Tekaria 6:11 - Te B'aib'ara

¹¹ Ao i mwiina, ko na airi ma ngaiia nakon ana auti Iotia are natin Teb'ania ao katokaa te baunuea i aon atuun te ibonga are e rietaata are Iotua are natin Ieotataka.

Tekaria 6:11 ပူးပေါင်းရင်းမြစ်များ

2.Tamuera 12:30

ao e anaa te baunuea man bouanantin te anti are Mirekom. Ao e uoti nako naba b'aai ni kabane aika a boongana.

Etira 10:18

Ao aikai araia ibonga ake a tia ni kariaia n raure ma buuia aika Ianena ma n kareana te tiibu te m'aane b'a te karea ni kab'arabure: Maateia, Erietera, Iariba, ao Ketaria man ana utu Iotua are natin Iotataka ma tarina m'aane;

Etira 3:2

Ao ibonga ake Iotua are natin Iotataka te m'aane ao Terub'abera are natin Tearetiera te m'aane, ao ana koraki nako a manga karaoa te baonikarea i bukin Atuan Iteraera. B'a a aonga ni manga konaa iai n anga aia karea ikekei ma n iri taiani kaetieti n aron are e a tia n anga te Atua nakon Moote.

Taian Areru 21:3

Ko butim'aia ma kakab'aiana aika baika raraoi, Ao Ko katokaa ana baunuea ae te koora i aon atuna.

Te Otinako 29:6

Katoka ana m'aita ma te koora ae irariki ae nib'aaki te koroboki i aona

Te Otinako 39:30

Ao a karaoa te b'ai ni katamaroa, ae te kanikina ae e tabu man te koora ae raneanea, ao a korea i aona ae e kaangai, Ana b'ai te UEA

Ana Anene Toromon 3:11

Nakomai ngkai noora te baunuea ae e anganaki Toromon iroun tinana i nanon ana bong ni mare ae e kakukurei.

Nakoaia Ibonga 8:9

Ao e katokaa te b'ara are te m'aita i aon atuuna, ao e kanim'a te b'ai ni katamaroa i moan b'arana ae kanikinaean ana b'ai te UEA, n ai aron tuangana iroun te UEA.

Akai 1:1

Ni moanibongin te kaonoua n nam'akaina n ana kauoua n ririki Taraiati ni uea i aon Botia, ao E taetae te UEA n tuanga Akai are te burabeti b'a e na taekina ana rongorongo nakon te kowana i Iuta ao nakon te ibonga are e rietaata. Ma ngaia are, e tuanga te Kowana are Terub'abera ao te ibonga ae rietaata are Iotua te burabeti are Akai.

Akai 1:14

Ma ngaia are, E karaoia aomata nako te Atua ae Moan te M'aaka b'a a na rangi ni kan m'akuri n ana Tembora, ai moara ra riki Terub'abera ao Iotua.

Akai 2:4

Ma kam na kukurei! I bukina b'a N na mena ikai Ngai ae te UEA ae Moan te M'aaka ni buokingkami n te m'akuri,

Tekaria 3:1

I a manga anganaki te mii riki teuana. N te tai aei e teitei Iotua are te ibonga ae e rietaata i matan ana anera te UEA. Ao e mena naba ikekei Tatan, n iteran Iotua are te angaatai, n tauraoi ni bukibuki.

Tekaria 3:5

Ao I a manga taetae riki ni kaangai, “Katokaa naba te b'ara n ibonga are tem'aita i aon atuu.” Ao i mwiina, a karina kunnikaina ni kunnikain te ibonga ao a katokaa te m'aita i aona, ngke e tabe te anera n teitei ma ni mamataku.

Tekaria 6:14

E na kaawakinaki te baunuea aei i nanon au Tembora b'a te b'ai ni kauring ao e na tararuaaki iroun Eretai, Tobia, Ietaia, ao Iotia.”

Ebera 2:9

Ma ti nora Iesu, are karaoaki ni karinanoaki riki nakoia anera i nanon te tai ae aki maan, b'a E aonga ni mate i bukiia aomata ni kabaneia; ao e riki aei man nanon te Atua n akoi. Ti noria ngkai b'a E a baunaki n te neboaki ma te karineaki i bukin arona ni maraki ma ni mate.

Te Kaotioti 19:12

Ai aron uran te ai matana, ao a bati baunuea i aon atuna; ao iai te ara ae koreaki i aon rab'atana, ae akea temanna ae ataia b'a ti Ngaia.

Te Kaotioti 6:2

Ao I taratara nako, ao noria, te aoti ae mainaina! Ao teuare toka i aona iai te kai ni katebe i rouna. Ao e anganaki te baunuea; ao e tokara ana aoti n nako b'a ai aron te tia buaka ae tokanikai.