Tekaria 2:9 - Te B'aib'ara

⁹ Ma ngaia are, E na kaakingkami nako nanoni baiia ami toro, ao a na kurib'aingkami ma ni kimoaingkami. Ao i mwiina, kam na ataia iai b'a ana burabeti te UEA ae Moan te M'aaka ngai.

Tekaria 2:9 ပူးပေါင်းရင်းမြစ်များ

Itaia 10:32

A na kaemb'a n te bong aei kairiribai i Nobi ao a ioioi aia timoi n oro nakon te Maunga are Tion i nanon Ierutarem.

Itaia 11:15

E na kam'autereterea m'aangan Taari are Uraura te UEA are i rarikin Aikubita, ao e na kanakoa te ang ae e kabuebue b'a e na bwenaua te Karaanga are Iuberetiti nakon itiua m'aangana aika a konaa n nakonako i nuukana aomata.

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 13:2

Ko na anga te kanikina, takaarua n anga te babaaire n te tabo ae e rietaata i aon te tabuki ae akea arokan aona, ao kotea te kawai n rin nakon aia mataroa taan tautaeka aika a kamoamoa i B'aburon.

Itaia 14:2

A na kairaki nakon mwengaia irouia botannaomata ake tabeua, ao e na karikiia Iteraera b'a a na toro n te aba are aban te UEA.

Itaia 19:16

Ngkana e katuaaea Aikubita te UEA ae Moan te M'aaka ni baina ae e korakora, ao a na bon rangi ni mamaara kaain Aikubita ao a na ruru ni maaku.

Itaia 26:1

E a roko te tai are a na anene iai kaain Iuta n te anene ae e kaangai: “E kaawakinaki ara kaawa Bon ara nono te UEA, ao e anganiira te tokanikai.

Itaia 33:1

Ko konaiia au aomata. Ko a reke n te kangaanga! Ko tuai man ururuakaki, ma ko nang uruakaki; ko tuai man kam'aneaki; ma ko nang kam'aneaki. Ngkana e a bane am uruuru ma am kam'aam'ane, ao ko nang manga uruakaki ma ni kam'aneaki n aron anne.

Itaia 33:21

E na mena i rarikira ara UEA ae e kamimii! A na iai taian karaanga aika a iabuti ao taian karaanga aika a uarereke aika a aki konaa n roko iai aia kaibuke ara kairiribai.

Itaia 33:23

Ma bon te kaibuke am botannaomata ae a matanatana roobuna nako ao e a kani b'aka aneangina manni nena ao e tikibuaka kanoan iena. N te tai teuana ngkami naba aika kam m'auku a na reke naba ami b'ai mai rouia ami kairiribai nako.

Itaia 4:5

E na rabuna te kaawa ae e buubura ni kabane te UEA ma ana tabo ni kabowi n te nang ae e matenten ni katoa bong ao te ai ae e ura ni katoa tairiki. Ao mimitongin te Atua e na riki b'a kaanga te autinrianna ae e korakora ae e rabuni b'aai ni kabane.

Itaia 48:16

Kaaniko ao kakauongo! I tuai man karabai b'aai aika I a tia n taekin, ao I a kaman mena ikai i m'aain waakin te tai. E a tia ni kanakoai te UEA ae te Atua ni m'aakan te Tamnei are Raoiroi.

Itaia 60:18

E na aki manga kakiriweingkami te tiritiri, te urub'ai ao te kakeru i aon tian abami nako. Kam na arana oon ami kaawa nako b'a “Tokanikai” ao “Neboaki” b'a aran mataroan ami kaawa nako.

Itaia 60:19

Kam na aki kainanoa ootan taai ke nam'akaina. N na riki Ngai ae te UEA ae Atuami b'a ami oota n aki toki ao te tia karekea te karineaki.

Ieremia 27:7

A na bane ni m'akuri i bukina botannaomata ni kabane, ao a na m'akuri i bukin natina te mm'aane ma tibuna te mm'aane ni karokoa te tai are e na b'aka iai oin ana botannaomata. Ao i mwiina, ane a na m'akuri ana botannaomata i bukiia botannaomata aika a korakora ma uea aika a kakannato.

Ieremia 28:9

Ao n te tai aei, kam taku b'a e na reke iroura te rau. Ma ti te b'ai ae ti na ti karaoia, te tataninga n nooria ngkana bon mai roun raoi te UEA.

Ieremia 8:19

A tang au aomata i abaia ianena. Kakauongo! Ane ko na ongo aia taeka ae e kaangai, “E a tia te UEA ni kiitana Tion? E a aki Uea iai?” Ao I ongo ana kaeka te UEA ae e kaangai, “E aera ngkai kam kaunai n taromauriia bouannanti aika akea manenaia?”

Etekiera 39:10

A na kabuoki taian b'ai ni buaka aikai n onea mwiin te kai ke kaai ake a na korokoroi man aroka ake a na kab'akai. Ao anne aroia Iteraera ni katae aia kai irouia ake a aki toki ni kikimoaia ma ni kabuakakaia. Bon aei Au taeka Ngai ae te UEA.

Ioera 2:27

Iteraera, kam na ataia b'a I tei i bukimi. Bon te UEA Ngai ae Atuami akea riki anti tabem'aang. Kam na aki manga kamamaaeaki.

Ab'akuka 2:17

Ko a tia ni koroi ao ni kab'akai buakonikain Reb'anon, ao ngkai, ko na manga koreaki ni kab'akaaki. Ko tiring manna, ao ana aki karauko maan. Aio te b'ai ae e na riki nakoim i bukin am tiritiri, ao i bukin naba iowawaam nakoia aomatan te aonnaba ma kaawa nako.

Ab'akuka 2:8

Ko a tia ni kurib'aia aomatan botannaomata aika a bati, ma ngkai uaake nikira ni maiu ana manga kurib'aiko i bukin am tiritiri, ao am iowawa nakoia aomatan aaba ma kaawa nako.

Teb'ania 2:9

Boni Ngai te UEA ae I maiu, te Atua ae kakawakiniia Iteraera ma ngaia ae I karaoa te berita ae e matoa b'a ana bon mate aomatan Moaba ma Ammon n ai aroia aomatan Totom ma Komora. “Ana riki abaia b'a te tabo ae e on n te kanib'anib'a n taoro ao e na bon akea ae e kona n ununiki iai. Ti uteute kain aona. Nikira ni maiu irouia au aomata a na anaa te aba anne mai nanon baiia i Moaba n te buaka, ma aia b'ai nako,” bon ana taeka te UEA.

Teb'ania 3:15

E a tia ni katoka oream te UEA; E a tia ni kanakoia am kairiribai. E a mena i buakomi te UEA ae aia uea Iteraera. Bon akea te b'ai ae ti na riai ni maaku iai.

Tekaria 2:11

Ngkana E karaoa anne, a na bati botannaomata aika a na rairaki nakoina ma n riki b'a Ana aomata. Ao ane kam na ataia iai b'a bon te burabeti mairoun te UEA ae Moan te M'aaka.

Tekaria 2:8

Ao i mwiin anne, e tuangai te UEA ae Moan te M'aaka ae e mimitong b'a N na taetae ni kaangai nakoia botannaomata ake a tia ni kurib'aia ma ni kimoaa Tion: E tamaroa Tion iroun te UEA ae kaanga matana. Ngkana iai te b'ai ae kam karaoia nakon Tion kam na boni karaoia naba nakoina.

Tekaria 4:9

Ao e kawenea aan te Tembora Terub'abera, ao e na katiaa raoi. Ao ane a na ataia iai aomata b'a I kanakoko, Ngai ae te UEA ae Moan te M'aaka.

Tekaria 6:15

A ngke a roko aomata man aaba aika a kiraroa ni buoka karaoan ana Tembora te UEA ae Moan te M'aaka, ao ane kam na ataia iai b'a bon te UEA ae e kanakoai. Ao e na koro bukin te b'ai aei, ngkana kam bon ongotaeka raoi iroun te UEA ae Atuami.

Tekaria 9:15

E na kaawakiniia Ana Aomata te UEA ae Moan te M'aaka, ao a na kamanatuaia taani bana aika a baiteke ma aia bana. A na mooi ma ni kaberoro; a na riki b'a kaanga te boora ae e on n tain te angakarea.

Ioane 13:19

I taekina te baei ngkai nakoimi, ngkae e tuai n riki; b'a ngkana e riki, ao kam na kakoauaai b'a boni ‘Ngai ae Ngai.’

Ioane 16:4

Ma I atongi baikai nakoimi b'a ngkana e roko te aoa are a karaoi iai baikai nakoimi aomata, ao kam na uringnga b'a I a kaman taekin nakoimi.