Tekaria 4:7 - Te B'aib'ara

⁷ Terub'abera, e na kaboraoaki ma te tano te maunga ane i matam. Ao i mwiina, ko na kaotinakoi atiibun te tembora aika a kakaawaki ma n takaarua ni kaangai, “E a tia n rangi n akoi te Atua.”

Tekaria 4:7 ပူးပေါင်းရင်းမြစ်များ

Etira 3:10

Ngke e a bane kawenean aan te Tembora irouia taani kateitei, ao a karin niniiraia n ibonga taian ibonga ao a katang taiani bu b'a karinean te UEA, ngke a tabe n anene kanoan Rewi ake man ana utu Ataba n neboa te Atua n taian timbara. A bane aomata n irii taiani kaetieti man ririki aika a b'aka nako ake mairoun Tawita are te uea.

Taian Areru 114:4

A ewewe maunga n ai aroia kooti; a kibakiba tabuki n ai aroia tiibu aika ataei.

Taian Areru 114:6

Ngkami aika maunga ma tabuki, e aera ngke kam ewewe n ai aroia kooti?

Taian Areru 118:22

Te atibu are a kakeaa bonganana taani kateitei, e a riki b'a te kabanea ni kakawaki.

Taian Areru 84:11

Boni nera ni katantan te UEA ao ara Uea ae mimitong; E ataataiaomata nakoira ao E anganira te karineaki. E aki rawa n anga te b'ai ae e raoiroi nakoia akana karaoa ae e raoiroi.

Itaia 28:16

Ma ngaia are, E taku te UEA, “I kawenea te aana ae matoatoa i bukin te kaawa are Tion. E kakoauaaki b'a e onimakinaki raoi atiibun te koona ae e kakaawaki; akea temanna ae e onimakinna e na manga b'ara nanona.

Itaia 41:15

N na kairiko kaanga te kai ae e onrake n taian ing. Ao ko na kamanti ma ni kamanatui taiani maunga ma tabuki ni karokoa a riki b'a te taaurouro.

Ieremia 33:11

b'anaan te kukurei ao karongoaan taiani bootaki ni kukurei ma taiani baka ni mare. Ao ngkana a rin n au Tembora b'a a na anga karea i bukin kakukureiau, ao ko na ongo ae e kaangai irouia: “Ti neboiko, te UEA ae Moan te M'aaka! Ko karaoa ae e raoiroi nakoira, ao e bon aki konaa ni matebuaka Am tangira.” E na manga okira arona te aba ni kariki uaa.

Ieremia 51:25

Kam uruaniia botannaomata ao ko taraa ni marurung kaanga te maunga, ma bon am kairiribai Ngai. N na bon raweiko ao N na karabinoko nako nakon te tabo ae e katati. Ao ngkana e bane karaoan anne irou, ko na riki b'a kaanga te b'ariko ni buriki aika a mannang.

Mika 1:4

A na rannako maunga i aani waena n ai aron te nenea n te ai; a na raanga rikaaki nako nanon m'arua, n ai aron raan aika a raanga i raabeen tabuki.

Mika 4:1

Ni boong aika a na roko, e na riki b'a te kabanea n rietaata i buakon maunga te maunga are e tei iai ana Tembora te UEA, e na bura i aon tabuki nako. A na b'ab'aroakinna botannaomata nako.

Ab'akuka 3:6

Ngkana E toki ni m'akuri ao e m'aeiei aon te aba; a ruru ni maaku botannaomata i matana. Maunga ake ngkoa ana maenako ao tabuki ake a teimatoa ana inako, ake tabuki ake E nakonako i aona n taai ake ngkoa.

Tekaria 4:8

E a manga taetae te UEA nako iu ni kaangai:

Tekaria 4:9

Ao e kawenea aan te Tembora Terub'abera, ao e na katiaa raoi. Ao ane a na ataia iai aomata b'a I kanakoko, Ngai ae te UEA ae Moan te M'aaka.

Mataio 21:21

E kaekaia Iesu ao E taku, “E koaua ae I a tuangngkami b'a ngkana iai ami onimaki ao kam aki nanokokoraki, ao kam kona ni karaoa ae e karaoaki nakon te biku aei; ao tiaki ti ngaia, ma ngkana kam kangai nakon te maunga aei, Ko na tabekaki nako n teweaki nako marawa, ao e a karaoaki naba.

Mataio 21:42

E taku Iesu nako ia, Kam tuai ni wareka are n te B'aib'ara are kangai: Te atibu are kakeaki bongana irouia taani kateitei, E a riki b'a bouan te maninganinga; Aei ana m'akuri te Uea, ao e kamimii i matara!

Mareko 12:10

Kam tuai ni wareka te taeka are n te B'aib'ara are kangai: ‘Te atibu are a ribaia taani kateitei b'a akea bonganana, e a riki b'a te atibu ae moan te kakawaki i buakon atibu nako.

Ruka 20:17

Ao E katokai matana Iesu n taraia, ao E taku, “E kanga ngkanne ootami n are koreaki ni kangai: Te atibu are a ribaia taani kateitei, b'a akea bongana, e a riki b'a te atibu ae moan te kakawaki i buakon atiibu nako.

Ruka 3:5

A bane m'arua ni kaonaki, Ao a na kaboraoaki maunga ma tabuki. A na kaetaki kawai aika kirib'ab'ao, Ao a na kaboraoaki nanoni kawai akana tabukibuki.

M'akuri 4:11

Boni Ngaia te atibu are e kakeaki bongana iroumi, ngkami aika taani kateitei ma bon te atibu ae moan te kakawaki, b'a bouan te maninganinga,

I-Rom 11:6

ao ngkana tiaki i bukin ana akoi ae e riki iai aei, ma i bukin te b'ai are a karaoia ana aomata, ao nanona ngkanne b'a akea koauan ana akoi.

I-Ebeto 2:20

Kam kateaki i aon taiani boua ake taan tuatua ma burabeti; ao Kristo Iesu boni Ngaia te atibu are bouan te maninganinga are moan te kakannato;

1.Betero 2:7

Ma ngaia ae te atibu aei, e kakawaki nakoimi ngkami aika kam onimaki; ma nakoia akana aki onimaki, “E riki b'a bouan te maninganinga te atibu are kakiaki b'a akea bonganana irouia taani kateitei.”

Te Kaotioti 16:20

Ao a bane abam'akoro ni biri nako, ao a aki manga noraki maunga.