Tekaria 5:4 - Te B'aib'ara

⁴ Ao E taku te UEA ae Moan te M'aaka, “I kanakoa te niira ni boki aei nakon aia auti aomata nako aika taani kimoa ke taani kewe n arau, ao e na tiku ikekei ni karokoa e bane ni b'aka kain nako te auti arei.”

Tekaria 5:4 ပူးပေါင်းရင်းမြစ်များ

Iobi 18:15

Ao ngkai, a nang maeka tabeman n ana auti n rianna ngkana e a tia ni kab'akaaki te b'ai n aoraki i nanona i bukin kaitiakan mwiin te aoraki.

Iobi 20:26

A bane ni kamaunaaki taiani kaub'ai ake e kaawakin; a na kabuokaki ma ana utu n te ai ae aki kauraaki i roun te aomata.

Iobi 8:15

E kona ni kateimatoaia ngaon ten takareau ngkana a mwiokoia? E kona ni buokia ngaon ten takareau ngkana a nimtia?

Iobi 8:22

Ma e na karokoa te kamamaaeaki i aoia aomata aika riribaiko, a na mauna nako aia auti aomata aika buakaka.

Taeka n Rabakau 3:33

E kab'aka te karereanti i aon mwengaia aomata nako aika a buakaka, ma e kakab'aiai mwengaia aomata ni kabane aika a raoiroi.

Itaia 24:6

E a b'akaraki te aonnaba n te maraia; a mate aomatana i bukin aia bure.

Ieremia 2:26

Kam rangi ni kamaamaaeaki riki ngkami ma ami taani kairiiri nako ia aomata aika a kimoatoo kam taromauri bouananti aika atiibu ao boua aika a tabu

Otea 4:2

A aki toki n riiriki baikai Katekebuaka, karaoan ae e aki raoiroi, te tiritiri, te kimoa, ao te aki kakaonimaki. Te kiriwe n taabo nako.

Otea 4:3

Ao e a rereua abam. A bane ni mate maan aika a maiu aomata ma maan aika aki manana, mannikiba ao ika.

Amota 3:10

E taku te UEA, “A kaikoi ni mwengaia b'aai aika a reke man m'akuri ni iowawa, ao man m'akuri aika a bure, b'a aki ata te riai.

Tekaria 5:3

Ao i mwiina, e tuangai ni kaangai: E karokoa te maraia te niira ni boki aei i aoia aomata nako aika i nanon te aba aika a kimoa ke aika a b'anga ni kewe. Ao te koroboki are ni iterana are te iterana, e koreaki iai taekan te urub'ai nakoia aika a kimoa, ao ni iterana are te iterana e koreaki iai taekan te urub'ai nakoia aika a b'anga ni kewe.

Tekaria 8:17

Kam na bon aki naba iangoi iango aika buakaka i marenami n tatabemaningkami ke n taekina te kewe ngkana kam berita. I ribaai baikai Ngai ae te UEA.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Te Tua-Kaua 28:16

A na aki nakoraoi ami m'akuri ma ami nnenaroka.

Te Tua-Kaua 7:26

ma ngaia are, kam na kamaunai. B'a ngkana kam uotirikaaki nakon ami auti, ao kam na kaai ni kamaunaaki ma ami auti. Kararoaingkami mani baika a rangi n ribaaki aikai aika bouananti.

Iotua 9:20

Ti na aki tiringiia b'a ti a tia ni berita, b'a ngkana ti urua ara berita ao E na karekei kaira te UEA.