Tekaria 3:4 - Te B'aib'ara

⁴ Ma ngaia are, e tuangiia tabeman te anera b'a a na onea ana kunnikai Iotua ake a rangi ni baarekareka akekei. Ao i mwiina, e taku nakon Iotua, “Nanon aei b'a a tia ni kab'araaki am bure. Ngkai N nang karina kunnikaim ana kunnikai te ibonga.”

Tekaria 3:4 ပူးပေါင်းရင်းမြစ်များ

2.Tamuera 12:13

Ao e taku Tawita, “I a tia ni aki ongotaeka nakon te UEA.”

1.Uea 22:19

Ao e taku Mikaia: Ongora n te b'ai aei. Ao I noora naba te UEA b'a E tekateka i aon ana kaintokanuea ma b'aai ni kabane aika a maiu i karawa b'a a bootaki ni katobibia.

Taian Areru 51:9

Karabai matam man au bure nako, Ao kamaunai arou nako aika bubuaka.

Itaia 43:25

Ma I kamaunai ami bure i bukina Ngke Ngai ae boni Ngai. Ma ngaia are, I m'aninga taiani kairua ake kam a tia ni karaoi.

Itaia 44:22

Kam na okirai? I a tia ni kamaiungkami ao I kaitiaki ami bure nako ngke a matenten kaanga taiani karau.

Itaia 52:1

Ierutarem, Uti! Teirake ao korakora. Tion te kaawa ae e Tabu karina kunnikaim ae moan te tamaroa. A na aki manga urua am kaawa ae e tabu taian ianena.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Ieremia 52:33

E kariaiakaki Ieoiakin ni kunnikainna n aron kunnikaia aomata ao ai tiaaki te kaboraoi ni bure, ao e bon am'arake naba n ana taibora te uea ni katoa bong.

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Etekiera 42:14

Ngkana a tauraoi ni kiitana te Tembora ibonga, a na riai n ri nanon taian ruu aikai i m'aain okiia nakon katawanangin oon te Tembora. A na riai ni katikui aia kunnikai aika a tabu n taian ruu aikai i m'aain ae a nakon taabo tabeua i rarikiia aomata.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Mika 7:19

Ko na manga nanoangaira riki. Ko na toubekai ara bure i aani waem, ao karenakoi i kabin marawa!

Tekaria 3:1

I a manga anganaki te mii riki teuana. N te tai aei e teitei Iotua are te ibonga ae e rietaata i matan ana anera te UEA. Ao e mena naba ikekei Tatan, n iteran Iotua are te angaatai, n tauraoi ni bukibuki.

Tekaria 3:7

N na karikiko b'a te tia tararuaa te tembora, n reitaki ma katawanangin te tembora are e katobibia ngkana ko ongotaeka raoi irou, ao ko na kariaiakaki n taetae n taai n aki akaaka ma te anera ae e tei i rarikiu.

Tekaria 3:9

Iotua, I a tia ni kaaki i matam te atiibu ae itiua iterana. N na korei b'aai tabeua i aon te atiibu anne, N na kab'araa ana bure te kaawa ae e on te bure aei n te bong ae ti teuana.

Mataio 22:11

Ma ngke e rin te uea n noriia iruwa, ao e nora temanna iai ae aki kunnikaia n te kunnikai ni baka,

Ruka 1:19

E kaeka te anera ao e taku, “Kabiriera ngai, ae ana tabonibai te Atua; ao I kanakomaiakaki b'a N na taetae nako im, ao b'a N na uota te rongorongo ae raoiroi aei nako im.

Ruka 15:22

Ma e taku te tama nakoia ana toro, “Kam na kawaetataingkami n uota mai te kunnikai are moan te tamaroa, ao karinna i aona. ao kam na karina te burenibai i taboni baina, ao karini kauniwae i waena;

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

I-Rom 3:22

E kaeti aroia aomata te Atua n reitaki ma Ngaia n onimakinan Iesu Kristo i rouia; ao E karaoa aei nakoia aomata ni kabaneia aika onimakina Iesu.

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Korote 3:10

ao kam a tia ni karina i aomi te aomata ae boou, are e teimatoa arona ni kakabouaki iroun Teuare karikia b'a katotongana, b'a kam aonga n ataia raoi.

Ebera 8:12

B'a N na nanoangaiia ni kab'arai aia buakaka, ao N aki manga uring aia bure.”

Te Kaotioti 5:11

Ao I taratara nako ao I ongo b'anaaia anera aika bati aika katobibia te kaintokanuea ma b'anaaia baike a maiu ma unimm'aane; ao m'aitin te koraki arei tebubua te mirion ao nga ma nga;

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.