e raoiroi ao e na tautaeka ma te eti.

Etekiera 37:25

A na maeka ma aia kariki n te aba are I angan Au toro are Iakob'a, te aba are a maeka iai aia bakatibu. A na maeka ikekei n aki toki, ao ai uana naba ma natiia ma aia kariki nako. E na uea i aoia te aomata ae ai aron au toro are Tawita n aki toki.

Etekiera 41:1

I mwiina, ti nakon te ruu are i nuuka, te Tabo are e Tabu. E anaa warebwen te mataroa te m'aane arei, ao bon tenua te miita warebwena,

Amota 9:11

E taku te UEA, “E na roko te bong are N na manga kaoka iai uean Tawita b'a kaanga ai aron te bata ae b'aka n uruaki, ao N na manga katei oona ma b'aina nako. N na kateia ni kaoka arona are rimoa,

Mika 5:5

ao e na karekea te rau. Ngkana a na roko I-Aturia ni buakana ara kaawa ma n ninii nako ara nono, ao ti na kanakoia ana taani kairiiri aika a korakora b'a a na totokoia.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Tekaria 3:8

Kakauongo raoi irou, te ibonga ae e rietaata ae Iotua ao ibonga ni kabane. Boni ngkami kanikinaean b'aai aika a na roko, b'a N nang kaoka au tia m'akuri, te Uea ae e rineaki.

Tekaria 8:9

Bon te UEA Ngai ae Moan te M'aaka! Ma ngaia are, kam na aki b'arannano. Kam na iangoi au rongorongo ake a taekin au burabeti ngke e moan kaweneaki aan te Tembora.

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

Mataio 26:61

ao a taku, “E taku Teuaei, ‘I kona n urua ana um'antabu te Atua, ao ni kateia i nanon tenibong.’ ”

Mareko 14:58

“Ti ongo ana taeka ngke E kangai, ‘N na urua te um'antabu aei, ae karaoaki irouia aomata, ao I a manga katea teuana i nanon tenibong, ae te um'antabu ae aki karaoaki irouia aomata.’ ”

Mareko 15:29

Ao a taetae n iowawa nako Ina aomata ake a ri rarikina, ao a katoutou atuia ni kaenaena, ao a kangai, “E! Ngkoe ae Ko nang urua te um'antabu ao Ko na manga kateia i nanon tenibong,

Mareko 15:39

Ao te mataniwi n te taanga ni buaka are tebubua kaaina, ngke e nora Iesu b'a E mate n te aro arei, ao e taku, “Bon te koaua b'a Natin te Atua te Aomata aei.”

Ruka 1:78

E nanoanga man akoi Atuara, Ao E na kaota otan ana kamaiu b'a e na oota nako

Ioane 1:45

Ao Biribo e kunea Natanaera ao e taku nakoina, “E a reke iroura Teuare koreaki taekana irouni Mote ni bokin te Tua ao irouia burabeti: bon Iesu are te I-Natareta, are natin Ioteb'a.”

Ioane 19:5

Ma ngaia are, E oti nako Iesu ma ana bau are kateketeke i aon atuna, ao E kunnikaia n te kunnikai are ura-roo. Ao e taku Birato nakoia, “Noria, ao aio Teuaei!”

M'akuri 13:38

Ma ngaia aei, taari, kam na ataia b'a kam tuangaki b'a a kab'araki buure iroun Iesu. Ma kam aki konaaki ni kainaomataki n ami bure mai aan ana tua Mote.

M'akuri 17:31

i bukina b'a E a tia ni motika te bong are E nang kaeti iai taekaia kaain aonnaba n te raoiroi iroun te Aomata are E a tia n rineia; ao E kaota koauana nakoia aomata ni kabaneia, ngke E a manga kamaiua mai buakoia maate.

1.I-Korinto 3:9

Aboro ao ngai, bon raao ni m'akuri i bukin te Atua; ao ngkami ana o n aroka te Atua. Ao ana auti naba ni maeka ngkoe.

Ebera 10:12

Ao ngke E a tia Kristo n anga te karea ae ti teuana i bukini buure, ae manena n aki toki, ao E tekateka i angaatain te Atua;

Ebera 7:24

Ma Iesu E boni maiu n aki totoki, ao e tiku n aki nako mai Rouna nakoana n ibonga.

Ebera 7:4

Kam nora aroni kakannaton Merekitereka! Aberaam, are te bakatibu ae kakannato, e anganna kaka teuana te katebwina ni m'akoro mani m'aitin ana b'ai aika kakaokoro nako ake a reke i rouna n te buaka.

Ebera 8:3

B'a a rineaki ibonga aika kakannato n tatabemaniia nako nakon aia m'akuri b'a a na anganga b'aintituaraoi ma karea; ma ngaia ae e bon riai iroun ara Ibonga ae Kakannato b'a e na iai naba te b'ai ae E na anga b'a te karea.