Tekaria 2:13 - Te B'aib'ara

¹³ Kam na kainab'aabu aomata ni kabane! E a roko te UEA ao E a ririaki i nanon ana tabo ae e tabu.

Tekaria 2:13 ပူးပေါင်းရင်းမြစ်များ

2.Rongorongo 30:27

Ao a bubutiia te Atua ibonga ao kanoan Rewi b'a e na kakab'aiaia aomata, ao e karaoa anne mani mwengana are i karawa.

Taian Areru 11:4

E mena te UEA i nanon ana Tembora are tabu; ao e mena ana Kaintokanuea i karawa. E tarataraia aomata ni kabaneia n taabo nako, ao E atai baika a karaoi.

Taian Areru 46:10

E kaangai te Atua, “Katoki ami buaka, Ao kam na atai b'a te Atua Ngai, ae kakannato i buakoia botannaomata nako, ao I rine i aonnaba ni kabutaa.

Taian Areru 68:5

Te Atua, are maeka n ana Tembora are tabu, boni Ngaia ae tabeakiniia akana aki tabeakinaki irouia aia karo. Ngaia naba ae tei i bukiia aine akana mate buia.

Taian Areru 78:65

Ao E uti te Uea n ai aron temanna ae uti ni matu; Ai aron te aomata ae aintoa ae aki rau arona ngkana e manging.

Itaia 14:2

A na kairaki nakon mwengaia irouia botannaomata ake tabeua, ao e na karikiia Iteraera b'a a na toro n te aba are aban te UEA.

Itaia 19:16

Ngkana e katuaaea Aikubita te UEA ae Moan te M'aaka ni baina ae e korakora, ao a na bon rangi ni mamaara kaain Aikubita ao a na ruru ni maaku.

Itaia 41:1

Tai kakarongoa ao kakauongo, abam'akoro ni kabane i nanon te marawa. Kakorakoraingkami ao kaaningkami, aomata ni kabane aika taiani botannaomata. Ti na iangoa aron te b'ai ae e riki aei!

Itaia 51:9

Uti! buokiira te UEA. Ko na korakora ao tauraoi. Uti! Karaoa te b'ai are ko a tia ni karaoia nakoia am Aomata n taai ake ngkoa. Ko bon aki tataa Raaba are te mannikaakang?

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Itaia 57:5

Ti te b'ai ae kam iaiangoia bon te wene ni bure i aan taian aroka aika a mawaawa aikai ike a mena iai ami bouannanti aika kam taataromauri. Kam kareaniia natimi i aon taiani baonikarea ake a karaoaki i nanon taian m'arua i aan nanganangan b'aa.

Itaia 63:15

Taiaoka te UEA, taratara rikaaki man am tabo ane e tabu ma ni mimitong ane mwengam ane n taiani karawa ao noora te b'ai ae e riki. Ko a aki tangiria? E ngaa m'aakam? Kaotia b'a ko bon tabeakiniira ao ko nanoangaira!

Ieremia 25:30

E taku te UEA nako iu: N na bekorara kaanga te baa man au Tembora, ngkana I kamanatuaia au aomata ma aomata nako kaanga ai aron taiani kureebe.

Ab'akuka 2:20

E mena te UEA i nanon ana Tembora are e tabu, ke a bane kaain aonnaba ni kainab'aabu i matana.

Teb'ania 1:7

E a kaan ana bong ni motikitaeka te UEA, te tai are E nang karaoa iai ana m'akuri te UEA, ma ngaia are kainab'aabu i matana. E katauraoi te UEA b'a E na anga ana aomata b'a taian karea, ao E kateirakeia kairiribai b'a ana kurib'aia Iuta.

Teb'ania 2:9

Boni Ngai te UEA ae I maiu, te Atua ae kakawakiniia Iteraera ma ngaia ae I karaoa te berita ae e matoa b'a ana bon mate aomatan Moaba ma Ammon n ai aroia aomatan Totom ma Komora. “Ana riki abaia b'a te tabo ae e on n te kanib'anib'a n taoro ao e na bon akea ae e kona n ununiki iai. Ti uteute kain aona. Nikira ni maiu irouia au aomata a na anaa te aba anne mai nanon baiia i Moaba n te buaka, ma aia b'ai nako,” bon ana taeka te UEA.

Teb'ania 3:8

“Ma ngaia ae kam na tataninga, bon ana taeka te UEA, “taningaa te bong are n na bairei taekaia botannaomata nako iai. I a tia ni baireia i nanou b'a N na bootia botannaomata nako iai. I a tia ni baireia i nanou b'a n na botiia botannaomata ma aaba n uea nako, n te aro b'a ana namakina korakoran uran uniu.

Tekaria 4:9

Ao e kawenea aan te Tembora Terub'abera, ao e na katiaa raoi. Ao ane a na ataia iai aomata b'a I kanakoko, Ngai ae te UEA ae Moan te M'aaka.

Tekaria 6:15

A ngke a roko aomata man aaba aika a kiraroa ni buoka karaoan ana Tembora te UEA ae Moan te M'aaka, ao ane kam na ataia iai b'a bon te UEA ae e kanakoai. Ao e na koro bukin te b'ai aei, ngkana kam bon ongotaeka raoi iroun te UEA ae Atuami.

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.

I-Rom 9:20

Nao! Antai ngkoe b'a ko na kaekaa te Atua? Iai riain te b'ai ae e karaoaki man te bokaboka b'a e na kaekaa te aomata are karaoia ni kaangai, “E aera ngkai ko karaoai n arou aei?”

Te Tua-Kaua 18:21

Tao kam na kaangai i nanomi, Ti nang kanga n ataia b'a bon te rongorongo mairoun te UEA?

Te Tua-Kaua 18:22

Kam boni kona n ataia b'a ngkana bon te rongorongo mairoun te UEA, ao e na boni koro bukina, ma ngkana e aki korobukin ana taeka te burabeti ao ngkanne kam na ataia b'a e a tia te burabeti ni kewe b'a aongkoa Ana rongorongo te UEA. Kam na aki maaku irouia burabeti aika a taekin rongorongo aika tiaki mairoun te UEA.

Te Tua-Kaua 26:15

Ara UEA, Ko na tararikaaki man am Tembora ane i karawa ao kakab'aiaia Iteraera. Ko berita ngkoa nakoia ara bakatibu b'a Ko na anganiira te aba aei ae kaub'aina te miriki ma ana karewe te manibeeru, ao Ko a tia ni kaawakina am Berita.