Tekaria 14:16 - Te B'aib'ara

¹⁶ Ao i mwiina, naake a tiku b'a nikira ni maiu man aaba ake a buakana Ierutarem a na nako ikekei ni katoa ririki n taromauriia te UEA ae moan te m'aaka, ma n ira kauringaan te Toa ae M'aanga ni kaai.

Tekaria 14:16 ပူးပေါင်းရင်းမြစ်များ

2.Rongorongo 8:13

E iri taian babaaire i aon te angakarea are e anga Moote i bukin taiani karea n te Taabati, te Toa ae Moan Otin Nam'akaina, ma Toan te Kariki ae Aki Karikaki, ao te Toa ae M'anganikaai.

Etira 3:4

Aomata a irii tuua i bukin kauringaan te Toa ae M'anganikaai, ao a anga taiani karea aika a tangiraki ni katoa bong.

Taian Areru 66:4

A bane aomata nako i aonnaba n taromauriko; A anene ni kamoamoako, A anene ni kamoamoa aram.”

Itaia 18:7

A ab'ab'aki rab'ataia kaain Itiobia aikai ao a maranran kuniia. A maakaki ni kabutaa te aonnaba, i bukina b'a a korakora ao a iowawa. Ma n te tai arei ane a na roko man abaia aika a m'akorokoro n taiani karaanga, ao a na uoti taiani b'aintangira nakon te UEA ae Moan te M'aaka, are e taromauriaki i aon te Maunga are Tion.

Itaia 19:21

E na kaotia te UEA nakoia kaain Aikubita b'a antai Ngaia, ao ane a na ataia ao a na taromauriia te UEA. Ane a na uoti aia karea ma taian angab'ai nakoina, ao ane a na kakoroa nanon aia berita nakoina.

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Itaia 6:5

Ao I takaarua ni kaangai, “I a reke n te kabuanib'ai! A bane n on n te bure au taeka aika I atong, ao ai uana naba ma aia taeka aomata nako aika i rarikiu. Ma e ngae n anne, ma I a tia n noora te UEA ae Moan te M'aaka.”

Itaia 66:23

Ni moanibongin te Toa ae Moan Otin Nam'akaina ao ni katoa Taabati, a na bane aomata nako n taromauriai. Bon aio au taeka Ngai ae te UEA.

Ieremia 46:18

Aikubita, bon te Uea ni koaua Ngai, te UEA Ae Moan te M'aaka, ngkai bon iai Ngai a na rietaata i aom kairiribai akana a buakaniko kaanga te Maunga are Tabora i buakon taian tabuki ke te Maunga are Karemera i rarikin taari.

Ieremia 48:15

Ma bon te UEA Ngai, ae Moan te M'aaka, ao I berita b'a a na karanganakoi ami kaawa nako kairiribai. Ao a na bon mate naba ami taani buaka aika a bane aroia n te buaka.

Ieremia 51:57

Bon te UEA Ngai ae Moan te M'aaka, te Uea ni koaua, ae I berita b'a a na bane ni manging mataniwi ao taan iango, koowana ma taani kairiiri ao tautian B'aburon, ao a na koronimanging ao a na b'aka ni matu, ao a na aki manga uti.

Otea 12:9

Iteraera, I bon teimatoa naba n riki b'a Atuam Ngai ae te UEA, ni bon arou naba ngkoa man te tai are kam mena iai i Aikubita. Ngkai N na imanonoiko b'a ko na manga maeka riki n te autinrianna, n aron are kam karaoia ngkoa te rereua.

Ioera 2:32

Ao ane E na kamaiuia aomata nako te UEA aika a kakaonimaki n taromauriia. E a tia ni berita b'a a na iai aika a reke maiuia i aon te Maunga are Tion ao Ierutarem, ao e na mena i buakoia te aomata are E rineia.

Mika 4:2

Ao a kaangai aomata, “Ti a rierakea ana tabuki te UEA, are e mena iai ana Tembora Atuaia Iteraera, b'a E na reireiniira baika E tangirira b'a ti na karaoi. Ti na nakonako i nanon kawai ake E a tia n rinei. A roko ana taeka n reirei te UEA mai Ierutarem, ao E taetae nakoia ana aomata mai Tion.”

Tekaria 14:9

Ao ane e na riki b'a bon ti temanna te UEA are E tautaeka kaanga te Uea ae e taromauriaki arana n te aonnaba.

Tekaria 9:7

A na aki manga kana te iriko ni man kaain Biritia ae e raraa ke am'arake aika a aki itiaki. A na riki b'a raoia Ana aomata Atuara man te baronga are Iuta. Ao te Atua E na butim'aia kaain Ekeron, n aron naba are e karaoia nakoia kaain Iebuti.

Maraki 1:14

Kam anga n onei mwiin maan aika a kariaiakaki ake kam a tia ni berita iai nako iu, maan aikai aika a aki marurung. N na bon katuaaingkami i bukin aei, i bukina ngkai bon te Uea Ngai ae I kakannato, ae te UEA ae Moan te M'aaka, ae I taromauriaki irouia botannaomata n taabo nako.

Ruka 19:38

Ao a kangai, “E a kab'aia te King ae roko n aran te Uea! Te raoi i karawa ao te neboaki ike moan te rietaata.”

Ioane 1:49

E taku Natanaera, “Te Tia Reirei, bon Natin te Atua Ngkoe; aia Uea Iteraera Ngkoe!”

Ioane 7:2

E a kaan roko tain aia botaki I-Iutaia teuana are te Toa are te Um'anrianna.

M'akuri 15:17

B'a a na ukoukora te UEA nikiraia aomata, ni botaki ma Tientaire, ake I a tia n atongiia b'a oin au b'ai.

I-Rom 11:16

Ngkana e katabuaki m'akoron te kariki b'a ana b'ai te Atua, ao are nikirana bon ana b'ai naba; ao ngkana e katabuaki wakaan te kai b'a ana b'ai te Atua, ao bon ana b'ai naba m'angana.

I-Rom 11:26

B'a n te aro aei, ao a na kamaiuaki kaain te botannaomata ae Iteraera ni kabaneia, n ai aron are koreaki ni kaangai: “Ane E na nako mai Tion te Tia Kamaiu E na kaaki te buakaka mairouia ana kariki Iakob'a.

I-Rom 11:5

Ao ai arona naba, b'a i bukin ana akoi te Atua ao a tiku ngkai nikiraia ake E a tia n rineia;

Te Kaotioti 11:13

Ao n te aoa naba arei ao e roko te m'aeiei ae korakora; ao e uruaki kabwiani m'akoron te kaawa, ao a mate ni m'aeiein te aba arei aomata aika itinga; ao aomata ake nikiraia a rangi ni maaku, ao a angan Atuani karawa te neboaki.

Te Kaotioti 19:16

Ao iai arana ae koreaki i aon ana kunnikai ao i aon rangana, ae kaangai, “AIA KING KING AO AIA UEA UEA”.