Tekaria 14:20 - Te B'aib'ara

²⁰ Ao n te tai anne te taeka ae “Ana B'ai Te UEA” e na koreaki nib'aaki i aon taian beero ake a mena irouia taian aoti. Ni koauana raoi, taian b'aata ni kuuka n aki akaaka i Ierutarem a na riki n tabu b'a a na b'ai te UEA ae Moan te M'aaka n ai aron taiani boora ake a kamanenaaki n te baonikarea.

Tekaria 14:20 ပူးပေါင်းရင်းမြစ်များ

1.Uea 7:50

m'angko; b'ain tiringan te taura; ao boora ni katimtim aika a uarereke; rauraun te b'ai ni kaboiarara; baanin te ai; ao ai intitin mataroan te tabo are Moan te Tabu ao te ru are te kabanea ni buubura n te Tembora.

2.Rongorongo 4:8

E karaoi naba tengaun taian taibora ao e katikui naba n te ruu are e buubura, kakanimaua n iterana nako. Ao e karaoa naba tebubua taiani boora ni katimtim aika koora aika a uarereke.

Taian Areru 110:3

E na nooraki n te bong arei, mimitongin m'akam ngkana ko tautaeka ni korakoram ni kabanea. Ko na kunnikai taian kunnikai aika tabu ae kanga ai aron te aoi i m'ain otin taai

Te Otinako 25:29

A na bane taiani boora, raurau, tiaeki, ao m'angkon te wain i bukin taian angab'ai ni karaoaki n te koora ae itiaki,

Te Otinako 37:16

A na bane b'aai nako akana i aon te taibora ni karaoaki naba n te koora—taian boora, taian raurau, taian tiaeki, ao taian m'angko i bukin te angab'ai are te wain.

Te Otinako 39:30

Ao a karaoa te b'ai ni katamaroa, ae te kanikina ae e tabu man te koora ae raneanea, ao a korea i aona ae e kaangai, Ana b'ai te UEA

Itaia 23:18

ma e na bon akea te b'ai teuana ae e karekeaki ae e a tiku n te kaawa. E na riki te m'aane anne b'a a na b'ai te UEA, ao e na kabonganaaki ni kabooaki iai te kunnikai ae e raka i aon are e kainanoaki i bukiia koraki ake a onimakina te UEA.

Itaia 52:1

Ierutarem, Uti! Teirake ao korakora. Tion te kaawa ae e Tabu karina kunnikaim ae moan te tamaroa. A na aki manga urua am kaawa ae e tabu taian ianena.

Ieremia 31:40

E na katabuaki naba te M'arua are Innom are e rangi n ribaaki b'a e na riki b'a Au b'ai, ao ai uana naba ma taiani karaabee ake i mainiku ake a ruorikaaki nakon te Mataroa are Aoti nako nanon te M'arua are Kiteron. E na aki manga oki n uruakaki Ierutarem.

Etekiera 45:1

Ngkana e tib'aaki te aba ae Iteraera nakoia baronga ake tebwi ma uoua, ko na katuka te tabo are Au b'ai. E na riai n 12.5 te kiromiita ab'akina ao 10 te kiromiita rababana.

Nakoaia Ibonga 6:28

E na uruaki te b'aata te kaatiibu are e kaburoaki iai irikon te man anne, ao ngkana e kaburoaki n te b'aata te biti, ao e na karauaki ni kaaraki ni kaitiakaki raoi te b'aata anne, ao e na manga tebokaki n te ran.

Nakoaia Ibonga 8:9

Ao e katokaa te b'ara are te m'aita i aon atuuna, ao e kanim'a te b'ai ni katamaroa i moan b'arana ae kanikinaean ana b'ai te UEA, n ai aron tuangana iroun te UEA.

Ob'aria 1:17

“Ma a na birinako tabem'aang man te maunga are Tion, ao e na riki b'a te tabo ae e tabu. A na manga abana te aba kanoan Iakob'a ngkai bon abaia te aba.

Teb'ania 2:11

Ana kab'ainrangaki iroun te UEA. E na kakerikaaki m'aakaia antiia te Atua ao ana riki n akea bonganaia. Ao botannaomata ana taromauria te UEA n oin abaia n tatabemaniia nako.

Tekaria 14:19

Bon aio te katuua ae na b'akariia kain Aikubita ma aomata nako n aaba nako ngkana a rawa ni bukamarua te Toa ae M'anganikaai.

Tekaria 8:3

N na okira Ierutarem ma ni maeka ikekei i aon te Maunga are Tion. Ao ane e na ataaki iai b'a te kaawa ae e kakaonimaki, ao e na ataaki Tion b'a te maunga ae e tabu.

Tekaria 9:15

E na kaawakiniia Ana Aomata te UEA ae Moan te M'aaka, ao a na kamanatuaia taani bana aika a baiteke ma aia bana. A na mooi ma ni kaberoro; a na riki b'a kaanga te boora ae e on n tain te angakarea.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Warekaia Iteraera 4:14

Ao a na katokaaki i aon te kunnikai anne taiani b'ai ni m'akuri ake a kamanenaaki n te baonikarea, n reitaki ma taiani baan ake baanin te ai, taian waiteke, taian tiabora, ao taian boora ni katimtim. A na bane baikai n rabunaki n te kunniman ae raoiroi, i m'aain karinan taiani kainamo ni nneia.

Warekaia Iteraera 4:7

Ao i mwiina, a na manga rabuna taiboran te Kariki ae Tabu Aaron ma natina mm'aane n te kunnikai naba ae buru. Ao a na katokai taiani raurau, ma booran te b'ai ni kaboiarara, ma te m'angko, ma tiaekin te wain, ao ai uana naba ma te Kariki ae Tabu i aon te kunnikai.

Warekaia Iteraera 7:13

ao ana anga karea bon teuana te raurau ae ab'ab'aki ae te tirewa, ae rawatana 130 te tiekera ke e kaan teuana ma te iterana te kirokuraem (1.495 kg) rawawatana, ao teuana te boora te tirewa ae itibwi te tiekera ke 805 te kuraem (805g) rawawatana uaia n on n te buraawa ae manti raoi ae renganaki n te b'aa b'a te iriko n anga karea:

Warekaia Iteraera 7:19

e anga teuana te raurau ae te tirewa, ae tebubua tenibwi te tiekera ke e kaan teuana ma te iterana te kirokuraem (1,495 kg) rawatana, teuana te boora n tirewa ae itibwi te tiekera ke 805 te kuraem (805g) rawatana, n ai aron tiekeran te um'a are tabu; a uaia n on n te buraawa ae manti raoi ae renganaki ma te b'a i bukin te iriko n anga karea;

Ruka 11:41

Ma kam anga b'ai ake i nanon ami m'angko ma ami raurau b'a b'aai n akoi; ao noria, a bane n itiaki b'ai ni kabane i bukimi.

M'akuri 10:15

Ao e a manga roko naba i rouna te b'ana arei, ao e kaangai, “Ane E kaitiakia te Atua, ao tai atongnga ngkoe b'a e aki itiaki.”

M'akuri 10:28

E taku nakoia, “E ataaki iroumi b'a e aki riai n taekan te tua, b'a te aomata ae te I-Iutaia e na i raorao ma kaain te aba teuana, ke e na kawaria; ma E a tia te Atua ni kaotia nako iu b'a akea te aomata temanna ae N na atongnga b'a e aki itiaki ke e kam'ara.

M'akuri 11:9

Ma e a manga taetae naba te b'aana arei mai karawa ao e kaangai, “Ane E kaitiakia te Atua, ao ko na aki atongnga b'a e aki itiaki.”

M'akuri 15:9

ao E aki kakaokoroa arora ma ngaiia, ngke E kab'arai aia bure i bukin aia onimaki.

I-Korote 3:17

Ao b'aai ni kabane akana kam karaoi ke kam taekin a riai ni bane ni karaoaki n aran te UEA are Iesu, ao kam na katituaraoa te Atua ae te Tama i bukini Kristo.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.

Te Kaotioti 1:6

ao E karaoira b'a ibonga n ueana, aika taani beku iroun Atuana ma Tamana: ana b'ai te neboaki ma te m'aaka n tautaeka n aki toki! Amen.

Te Kaotioti 20:6

E a kab'aia ane e reke nena n te moa ni manga-maiu; bon ana aomata ni koaua te Atua. Akea m'aakan te mate are te kauoua i aoia aomata aika ai aroia aikai: a na riki b'a ana ibonga te Atua ma Kristo, ao a na uea ma Ngaia tengaa te ririki.

Te Kaotioti 5:10

ao Ko karaoia b'a ana ibonga te Atua n ueana; ao a na uea i aonnaba.”

1.Tamuera 2:14

Ao te tia m'akuri arei, e kateboa ana waiteke arei i nanon te b'aata, ao e uota rikaaki te iriko are reke n ana waiteke nakoia ibonga. Ao ai anne aroia ibonga aika uoman aikai nakoia Iteraera ni kabane ake a roko n anga aia karea i Tiro.