Tekaria 3:1 - Te B'aib'ara

¹ I a manga anganaki te mii riki teuana. N te tai aei e teitei Iotua are te ibonga ae e rietaata i matan ana anera te UEA. Ao e mena naba ikekei Tatan, n iteran Iotua are te angaatai, n tauraoi ni bukibuki.

Tekaria 3:1 ပူးပေါင်းရင်းမြစ်များ

Karikani B'aai 3:15

N na karika te i kairiribai i marenam ma neiei n aki toki, ao i marenaia naba kanoam ma kanoana. E na kamanatua atuum, ao ngkoe ko na tenai bukin waena.”

Karikani B'aai 48:16

E bia kakab'aiaia te anera are e kamaiuai man taian kangaanga ni kabane. E bia maiu arau ma aran Aberaam, ao Itaaka i nanoia ataei ni mm'aane aikai. A bia m'aiti natiia, ma aia kariki.”

1.Rongorongo 21:1

Ao e iangoia Taatan b'a e na karekea te kangaanga nako ia Iteraera ngke e karika Tawita b'a e na iangoia b'a te iango ae e raoiroi kakaean m'aitiia aomatan Iteraera ma Iuta.

2.Rongorongo 29:11

Ti na aki kabane tai, raou. Boni ngkami aika kam a tia n rineaki b'a kam na riki b'a ana ibonga te UEA n angaanga taiani karea.

Etira 10:18

Ao aikai araia ibonga ake a tia ni kariaia n raure ma buuia aika Ianena ma n kareana te tiibu te m'aane b'a te karea ni kab'arabure: Maateia, Erietera, Iariba, ao Ketaria man ana utu Iotua are natin Iotataka ma tarina m'aane;

Etira 2:2

Aikai naake a tararuaia koraki ake a oki rikaaki: Terub'abera, Iotua,

Etira 5:2

Ma ngaia are, a tuangiia aomata Terub'abera are te koowana ao Iotua are te ibonga b'a a na moana karaoan te Tembora, ao a kaungaaki irouia ana burabeti te Atua.

Taian Areru 106:23

Ngke E taku b'a E na kamaunaia ana Aomata, Ao e tei ana toro are E rineia, are Moote, n taetae ma te Atua i bukiia b'a E na aki kamaunaia n unna.

Taian Areru 109:6

A taku au kairiribai “Rinea te aomata ae moti buaka b'a e na motika taekan aiau n te kabowi,

Ieremia 15:19

Ao E taku te UEA nako iu: Ko na aki katoka taetaem kaanga te baba! N na karikiko riki b'a Au burabeti ngkana ko okirai ma n taetaekina au rongorongo. I taku b'a a na kariaia te b'ai ae ko taekinna kaain Iuta. Ma ko konaa ni kaaitarai aia m'akuri nako aika a kamaraki,

Etekiera 44:11

A na bon teimatoa naba ni kariaiakaki b'a taan m'akuri i buku n te Tembora, ake taan tei n taian mataroa ao n tiringiia maan ake a na kareanaki ao ni buokiia taan taromauri.

Etekiera 44:15

A kakaonimaki nako iu ibonga ake man te baronga are Rewi ake kanoan Tatoka are te ibonga are e kakaonimaki nako iu, ngke a bane n tan nako mairou Iteraera. Ma ngaia ae, a na teimatoa n riki b'a Au ibonga aikai ao a na anga te nenea ao raraan te karea.

Akai 1:1

Ni moanibongin te kaonoua n nam'akaina n ana kauoua n ririki Taraiati ni uea i aon Botia, ao E taetae te UEA n tuanga Akai are te burabeti b'a e na taekina ana rongorongo nakon te kowana i Iuta ao nakon te ibonga are e rietaata. Ma ngaia are, e tuanga te Kowana are Terub'abera ao te ibonga ae rietaata are Iotua te burabeti are Akai.

Akai 1:12

A ongo taeka Terub'abera ao Iotua, n reitaki ma koraki ake a tia n oki man te kataenikaiaki i B'aburon, nakon ana rongorongo te UEA are e taekinaki iroun ana burabeti are Akai, ao a moana karaoan karinean raoi te UEA.

Akai 2:4

Ma kam na kukurei! I bukina b'a N na mena ikai Ngai ae te UEA ae Moan te M'aaka ni buokingkami n te m'akuri,

Tekaria 1:13

Ao e akoi mani karaunano Ana kaeka te UEA.

Tekaria 1:19

E bon mena ikekei te anera are e kanakoaki b'a e na kab'arab'ara, ma ngaia are, I titirakinna ni kaangai, “Tera nanon baikai?” Ao e taku ana kaeka, “Taian koroniman aikai bon taian botannaomata aika a kamaaenakoia kaain Iuta, Iteraera, ao Ierutarem, ma n anaa inaomataia.”

Tekaria 1:9

Ao e mena naba ikekei te anera are e na kab'arab'arai b'aai ni kabane nako iu, ao I titiraki ni kaangai, “Teuae ko karineaki, antai taan toka i aoia aoti aikai?” Ao E taku te anera arei, “N na taekinna nakoim.”

Tekaria 2:3

Ao e a tia n nako te anera are e kataetaeai, ngke e a manga roko te anera temanna nakoina

Tekaria 3:8

Kakauongo raoi irou, te ibonga ae e rietaata ae Iotua ao ibonga ni kabane. Boni ngkami kanikinaean b'aai aika a na roko, b'a N nang kaoka au tia m'akuri, te Uea ae e rineaki.

Tekaria 4:14

Ao i mwiina, e a tuangai ni kaangai, “M'aanga aika uoua aikai bon taani kairiiri aika uoman aika a rineaki are e tei i rarikin te UEA n te aonnaba ni kabane.”

Tekaria 6:11

Ao i mwiina, ko na airi ma ngaiia nakon ana auti Iotia are natin Teb'ania ao katokaa te baunuea i aon atuun te ibonga are e rietaata are Iotua are natin Ieotataka.

Maraki 3:1

Bon te UEA Ngai ae Moan te M'aaka, ae N na kanakoa te tia uarongorongo are e na katauraoa te kawai i buku. ao E na karina ni kaoti te UEA are kam kakaaea i nanon ana Tembora. E na roko te tia uarongorongo are kam tangiria ma au berita, ao ae i aon kawaina.

Ruka 21:36

Ma kam na tantani n taai nako ao tataro b'a e aonga n reke i roumi te marurung are kam na kona iai ni biri nako mani baika nang roko, ao te kona n tei i matan Natin te Aomata.

Ruka 22:31

“Timon, Timon! Noria, e a tia n anganaki Tatan te kariaiakaki b'a e na kairingkami nakon te kaririaki, ni kaokoroa te raoiroi man te buakaka, n ai aron te tia ununiki ae kaokoroa te uita mai buakoia titania.

Te Tua-Kaua 10:8

Ao i mwiin karinan atibu ake a tabu i nanon te Atiniberita, ao te UEA E rineia kanoan Rewi b'a tiaki ti taan uouota te Atiniberita, ma a na riki naba b'a taiani ibonga n te tabo n taromauri, ao a na kakab'aiaia naba taiani baronga n Arana. Ao a bon karaoi naba baikai ngkai.

Te Tua-Kaua 18:15

Ma, E na rinea temanna mai buakoia ami aomata b'a te burabeti ae ai arou, ao kam na karaoa te b'ai are taekinna te burabeti.

1.Betero 5:8

Kam na kamarurungngkami, ao b'aina te tatauraoi. B'a e aiwaa ami kairiribai are te riaboro n ai aron te raian ae bekorara, n ukoukora konana b'a e na ongnga.

1.Tamuera 6:20

ao a taku, “Bon akea riki te Atua ae ai aron ara UEA! Antai ae kona ni maiu ngkana e kaaniia? Ti na riai n kanakoa te Atiniberita mai ikai. Ma ti nang kanakoa nakea?”