Tekaria 14:5 - Te B'aib'ara

⁵ Ao ane a na biri nako aomata man Ana maunga te UEA, ri nanon te m'arua aei, are e roota Atere. Ane ko na biri nako n taabo nako, n aroia aomata nako ngkana a oreaki n te m'aiei i nanon ana tai ni uea Utia i aon Iuta. Ao i mwiin anne, E na kaoti te UEA ae Atuau ma Ana anera aika a tabu.

Tekaria 14:5 ပူးပေါင်းရင်းမြစ်များ

Taian Areru 96:13

Ngkana E roko te UEA n taua taekan aonnaba. E na tautaekaniia aomata nako i aonnaba n te eti ma te aki nanonano.

Taian Areru 98:9

I bukina b'a E roko n tautaekana te aba. E na tautaeka i aoia aomata nako i aonnaba n te eti ma te aki nanonano.

Itaia 29:6

N na roko ni kamaiuko ma m'aiei ao te baa ma te ukeukenanti Ngai ae te UEA ae Moan te M'aaka.

Ioera 3:11

Tai tab'ara, ngkami aika botannaomata nako! Kawaekoaingkami. Buubutiia te UEA b'a e na karokoia ana taani buaka b'a a na iri.

Amota 1:1

Aikai ana taeka Amota, are te tia kawakin tiibu man te kaawa are Tekoa Uoua te ririki i m'ain te m'aeiei, ngke e uea iai Utia i aon Iuta ao Ieroboam are natin Ioati e uea i aon Iteraera, ao te Atua E kaoti baikai ni kabane nakon Amota.

Mika 1:11

Kam na b'aib'ainrang ngkami aika kaain Tabira, b'a kam na kairaki nako b'a taenikai, ao akea karabaami. Kam na aki kataia n otinako man nonon ami kaawa kaain Taanan. Ngkana kam ongo tanginiweneia kaain Beta-Etera, ao kam na ataia iai b'a akea te tabo ae kam na mauri iai.

Tekaria 4:7

Terub'abera, e na kaboraoaki ma te tano te maunga ane i matam. Ao i mwiina, ko na kaotinakoi atiibun te tembora aika a kakaawaki ma n takaarua ni kaangai, “E a tia n rangi n akoi te Atua.”

Warekaia Iteraera 16:34

Ao nikiraia Iteraera a ongo b'anaaia uakekei ngke a takaarua, ma ngaia are, a manga birinako naba, ao a takaarua, ao a taku, “Ti a boni maaku n te b'ai anne ngkana e a manga riki nako ira?”

Mataio 16:27

B'a ane E na nakomai Natin te aomata ma ana anera i nanoni mimitongin Tamana; ao ane E na angania aomata ni kabaneia booni mwin aia m'akuri.

Mataio 24:3

Ngke E tekateka Iesu i aon te maunga are Oriweta, ao a nako Ina ana reirei ngke ti ngaiia, ao a kangai, “Ko na tuangiira b'a e na roko n ningai? Ao tera kanikinaean rokom ma tokin aonnaba?”

Mataio 25:31

Ngkana E roko Natin te Aomata ma mimitongina, ma anera ni kabaneia i rarikina, ao ane E na tekateka i aon ana kaintokanuea ae mimitong.

Ruka 21:27

Ao ngkanne, ane a na noora Natin te Aomata b'a E na nako mai n te nang ma te m'aaka ao te mimitong ae bati.

Te Tua-Kaua 33:2

E roko te UEA man te Maunga are Tinai E anga te oota mai Etom nakoia ana Aomata, ao e oota nako mimitongina man te Maunga are B'aran. Teuana tengaa Ana tautia aika raona, ao te ai i baina are te angaatai.

1.I-Tetaronike 3:13

b'a E na kateimatoai nanomi, b'a a aonga n itiaki ma n akea kabuakakakiia i matan Atuara ae Tamara, ngkana E roko ara Uea are Iesu ma ana aomata aika itiaki ni kabaneia.

2.I-Tetaronike 2:8

ao i mwina ngkanne, e na kaotaki teuare te tia ri aon te tua, are e na kamateaki iroun te Uea are Iesu n ikeni wina, ma ni kamaunaki ni mimitongin rokona.

Iakobo 5:8

Kam riai naba ngkami n taotaon nanomi. Kam na nanomatoa, b'a e a kaan rokon te Uea.

Te Kaotioti 11:13

Ao n te aoa naba arei ao e roko te m'aeiei ae korakora; ao e uruaki kabwiani m'akoron te kaawa, ao a mate ni m'aeiein te aba arei aomata aika itinga; ao aomata ake nikiraia a rangi ni maaku, ao a angan Atuani karawa te neboaki.

Te Kaotioti 20:11

Ao I nora te kaintokanuea ae ab'ab'aki ae mainaina, ma Teuare tekateka i aona. A biri nako aonnaba ma karawa mai Rouna, ma akea te tabo ae a na nako iai.

Te Kaotioti 20:4

Ao I noori kaintokanuea ma ake a tekateka i aoia b'a a anganaki te kona ni motiki taeka: bon aomataia ni koaua te koraki ake a tia ni mate ngke a kabakuaki i bukin tataekinan te koaua are E kaotiotia Iesu, ao i bukin tataekinan ana taeka te Atua. A aki taromauria te man are tiritiri, ao a aki taromauria naba te bouananti are katotongana; a aki kanikinaeaki ram'aia ma baiia n ana kanikina te man arei; ao a maiu, ma n uea ma te Kristo tengaa te ririki.