Tekaria 13:9 - Te B'aib'ara

⁹ Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Tekaria 13:9 ပူးပေါင်းရင်းမြစ်များ

2.Tamuera 7:24

Ko a tia ni rinea Iteraera b'a Am aomata n aki toki, ao Ko a tia n riki b'a Atuaia.

Iobi 23:10

Ma e ngae n anne, ao E atai m'anekau ni kabane te Atua; ao ngkana E kataai, ao E na bon kakoauaai b'a bon akea au bure.

Iobi 28:1

Bon iai taabo ike a taunaki iai taian tirewa. Bon iai taabo ike a manga kaburoaki iai taian koora.

Taian Areru 144:15

E a kab'aia te botannaomata ae a noraki baikai ni maiuna b'a a koaua; E a kab'aia te botannaomata ae Atuana te UEA.

Taian Areru 43:4

Ao N na nako n am baonikarea, te Atua: Boni Ngkoe ae nako mairoum kukureiu. N na katanga au b'ai ni katangtang n neboiko, te Atua, ae Atuau.

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Taian Areru 91:15

Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

Taeka n Rabakau 17:3

E tuoaki te koora ma te tirewa n te ai ao a tuoaki nanora iroun te UEA.

Ana Anene Toromon 2:16

Raou ae e tangiraki, Am b'ai ngai, ao au b'ai ngkoe, ngkai ko kaam'arakeia am tiibu i buakon taiani kiebu.

Itaia 43:2

Ngkana ko ri nanon te iabuti, ao I memena iroum, ao ko na aki b'ab'a. Ngkana ko ri buakon te ai, ko na aki bue ke ni maraki ni kabuebuena.

Itaia 48:10

I katai ngkami n taai aika a matoatoa kaanga te tirewa ae e a manga karaoaki n te ai ae e uram'aaka.

Itaia 58:9

E na kaekaingkami te UEA ni kaangai, “Aio Ngai!” Ngkana kam buubutiai buokami. Kam na aki karaoa ae aki raoiroi nakoia tabem'aang ke ni bukiniia n te aro ni kewe ke n taetae n aki akaaka nakoia.

Ieremia 24:5

Kaain Iuta, biiku ake a raoiroi e tei i bukiia tabeman maibuakomi ake I kanako ia nakon te taenikai nako B'aburon,

Ieremia 30:22

Kam na riki b'a Au aomata, ao Ngai N na riki b'a Atuami. Bon aei Au taeka Ngai ae te UEA.

Ieremia 31:33

Bon aei te boraraoi ae e boou ae I a manga karaoia Ngai ae te UEA ma ngkami Iteraera: “N na korea Au tua i nanoia ma aia iango. N na riki b'a Atuaia, ao a na riki b'a Au aomata.

Ieremia 32:38

A na riki b'a Au aomata, ao N na riki b'a Atuaia.

Ieremia 9:6

A bane aomata n aonikaiia raoia nako ao bon akea temanna i buakoia ae kakoauaai b'a te Atua Ngai.

Etekiera 11:20

ma au tua nako ma au taeka n reirei nako. Kam na riki b'a au aomata, ao N na riki b'a Atuami.

Etekiera 14:11

N na karaoa te b'ai aei, b'a kam aonga n oki nako iu ma ni katoka kabuakakaan maiumi i bon iroumi n taiani bure aika a ribaaki. Ma ngaia ae kam na oki nako iu! Ao N na riki b'a Atuami, ao kam na riki b'a Au aomata. Boni Ngai ae te UEA ae te Atua ae I karaoa te berita aei.

Etekiera 20:38

N na kaokoroia taani bure aika taani kamangao maibuakomi, e ngae ngkana N na kaokiia mai buakoia botannaomata nako ake a maeka b'a taenikai iai ngaiia, a na aki kariaiakaki b'a a na okira Iteraera. Ao i mwiina, ane ko na ataia b'a bon te UEA Ngai.

Etekiera 36:28

Kam na manga maeka riki n te aba are I anganiia ami bakatibu; kam na riki b'a Au aomata, ao Ngai N na riki b'a Atuami.

Etekiera 37:27

ao N na maeka i buakoia Au aomata ao N na riki b'a Atuaia.

Taniera 11:35

A na mate tabeman mai buakoia taani kairiiri ake a wanawana, ma n tokina, ao a na boni itiaki aomata. E na waaki nako te aro anne ni karokoa rokon te toki, are te tai are e a tia ni baaireia te Atua.

Taniera 12:10

Ane a na m'aiti aomata aika a na kaitiakaki. Ane a na aki ataa nanona aomata aika a buakaka; ao a na teimatoa ni buakaka; bon ti aomata aika a wanawana aika a na ataa nanona.

Ioera 2:32

Ao ane E na kamaiuia aomata nako te UEA aika a kakaonimaki n taromauriia. E a tia ni berita b'a a na iai aika a reke maiuia i aon te Maunga are Tion ao Ierutarem, ao e na mena i buakoia te aomata are E rineia.

Nakoaia Ibonga 26:12

N na nakonako ma ngkami—N na riki b'a Atuami, ao kam na riki b'a au aomata.

Tekaria 10:6

N na kakorakoraa te abanuea are Iuta ao Iteraera. Ao N na kaota te akoi i bukina b'a bon te UEA Ngai ae Atuaia. N na kaekai aia tataro ma ni kaokiia nakon mwengaia. Ao e na taraa n ae I tuai man katinanikuia.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Tekaria 8:8

ao N na uotiia ni kamaekaia i Ierutarem. A na riki b'a au aomata, ao N na riki b'a Atuaia, ae E kakaonimaki ni karaoa te eti.

M'akuri 2:21

Ao e na kamaiuaki ane m'anewea aran te UEA.

Ebera 8:10

B'a aio te boraraoi ae N na karaoia ma te botannaomata ae Iteraera i nanoni boong aika na roko, bon ana taeka te Uea: N na karin au tua i nanon aia iango, ao N na koroi i nanoia. N na riki b'a Atuaia, ao ngaiia a na riki b'a au aomata.

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

1.Betero 4:12

Ngkami aika kam tangiraki, kam na tai mimi n te b'ainikirinaki ae korakora ae kam taonaki iai ma ni kataaki iai, b'a aongkoa te b'ai ni kamimii ae riki nakoimi;

Te Kaotioti 21:7

Ane tokanikai ao e na b'aib'ai ni baikai; ao N na riki b'a Atuana, ao ngaia e na riki b'a natiu.

Te Kaotioti 8:10

Ngke e katanga ana bu te anera are te kateniman, ao e b'aka mai karawa te itoi ae ab'ab'aki, ae ura n ai aron te oi, ao e b'aka i aoni kateni-m'akoroni m'aitini karaanga, ao i aoni koburaken raan.

Te Kaotioti 8:11

Ao aran te itoi arei e atongaki b'a Mao: ao e riki ni mao kateni-m'akoron raan; ao a bati aomata ake a mate ngke a moi n raan akekei, i bukina ngke a riki ni mao.

Te Kaotioti 8:12

Ngke e katanga ana bu te anera are te kaaman, ao e uruaki kateni-m'akoron taai, ma kateni-m'akoron nam'akaina, ma kateni-m'akoron itoi; b'a e aonga ni karooaki kateni-m'akoroia, ao b'a e aonga n aki oota kateni-m'akoron te ngaina, ao ai aron naba te bong.

Te Kaotioti 8:7

Ngke e katanga ana bu te moa n anera, ao te karau ae matoatoa ae te aiti, ma te ai, aika renganaki n te raraa, a teweaki nako aon te aba; ao e kabuokaki kateni-m'akoron aonnaba, ao a kabuokaki kateni-m'akoroni m'aitini kaai, ao e bane ni kabuokaki te uteute ae mawaawa.

Te Kaotioti 8:8

Ngke e katanga ana bu te anera are te kauoman, ao e teweaki nako marawa te b'ai teuana ae kanga ai aron te maunga ae ab'ab'aki ae ura n te ai; ao e riki n raraa kateni-m'akoroni marawa;

Te Kaotioti 8:9

ao a mate kateni-m'akoroni m'aitiia ake a maiu ake i marawa; ao a uruaki kateni-m'akoroni m'aitini kaibuke.