Tekaria 2:6 - Te B'aib'ara

⁶ E taku te UEA nakoia ana aomata, “Biiri! Biri nako man te aba are i meaang, ike I kamaaenakoingkami iai nakon taian ang ake aua.

Tekaria 2:6 ပူးပေါင်းရင်းမြစ်များ

Karikani B'aai 19:17

Ao e taku te anera are temanna, “Biiri iangoi maiumi. Tai tanrikaaki, ao tai tiku i nanon te m'arua ma biiri nakon taian tabuki, b'a kam aonga n aki mate.”

Taian Areru 44:2

Ngke Ko kakioia nako botannaomata ni m'aakam, Ao Ko kamaekaia ara bakatibu i aon abaia; Ko karawawataia, ao Ko kakab'aiaia ara bakatibu.

Itaia 48:20

Kam na kiitana B'aburon ngkai! Ao kam na karaoa ami kukurei i nanoni kawaimi n nako. Kam na kukurei ao n takaarua b'a a aonga n ongo aomata nako, “E a tia te UEA ni kamaiua ana toro ae Iteraera!

Itaia 55:1

Nakomai mooi n te ran ngkana ko taka! Nakomai kana te b'ai ae ko kan kanna, ngkana akea am m'ane! Mooi n te wain ao te miriki ae akea boona.

Ieremia 1:14

E taku te UEA: N na kab'aroa te urub'ai i aon te aba ni kabane.

Ieremia 15:4

E na riki te rekenikai aei i bukin b'aai aika a buakaka ake e karaoi ami uea are Manate Ao kam na ribaaki irouia botannaomata ni kabane.

Ieremia 3:18

Ao i mwiina, n aaba aika i meang, ngkami aika kaain Iuta ao Iteraera kam na manga ikotaki, ao kam na oki nakon te aba are I anganiia ami bakatibu.

Ieremia 31:10

Ongo irou, ngkami aika botannaomata aika kam kaan ma akana kam mena n taabo aika a raroa i taari. I kamaaeia nako ia Iteraera, ma N na manga ikotiia riki. N na kaawakiniia kaanga te tia kaawakintiibu ngkana e tararuaia ana nanai ni man;

Ieremia 31:38

E taku te UEA: N te bong teuana, e na manga riki b'a Au b'ai Ierutarem. E na manga kateaki ma tiana ake a biri man te Taua are Ananera nakon te Mataroa are Koona.

Ieremia 31:8

Boni Ngai ae te UEA, ae N na kairiia Au aomata b'a a na oki mai B'aburon ao man taabo nako n te aonnaba. A na mena ikekei te mataki ma te m'auku. Aine aika i aon kawaia n riki b'a tiina ao aine aika a na bung a na roko naba ma n riki b'a kaain te koraki n aomata ae e korakora.

Ieremia 50:8

Biri nako mai B'aburon Au aomata. Otinako man te aba anne! Kam na aki taningaa temanna.

Ieremia 51:45

Otinako mai B'aburon, Au aomata, ao biiri n rawei maiumi, i m'aain ae I orea te kaawa n uniu!

Ieremia 51:50

Au aomata, kam biri nako man te mate ngke e b'aka Ierutarem. Ngkai kam a maeka n raroa ma mwengami, ma kam na riai ni kakoauaai ao kam na iangoa Ierutarem. Kiitana B'aburon! Kam na aki tiku!

Ieremia 51:6

Otinako mai B'aburon! Biri n rawei maiumi! Kam na mate, ngkana kam tiku ngkana I kaoka te kai nakon te kaawa aei ma ni katuaaea i bukin ana bure nako.

Etekiera 11:16

Ma aio te b'ai ae I tangiria b'a ko na tuangiia Iteraera ake i B'aburon: Bon te koaua ae bon te UEA Ngai ae te Atua, ae I kairoroingkami ni kanakoingkami man oin abami ma ni karikingkami b'a kam na maeka i buakoia botannaomata aika ianena. Ma ngkai, N nang mena iroumi n taabo nako ike kam mena iai, b'a kam aonga ni konaa n taromauriai.

Etekiera 17:21

A na tiringaki ana taanga ni buaka ake a bane aroia n te buaka, ao a na maaenako akana a reke maiuia n aki akaaka. Bon aei au taeka Ngai ae te UEA.

Etekiera 5:10

A na rangi ni kainanoa kanaia kaaro ma tiina n te aro are a na bon kang natiia, ao naati ana kana tamaia ma tinaia. Ao koraki akana a reke maiuia man te b'ai ae e kakamaaku aei a kamaaeaki nako n aki akaaka.

Etekiera 5:12

A na mate katenim'akoromi i nanon Ierutarem ikai n te aoraki ke te baki. Katenim'akoromi a na mate n te buaka. Ao N na kamaaenakoia kabanean katenim'akoromi n aki akaaka, ao i mwiina, N na manga rimwi ngkami n tiringkami.

Taniera 11:4

Ma e na uruaki ana tautaeka i bukin korakoran m'aakana, ao e na tib'aaki nakon aua te m'akoro. A na uea n onea mwiina n tautaeka n te bareti uea aika tiaki kanoana, ma a na bon aki roota aron korakorana.

Amota 9:9

“N na anga Au taeka, ao N na ioia aomatan Iteraera n ai aron te uita ae e ioaki n te b'ai n i uita. N na ioia n raumeaia ni kanakoia aika a buakaka.

Tekaria 1:16

Ai ngaia are, N na nanoangaa Ierutarem. E na manga moan kateaki te kaawa ae e b'anin, ao e na manga kateaki au Tembora.

Tekaria 2:7

Kiitana B'aburon ao kawaekoaingkami n okira Tion.”

Mataio 24:31

ao ane E na kanakoia ana anera n tangin te buu ae tangi m'aaka, ao a na botiia ana aomata te Atua ake E a tia n rineia man taabo nako i aonnaba.

Mareko 13:27

Ane E na kanakoia anera nakon iteran aonnaba ake aua, b'a a na botiia ana aomata te Atua mai tabon aonnaba are teuana ao mai tabona are teuana.

Te Tua-Kaua 28:64

Ao ngkami aika kam aika reke maiumi kam na manga maenako nakon botannaomata tabeua i aon te aonnaba, ao ane kam na imanonoaki b'a kam na taromauri taian atiibu ao taian bouananti aika taiani kai aika a bon tuai buokingkami ke ni buokiia ami bakatibu.

Te Kaotioti 18:4

Ao I ongo te b'ana teuana mai karawa b'a e kaangai, “Au aomata, kam na oti nako mai rouna! Kam na aki buokanib'ai ma ngaia n ana bure; ao kam na aki buokanib'ai naba ma ngaia ni katuaeana!

Ruuta 4:1

Ao e nako Boaati nakon te tabo ni kabowi ni mataroan te kaawa, ao e tekateka iai. Ao e ri rarikina teuare e taekinna ngkoa b'a te kabanea ni kaan ni koraki nakon Erimereka, ao e taku Boaati nakoina, “Raou, nakomai tekateka ikai.” Ma ngaia are, e roko teuarei, ao e tekateka.