Tekaria 14:21 - Te B'aib'ara

²¹ A bane ni kariaiakaki i bukin kaburoan te iriko ni man ake a kamanenaaki i bukin te karea, ao e na aki manga kainanoaki kabonakoan b'aata ao boora aika a kaokoroaki.

Tekaria 14:21 ပူးပေါင်းရင်းမြစ်များ

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Itaia 35:8

E na mena te kawai ae e raoi ikekei, ao e na aranaki b'a “Kawain te Atua ae e Tabu.” bon akea te aomata temanna ae e aki tau n taromauri ae e na toua te kawai arei. Ao bon akea naba te nanobaba ae e na toua te kawai arei.

Itaia 4:3

A na bane n atongaki aomata ake nikira ni maiu i aon Ierutarem b'a aomata aika a tabu,

Itaia 52:1

Ierutarem, Uti! Teirake ao korakora. Tion te kaawa ae e Tabu karina kunnikaim ae moan te tamaroa. A na aki manga urua am kaawa ae e tabu taian ianena.

Etekiera 44:9

Ai ngaia are, e kaangai Au taeka Ngai ae te UEA ae te Atua b'a te ianena ae akea atuana ae aki ongotaeka irou ae e na bon aki kariaiakaki i nanon au Tembora. Aio naba i bukiia ianena akana a maeka i Iteraera.

Etekiera 45:1

Ngkana e tib'aaki te aba ae Iteraera nakoia baronga ake tebwi ma uoua, ko na katuka te tabo are Au b'ai. E na riai n 12.5 te kiromiita ab'akina ao 10 te kiromiita rababana.

Otea 12:7

Iteraera, ko kukurei n te kewe ao ko aonikaiia aomata tabem'aang.

Ioera 3:17

Bon te UEA Ngai ae Atuami. Ao kam ataia b'a I maeka i aon Tion, b'a e aonga n tabu Ierutarem, ma n aki kuukuneaki n aia taanga ni buaka ianena.

Teb'ania 1:11

Kam na mangoo n tang ngkana kam ongo te baei ngkami aika kam maeka n iteran te kaawa are i nano, i bukina b'a ana bane ni mate ami taan boob'ai!

Tekaria 14:20

Ao n te tai anne te taeka ae “Ana B'ai Te UEA” e na koreaki nib'aaki i aon taian beero ake a mena irouia taian aoti. Ni koauana raoi, taian b'aata ni kuuka n aki akaaka i Ierutarem a na riki n tabu b'a a na b'ai te UEA ae Moan te M'aaka n ai aron taiani boora ake a kamanenaaki n te baonikarea.

Tekaria 7:6

Ao ngkana kam am'arake ma ni mooi, tiaki bon i bukin kakukureiami?

1.I-Korinto 10:31

Ma ngaia aei, b'a ngkana kam am'arake ke kam moi, ke kam karaoa riki te b'ai teuana, ao kam na karaoi ni kabane i bukin neboakin te Atua.

Te Tua-Kaua 12:12

ngkami ma ami utu, ao ami toro, ao kam na bootaki n te tabo n taromauri, b'a E a tia te UEA ae Atuami n anganingkami te totokanikai ni b'aai ni kabane aika kam a tia ni karaoi.

Te Tua-Kaua 12:7

Kam na aki manga anga te karea n taabo nako ike kam tangiria ni karaoia iai, ma E nang rinea te tabo teuana te UEA i aon Iteraera ike kam na taromauriia iai.

1.Timoteo 3:15

Ma ngkana I waeremwe, ao baika I koroi a na tuangko te aroaro ae riai ni b'ainaki i buakoia ana utu te Atua, ae ana ekaretia te Atua ae maiu, ae te ekaretia ae taua te koaua mai aana b'a bouana ao aana.

Ebera 3:6

Ma Kristo E kakaonimaki b'a te Nati Ngaia ae iai tabena i bukiia ana aomata te Atua. Bon ana aomata ngaira ngkana ti teimatoa ni karokoa te toki ni b'aina te aki nanokokoraki ma te kakatonga n te baere ti kaantaningaia.

1.Betero 4:17

B'a e a roko te tai ae na moanaki iai te motiki-taeka mairouia ana aomata te Atua; ao ngkana e moanaki mai roura, ao e na tera mwina nakoia akana aki ira nanon ana euangkerio te Atua?

Te Kaotioti 21:27

Ao e na bon aki kona n rin i nanona te b'ai ae kam'ara, ke ane e karaoa ae riai ni bati n ribaaki ma ni b'ab'aina te kewe; ma a na rin iai ti te koraki ake a tia ni m'akoro araia ni bokin te maiu are ana b'ai te Tiibuteteei.

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.