Tekaria 2:8 - Te B'aib'ara

⁸ Ao i mwiin anne, e tuangai te UEA ae Moan te M'aaka ae e mimitong b'a N na taetae ni kaangai nakoia botannaomata ake a tia ni kurib'aia ma ni kimoaa Tion: E tamaroa Tion iroun te UEA ae kaanga matana. Ngkana iai te b'ai ae kam karaoia nakon Tion kam na boni karaoia naba nakoina.

Tekaria 2:8 ပူးပေါင်းရင်းမြစ်များ

Karikani B'aai 20:6

Ao E kaeka te Atua n te mii, “Eng, I ataia b'a ko karaoa anne ma te nano ae itiaki, ao bon anne bukina are I tuukiko iai b'a ko na aki nako iu, ao ko na aki riingnga naba Nei Taara.

2.Uea 24:2

N te tai anne, ao E a kanakoia tautia te UEA b'a a na iraea ma ni kamaunaa kaawan nako Iuta. Tabeman mai buakon te taanga ni buaka aei bon mai B'aburon, ao tabeman mai Turia, ma Moaaba, ao Ammon. E a tia te UEA ni kanakoa ana toro are te burabeti ni kauringa Iuta i bukin aei,

Taian Areru 17:8

Kawakinai n ai aroni kawakinan ataeini matam; karabaai i aan nuuni baim ni kiba.

Taeka n Rabakau 7:2

Ongotaeka irou, ao ko na maiu! kariki au taeka n reirei b'a kaanga kaub'aim aika a rangi n kakannato.

Itaia 49:19

E a maenikun ngkai Ierutarem! Bon akea te b'ai teuana ae e tiku n te kaawa. Ma e na manga moan karaoaki ao e na manga waekoa n onrake n te aomata; ao a na kairiribai aika a iowawaa a na bane n nako n taabo aika a raroa.

Ieremia 12:14

E taku te UEA, “Bon iai te b'ai ae N na taekinna nako ia raon Iteraera ake a tia ni kurib'aia te aba ake I a tia n anganiia Iteraera. I anga te aba aei nako ia au aomata, ma e a otab'aniniaki irouia kairiribai ma ni buakanaki ma ni kurib'aiaki. Ma ngaia ae, N na koutiia nako man abaia n aron naba ngkoa are I karaoia nako ia kaain Iuta mai abaia.

Ieremia 27:7

A na bane ni m'akuri i bukina botannaomata ni kabane, ao a na m'akuri i bukin natina te mm'aane ma tibuna te mm'aane ni karokoa te tai are e na b'aka iai oin ana botannaomata. Ao i mwiina, ane a na m'akuri ana botannaomata i bukiia botannaomata aika a korakora ma uea aika a kakannato.

Etekiera 25:12

Ao E a manga taku te UEA ae te Atua, “A bure kaain Etom ngkai a karekea kain Iuta.

Etekiera 25:15

E taku te UEA ae te Atua, “A tia kaain Biritia aika a iowawa ni kareke kaiia aia kairiribai n taai aika m'aiti ma ni kataia ni kamaunaiia.

Etekiera 26:2

Etekiera ae natin te aomata, a tia kaain Turo ni karaoa aia bootaki ni kukurei i bukin b'akan Ierutarem ni kunaia ae e kaangai, “E a tia ni b'aka Ierutarem! bon te tabo ni kaboob'ai ngkoa, ae e rangi ni korakora. E kamaaenikunaaki ami kaawa ngkai, ao ko na onea mwiina.”

Etekiera 26:20

ao e na uotingkami nako rikaaki nako abaia maate, ike kam na raoniia iai aomatan ngkoa ma kaawa ake a uruaki ngkoangkoa. Kam na tiku ikekei kam na aki manga riki b'a te kaawa ae e manga kaainaki irouia aomata

Etekiera 35:5

Kaain Etom, kam aki ti riki b'a ana kairiribai Iteraera n te tai ae e maan, ma kam bon tarataraia naba ngkana a kamaunaaki nako aomatana n te kabuanib'ai i bukin aia bure nako.

Etekiera 36:11

A na bungiaki naati, ao a na bungi natiia naba maan. Ko na aki manga kiitanaki n arom ngkai, ma ko na onrake irouia aomata ao e na karaoaki ae e raoiroi nakoim nakon ake mai m'aaina. Ao ane ko na ataia iai b'a bon te UEA Ngai.

Etekiera 38:11

b'a ane ko na aonikaia Iteraera, te kaawa ae e mamaara ae e rau ike a maeka iai aomata ma te kaawakinaki raoi i nanon taian kaawa aika akea ooia ke mataroaia ke rokaia.

Etekiera 38:14

I ataia Ngai ae te UEA ae te Atua b'a ngkana ko noora Au aomata ae Iteraera b'a e maeka ma te rau,

Amota 1:11

E taku te UEA “A teimatoa ni kakaraoa te bure kain Etom, ao N na bon katuaaia i bukin aei. Aki toki n ririmwiia aia utu, Iteraera, ao a kaota te aki nanoanga. Ngkana a un e bon kanganga tokina, ao aki kona ni kakerikaka uniia.

Amota 1:13

E taku te UEA: N na katuaaia kaain Ammon i bukin aia bure aika bati, ao N na bon aki bita au iango. A tia n tiringiia aomata aika a m'aiti i bukin aia rawe aba, ao a tiringiia naba aine aika a bikoukou i Kireata.

Amota 1:9

E taku te UEA “A teimatoa ni kakaraoa te bure kain Turo, ao N na bon katuaaia i bukin aei. A uotiia nako botannaomata nakon te kataenikaiaki nako abaia I-Etom, ao aki kawakina te berita n iraorao are a tia ni karaoia i marenaia.

Mika 4:11

A bootaki botannaomata aika a m'aiti b'a a na buakaniko. A kaangai, “E na riai ni kamaunaaki Ierutarem! Ti na noora te kaawa b'a e na bon urubekebeke raoi.”

Mika 5:6

A na kataenikaia Aturia are n aban Nimrota n aia b'ai ni buaka, ao a na kamaiura mairouia I-Aturia ngkana a roko ni buakaniira.

Mika 7:10

Ao a na boni b'aib'ainrang ara kairiribai ngkana a noora aei. E taetae ni kantiab'ai ngkoa te kairiribai ni kaangai, “E ngaa Te UEA ae Atuam?” Ti na ngareakiniia ngkana a konaaki, ma ni b'aka i aon te bokaboka i nanon kawain te kaawa.

Ab'akuka 2:17

Ko a tia ni koroi ao ni kab'akai buakonikain Reb'anon, ao ngkai, ko na manga koreaki ni kab'akaaki. Ko tiring manna, ao ana aki karauko maan. Aio te b'ai ae e na riki nakoim i bukin am tiritiri, ao i bukin naba iowawaam nakoia aomatan te aonnaba ma kaawa nako.

Ab'akuka 2:8

Ko a tia ni kurib'aia aomatan botannaomata aika a bati, ma ngkai uaake nikira ni maiu ana manga kurib'aiko i bukin am tiritiri, ao am iowawa nakoia aomatan aaba ma kaawa nako.

Teb'ania 2:8

E taku te UEA ae E m'aaka, “I a tia n ongo aia taeka I-Moaba ma I-Ammon ngke a tataboraaia man kaenaenaia au aomata, ao a kamoamoa b'a a na anaa abaia.

Tekaria 2:11

Ngkana E karaoa anne, a na bati botannaomata aika a na rairaki nakoina ma n riki b'a Ana aomata. Ao ane kam na ataia iai b'a bon te burabeti mairoun te UEA ae Moan te M'aaka.

Tekaria 2:9

Ma ngaia are, E na kaakingkami nako nanoni baiia ami toro, ao a na kurib'aingkami ma ni kimoaingkami. Ao i mwiina, kam na ataia iai b'a ana burabeti te UEA ae Moan te M'aaka ngai.

Tekaria 8:5

ngke a tabe n takaakaro ataeinim'aane ma ataeinaine i nanon kawain nako te kaawa.

Maraki 3:1

Bon te UEA Ngai ae Moan te M'aaka, ae N na kanakoa te tia uarongorongo are e na katauraoa te kawai i buku. ao E na karina ni kaoti te UEA are kam kakaaea i nanon ana Tembora. E na roko te tia uarongorongo are kam tangiria ma au berita, ao ae i aon kawaina.

Mataio 25:40

Ao E na kaekaia te Uea ni kangai, “E koaua ae I a tuangngkami, b'a are kam karaoia nakon temanna ae mangori riki i buakoia tariu aikai, ao kam karaoia naba nako Iu.”

Mataio 25:45

Ao Ngaia E na kangai nako ia, “E koaua ae I a tuangngkami, b'a ngke kam aki karaoi baikai nakon temanna ae mangori riki i buakoia aikai, ao kam aki karaoi naba nako Iu.”

Ioane 14:26

Ma te Tia Buobuoki, are te Tamnei are Raoiroi, are E na kanakomaia te Tama n arau, E na reireingkami b'aai ni kabane, ao E na kaururingkami taeka ni kabane ake I a tia n atong.

Ioane 17:18

B'a arom ngke Ko kanakomaiai nako aon te aba, ao ai arou naba, I a manga kanakoia nako aon te aba.

M'akuri 9:4

E b'aka Tauro i aontano, ao e ongo te b'ana ae kaangai nakoina, “Tauro, Tauro, ko aera ngkai ko b'ainikirinai?”

Te Tua-Kaua 32:10

Iteraera, E kuneingkami te UEA n te aba are e rereua are korakora iai te ang ae tangim'aaka. E riki te UEA b'a nonomi are kaawakiningkami kaanga ai aron kaawakinakin kanoani matana.

2.I-Tetaronike 1:6

B'a te b'ai ae riai iroun te Atua b'a E na karawawataia te koraki ake a karawawataingkami;

1.Ioane 4:14

Ti a tia n noria, ao ti tataekinna naba b'a E a tia te Tama ni kanakomaia te Nati b'a te Tia Kamaiuia kaain aonnaba.