Tekaria 13:7 - Te B'aib'ara

⁷ E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Tekaria 13:7 ပူးပေါင်းရင်းမြစ်များ

Taian Areru 2:2

A bootaki uean aonnaba n eekaanako te UEA ma ana King are E rineia.

Itaia 1:25

N na katuaaingkami n ae e korakora mani kabuoki b'aai ni kabane aika kam riki n aki raoiroi iai nakon taromauriau.

Itaia 27:1

Ao n te bong arei, ao Rib'aietan, ane e na nim'atoaua ma ni birinako manin taari ae e kakamaaku, ma e na tiringnga te UEA n te kabaang ae e kakamaaku, ae e kakang.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ieremia 47:6

Kam na tang n takaarua ni kaangai, ‘Ana kabaang te UEA! Ai ti maanra ngkoe ni korokoro? Naako okira nnem, tiiku ikekei ao motirawa!’

Etekiera 21:28

E taku te UEA ae te Atua: Etekiera ae natin te aomata, a kab'ainranga Iteraera kaain Ammon, ma ngaia ae ko na kabuakakaia ma n tuangiia ni kaangai: E a b'aka te kabaang, e tauraoi n tiritiri; e karaneaneaaki ao e katauraoaki nakon te tiritiri ae e biri m'aaka n aron te iti.

Etekiera 21:3

b'a N nang katuaaia. N na kaotinakoa Au kabang ao I a tauraoi n tiringiia aomata nako, aika a raoiroi ma aika a buakaka.

Etekiera 37:24

E na uea i aoia temanna ae e nako mairoun Au toro are Tawita. A na bane n ikotaki i aan temanna te tia tautaeka ao a na ongotaeka nakon au Tua nako.

Etekiera 7:6

A na toki maiumi ngkana e roko.

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Mika 5:4

Ngkana e roko, ao E na bon taua taekaia ana aomata ma te korakora are e anganna te UEA, ao ma ni kaotiota naba mimitongin te UEA n ti Ngaia. A na boni maeka ana aomata ma te rau, i bukina b'a e bon namakinaki kakannaton ana tautaeka ni kabutaa te aonnaba,

Tekaria 11:11

Taan kabonakoi tiibu ake a nooraki a bon ataia naba b'a bon te rongorongo mairoun te UEA aei.

Tekaria 11:4

E taku te UEA ae Atuau nako iu: Kaawakiniia tiibu aikai i bukin te tiringaki!

Tekaria 11:7

Ma ngaia are, I riki b'a te tia kaawakiniia tiibu i bukiia tiibu aika a reke n te kabuanib'ai irouia taan kabonakoi tiibu. Ao I aran taiani kai aika uakai ake I kamanenai ngkoa i bukin kaawakin taian tiibu: e arana teuana b'a “Nanoanga” ao teuana b'a “Katiteuanaki.”

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

Mataio 10:42

Ao ane anga ti te m'angko n ran ae m'aitoro nakon temanna i buakoia aika uarereke aikai ngkae e atongaki b'a au reirei, ao e koaua ae I a tuangngkami b'a e na bon anganaki kaniwangana.

Mataio 11:27

“I anganaki b'aai ni kabane iroun Tamau; ao akea ae ata te Nati, ma ti te Tama ae ataia; ao akea ae ata te Tama, ma ti te Nati ae ataia, ao ane E kani kaotia te Nati nako ina.

Mataio 18:10

Kam na kawakiningkami b'a kam na aki kakeaa bonganan temanna i buakoia aika uarereke aikai; b'a I taku nako imi, b'a a aki toki aia anera i karawa n rooroko iroun Tamau are i karawa.

Mataio 18:14

Ao ai aron naba Tamami are i karawa, b'a E aki tangira temanna i buakoia aika uarereke aikai b'a e na tiotio nako mai Rouna.

Mataio 26:31

Ao E taku Iesu nako ia, “I bukin te bae na riki nako Iu n te tairiki aei, ao ane na bua onimakinakiu i roumi, b'a e koreaki ae kangai, ‘N na tiringa te Tia Kawakin-tiibu, ao ane a na bane n uamaae tiibu.’

Mataio 26:56

Ma a riki baikai b'a a na kakoauaki aia koroboki burabeti.” Ao a bane ana reirei ni kitanna, ao a biri nako.

Mareko 14:27

E taku Iesu nako ia, “Ane e na moanna ni bua onimakinakiu i roumi, b'a e koreaki ae kangai: ‘N na tiringa te tia kaawakintiibu, ao ane a na bane n uamaae tiibu.’

Mareko 14:50

Ao a bane ana reirei ni kitanna, ao a biri nako.

Ruka 12:32

Tai maaku, ngkami aika karako m'aitimi b'a E kukurei Tamami n anganingkami ueana.

Ruka 17:2

E raoiroi riki i rouna ngkana e katineaki i roroana te atiibu ae rawawata ao e tewenakoaki i taari, nakon ae e na kaira temanna i buakoia aika uarereke aikai nakoni karaoan te bure.

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

Ioane 10:30

Ti temanna Ngai ma te Tama.”

Ioane 10:38

ma ngkana I karaoi, e aoria ngkana kam aki kakoauaai, ma kam na kakoauai au m'akuri, b'a kam aonga n ataia ma ni kakoaua b'a iai te Tama i nanou, ao Ngai i nanon te Tama.”

Ioane 14:1

“A na tai rawawata nanomi; kam na onimakina te Atua, ao kam na onimakinai naba.

Ioane 14:23

E kaekaa Iesu ao E taku, “Ngkana e tangirai te aomata, ao e na ongeaba nakon au taeka; e na tangiraki iroun Tamau, ao ti na nakoina ni maeka ma ngaia.

Ioane 16:15

Bon au b'ai b'aai ni bane ake iroun te Tama; ao aei bukin are I kaangai iai, b'a te Tamnei are Tabu E na anai au taeka ao E na taekin nakoimi.

Ioane 16:32

Noria, e a roko te aoa, ao e a boni kaman roko, are kam na kauamaaeaki nako iai nakoni mwengami nako, ao kam na kitanai ni katukai n ti Ngai; ma iai raou b'a Tamau.

Ioane 5:23

b'a a aonga ni bane aomata nako ni karinea te Nati, n ai aroia ngkai a karinea te Tama. Ane aki karinea te Nati, ao e aki karinea naba te Tama are kanakomaia.”

Ioane 8:58

E taku Iesu nakoia, “Bon te koaua ni koaua ae I a tuangngkami, b'a bon iai Ngai ma ngkoa i m'ain Aberaam.”

M'akuri 2:23

E a kaman tia ni baireia te Atua, ao E a kaman ataia naba, ae E na tauaki Iesu nakoimi, ao kam kamatea, b'a kam anga nako nanoni baiia aomata aika riri aon te tua, b'a a na tauria n te kaibangaki;

I-Rom 4:25

are E anga te Atua b'a E na tiringaki i bukin ara bure; ao E a manga kamaiua i bukira, b'a a aonga ni kaetaki arora n reitaki ma te Atua.

I-Rom 8:32

Teuare aki taua ae bon Natina, ma E anga i bukira ni kabaneira, ao E na iranna n aki anganira b'aai n akoi ni kabane ma Ngaia?

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Karatia 3:13

E kainaomataira Kristo man te rekenikai are n te Tua, ngkae E karaoa are E na reke kaina iai i bukira, b'a e koreaki ae kaangai, “E a reke kain te aomata ae tauraki n te kai:”

I-Biribi 2:6

B'a arona aron te Atua, Ma akea i nanona te kan riki ni boraoi ma te Atua.

Ebera 13:20

Ao te Atua, ae mai Rouna te raoi, are kaira rake mai buakoia maate ara Uea are Iesu, are te Tia Kawakin tiibu are kakannato, are e kabonganaki raraana i bukini karaoan te boraraoi are aki toki,

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;

1.Betero 5:4

Ao ngkana E a manga oki te Tia Kawakin-tiibu are te Mataniwi, ao e na reke iroumi te bau are te neboaki are aki kona n rai.

1.Ioane 2:2

boni Ngaia te kareanraoi i bukin ara bure; ao tiaki ti ara bure, ma aia bure naba kaain aonnaba ni kabaneia.

Te Kaotioti 1:11

ae kaangai, “Ane ko noria ao ko na koroia n te boki, ao ko na kanakoa te boki anne nakoia ekaretia ake itiua n taabo aikai: Ebeto, Temurena, Barekamo, Tuateira, Tareteiti, Biraterebia, ao Raorikeia.”

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.

Te Kaotioti 1:8

E taku te Uea ae te Atua ae Moan te M'aka, ae iai ngkai, ao iai ngkoa, ao iai rimwi n aki toki, “Boni Ngai te Moa ao te Toki.”

Te Kaotioti 13:8

Ao ane a na taromauria te man arei aomata nako i aonnaba, ake a aki koreaki araia ni bokin te maiu ma ngke a moa ni karikaki aonnaba; ao te boki arei bon ana boki te Tiibuteteei are kamateaki.

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.

Te Kaotioti 21:6

Ao E taku nako iu, “A bane n tia. Boni Ngai te Moa ao te Toki; boni moani b'aai Ngai ao tokiia naba Ngai. N na angan ane kani moi nimana mani koburaken te ran, are te ran ni maiu, ae akea boona.