Tekaria 5:3 - Te B'aib'ara

³ Ao i mwiina, e tuangai ni kaangai: E karokoa te maraia te niira ni boki aei i aoia aomata nako aika i nanon te aba aika a kimoa ke aika a b'anga ni kewe. Ao te koroboki are ni iterana are te iterana, e koreaki iai taekan te urub'ai nakoia aika a kimoa, ao ni iterana are te iterana e koreaki iai taekan te urub'ai nakoia aika a b'anga ni kewe.

Tekaria 5:3 ပူးပေါင်းရင်းမြစ်များ

Te Otinako 20:15

Ko na aki kimoa.

Taeka n Rabakau 29:24

Ngkana ko kariniko n te bure teuana ao ko a riki b'a te kairiribai ae e rangi ni buakaka, i bukina b'a ko aki konaa n taekina te kewe ngkana ko a tia ni berita.

Taeka n Rabakau 3:33

E kab'aka te karereanti i aon mwengaia aomata nako aika a buakaka, ma e kakab'aiai mwengaia aomata ni kabane aika a raoiroi.

Taeka n Rabakau 30:9

Ngkana e a manga rangi n rawata kanau, ao ane n na manga m'aninga taekam; ao ngkana e a manga aki tau, ao ane n na manga kimoa ma ni kamamaaea aram.

Itaia 24:6

E a b'akaraki te aonnaba n te maraia; a mate aomatana i bukin aia bure.

Itaia 43:28

Ao bon anne bukina ngkai I aki kariaia ami ibonga b'a a na m'akuri ibuku; E na kamaunaaki Iteraera ao a na kamaamaaeaki ami aomata.

Itaia 48:1

Kaain Iteraera kam nako mai roun ana utu Iakob'a ao barongan Iuta. Kam taekinna b'a kam taromauriia, te UEA ae Atuan Iteraera, ma kam kewe.

Ieremia 23:10

A a tia ni kaburei kamanenaakin m'aakaia taian burabeti aika aki kakaonimaki i aon te aba arei ni kabuta. Ma ngaia are, E oniki aaba n uteute te Atua nakon taian rereua aika a kabuebue.

Ieremia 26:6

ao N na urua te Tembora, n arou naba ngke I urua te kaawa are Tiro. Ao i mwiina, ane a na kamanenaa aran “Ierutarem” b'a te taeka ni karereanti nako ia aomata ni kabane i aon te aonnaba.

Ieremia 5:2

A bane aomata ni kabane n urua aia berita aika a karaoi n Arau.”

Ieremia 7:9

Kam iraa ao kam tiriaomata, kam kewe n te kabowi ao kam aki kakaonimaki nakon ami berita ni mare. Kam taromauri bouannanti, ao kam anga te b'ai ni kaboiarara nakon B'aara, e ngae ngkana akea te b'ai teuana ae a konaa ni karaoia anti aikai nako imi.

Etekiera 2:9

Ao I noora te bai ae e aroraki nako iu. Ao e mena te niira ni boki i nanona.

Taniera 9:11

A bane n urua am Tua Iteraera, ao a rawa n ongo nakon te b'ai are Ko taekinna. Ti bure nakoim, ma ngaia ae Ko karokoa taian maraia i aora ake a koreaki n ana tua Moote are am toro.

Otea 4:2

A aki toki n riiriki baikai Katekebuaka, karaoan ae e aki raoiroi, te tiritiri, te kimoa, ao te aki kakaonimaki. Te kiriwe n taabo nako.

Nakoaia Ibonga 19:11

Tai iraa, tai kewe, ao tai kam'aneia raomi.

Nakoaia Ibonga 19:12

Tai kabonganaabuaka Arau ni karaoan berita aika kam na bon aki kaawakin. Bon te UEA Ngai ae Atuami.

Amota 3:10

E taku te UEA, “A kaikoi ni mwengaia b'aai aika a reke man m'akuri ni iowawa, ao man m'akuri aika a bure, b'a aki ata te riai.

Tekaria 5:4

Ao E taku te UEA ae Moan te M'aaka, “I kanakoa te niira ni boki aei nakon aia auti aomata nako aika taani kimoa ke taani kewe n arau, ao e na tiku ikekei ni karokoa e bane ni b'aka kain nako te auti arei.”

Tekaria 8:17

Kam na bon aki naba iangoi iango aika buakaka i marenami n tatabemaningkami ke n taekina te kewe ngkana kam berita. I ribaai baikai Ngai ae te UEA.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Maraki 4:6

E na kairiia ataei ma aia karo b'a a na kakorakoraa riki tangiraia i bon irouia, b'a e aonga n ae I aki karokoa te kanganga nakon te aba ngkana I roko.

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Ruka 21:35

b'a kanga te b'ai ni kam'am'ane. B'a ane e na roko i aoia aomata ni kabaneia aika maeka i aonnaba ni kabuta.

I-Ebeto 4:28

Ke e tai manga iraa te tia iraa; ma e na m'akuri, ni karaoa te bae raoiroi ni baina, b'a e aonga ni kona ni buokanib'ai n are e karekea ma ane e kai nanona.

1.Timoteo 1:9

ngkae e ata te Tua b'a e aki karaoaki i bukin te aomata ae e raoiroi, ma e karaoaki i bukiia aomata aika akiako ma aika aki ongeaba, ao i bukiia aika aki itiaki ma aika eekaanako nanon te Atua ma taani bure, ao i bukiia aika akea karinean te Atua i rouia ma taani kam'araei ana b'ai te Atua, ao i bukiia taan tiringiia tamaia ma taan tiringiia tinaia, ma taan tiringiia aomata,

Iakobo 5:12

Tariu, te bae moan te kakawaki i aoni b'aai ni kabane bon aei: kam na tai m'anewea arani karawa ke aon te aba ke te b'ai riki teuana ngkana kam tuea; ma e na atongaki ami eng b'a bon eng, ao ami tiaki b'a bon tiaki; b'a aonga n aki motikaki taekami ni kabuakakaki.

Iakobo 5:4

Noria, a tangiri boon aia m'akuri taani m'akuri aika tai i abami, ae booia ae tauaki iroumi; ao tangiia ake a tai e a tia n roko i taningan te Atua, are te Uea ae Moan te M'aka.

Iotua 9:20

Ti na aki tiringiia b'a ti a tia ni berita, b'a ngkana ti urua ara berita ao E na karekei kaira te UEA.

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.