Tekaria 3:2 - Te B'aib'ara

² Ma e taku te UEA, “Tatan, ko kaairua. Bon Au kaawa ae e tabu Ierutarem, ao te aomata aei e kamaiua kaanga te kai man te ai ae e ura.”

Tekaria 3:2 ပူးပေါင်းရင်းမြစ်များ

2.Rongorongo 6:5

ao i mwiina e kaawakina ana berita ni karika tamau are Tawita b'a te uea i aon Iteraera

2.Rongorongo 6:6

ao ngkai e a koro bukin te taeka ni berita anne.

Taian Areru 109:31

Ko buokiia aika kai nanoia, ao ko kamaiua mairouia akana motika taekana b'a e na kamateaki.

Itaia 7:4

Tuanga Aati b'a e na aki raraoma. Bon akea te b'ai ae e na maaka iai te uea are Retin ao Bika. E rangi ni kakamaaku uniia, ma bon akea aroia b'a ti kaanga te ai ngaiia ae a mate.

Taniera 12:1

Ao e taku te anera are e kunnikaia n te rinen, “Ao ane e na kaoti te anera are Kabiriera are e kakawakiniia am aomata. Ane e na roko tain te kangaanga, aika a tuai ma n noonoria taiani botannaomata ma ngke a moani kaoti nakon te aonnaba aio. Ao ngkana e roko te tai anne, ao a na bane ni kamaiuaki am aomata ake a m'akoro araia n ana boki te Atua.

Amota 4:11

“I tiringiia tabem'aang mai buakomi n ai aroia I-Totom ma I-Komora. Ao ake a reke maiuia ai aron te kai ae bue ae butakinako mai nanon te ai. Ma kam bon teimatoa naba n aki kan onimakinai.” Bon ana taeka te UEA “Ma ngaia are ngkami aika I-Iteraera, N na bon katuaai ngkami ao kam na riai ni kataua motikan taekami i bukin aei.”

Tekaria 1:17

I bon berita naba b'a e na manga teetekeraoi au kaawa nako-e na manga riki Ierutarem b'a au kaawa ae e rineaki, ao N na anga te rau nakoia aomata aika kaain Tion.

Tekaria 2:12

Ao ane e na riki Iuta b'a m'akoron te aba are e tabu, ao Ierutarem e na manga riki b'a Ana kaawa ae rineaki.

Mareko 1:25

Ao E takuia Iesu ni kangai, “Tai karongoa, ao oti nako mai rouna!”

Mareko 9:25

Ao Iesu, ngke E noriia aomata aika m'aiti b'a a bane ni biri, ao E takua te tamnei are kam'ara, ao E taku nako ina, “Te tamnei ae ko babanga taetae ao ko bonotaninga, I tuangko b'a ko na oti nako mai rouna, ao ko na aki manga rin riki i nanona!”

Ruka 22:32

Ma I a tia n tataro i bukim b'a e na aki bua am onimaki; ao ngkana ko a manga rairaki, ao ko na kateimatoaia tarim.”

Ruka 4:35

Ma Iesu E takuia ao E taku, Tai karongoa, ao oti nako mai rouna! Ao ngke e a tia te taimonio ni boaketan teuarei i mataia aomata ake a mena ikekei, ao e oti nako mai rouna n aki kaikoakia.

Ruka 9:42

Ngke e tabe n roko te teei ni mm'aane, ao te taimonio, e boaketana ao e kaatikitikia. Ao Iesu, E takua te anti are kam'araa, ao E kamaiua te teei ni mm'aane, ao E anga nakon tamana.

Ioane 13:18

I aki taekiningkami ni kabaneingkami, I ataiia aika I a tia n rineia; ma e na kakoroaki nanon are taekinaki n te B'aib'ara ni kaangai: “Te aomata ae I am'arake ma ngaia, e riki b'a te tia kam'aruaai.”

I-Rom 16:20

E a kaani kamanatuan Tatan i aani waemi iroun te Atua, are e reke mai Rouna te raoi. E na mena iroumi ana akoi ara UEA are Iesu Kristo.

I-Rom 8:33

Antai ae iai ana taeka ni bukiniia akana rineaki iroun te Atua? Bon te Atua ae kaetiia.

1.Ioane 3:8

ane karaoa ae bure ao boni mairoun te riaboro, b'a e a kamani bubure te riaboro ma ngke a moa n riki b'aai. E karokoaki Natin te Atua i bukin aei, b'a E aonga n uru ana m'akuri nako te riaboro.

Iuta 1:23

Kam na kamaiuia tem'angina ni buritiia man te ai; ao kam na nanoangaiia tem'angina ma te maku, ma kam na ribai aia kunnikai aika kabarekaki n aia kaib'ab'aru aika kam'ara.

Iuta 1:9

Ao Mikaera are te mataniwi temanna irouia anera, ngke e un ma te riaboro ni kauntaeka i bukin rab'atani Mote, ao e maku n atonga kabuakakana n taetaebuakaia; ma e kangai, “E na boaiko te Uea.”

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”