Tekaria 13:2 - Te B'aib'ara

² E taku te UEA ae Moan te M'aaka: N na kamaunai ni kabane taian bouannanti mai aon te aba ngkana e roko te tai arei, ao e na m'aninga te aba taekaia n aki toki. N na bon kamaunaiia naba aia burabeti nako ma tamnei aika a kam'araa akana a tautaekaniia.

Tekaria 13:2 ပူးပေါင်းရင်းမြစ်များ

1.Uea 22:22

Ao e taku, “N na karaoia ana burabeti b'a a na kewe nakoina.” Ao E taku te UEA, “E raoiroi. Ko na nako ngkai ni karaoa anne.”

Taian Areru 16:4

Ma uake a taromauriia riki anti tabeman ana bon kabatiaki rawawataia N na bon aki ira buakon aia angakarea; N na bon aki taromauriia atuaia.

Te Otinako 22:13

Ngkana arona b'a e tenaaki te man irouia maan ni kaakang ao e mate, ao ko na kaota nikiran rab'atana nakon te aomata are ana man, ao ko na aki kabooa mwiina.

Te Otinako 23:13

Ma kakoauaa raoi b'a kam ongotaeka nakoni b'aai nako aika I a tia n taekin. Kam na aki tataro nakoia anti tabem'aang ke n atong araia.

Itaia 2:18

A na nako taiani bouannanti i bukin karaoan te raoiroi.

Itaia 2:20

Ao n te bong arei ao a na karenakoi aia bouannanti aomata ni kabane, aia bouannanti ake a karaoaki n te tirewa ma te koora i bukin te taromauri.

Ieremia 29:23

Bon aei tokiia i bukina ngke a tia ni karaoa te bure ae e rangini buakaka—a tia ni wenenibure ao a tia n taekin taiani kewe n aran te UEA. E bon kaaitaraa nanon te UEA te aro aei, E ataa te b'ai are a tia ni karaoia, ao E bon riki b'a te tia kakoaua ni kaaitaraia. Bon aei au taeka Ngai te UEA.”

Etekiera 12:24

A na aki manga oki aomata n ongo taeka ni kauring aika akea manenaia ke taian rongorongo aika a kewe.

Etekiera 13:23

N na bon aki manga kariaia aine aikai b'a a na anga te rongorongo ae a kaairua ma ni kamanenai taiani tabunea, ao N na kainaomataia au aomata man aia babaaire. Ao ane a na ataia iai b'a boni Ngai ae te UEA ae I karaoi baikai.

Etekiera 14:9

Ngkana e anga te rongorongo ae e kewe te burabeti, ao boni Ngai ae I karaoa te burabeti b'a e na kewe. Ma N na bon aki butim'aia ao N na kanakoa mai buakoia au aomata,

Etekiera 30:13

A na kamaaeaki taian bouannanti ma banna ake kam taromaurii ngkami aika kaain Aikubita n te kaawa are Membiti (Nobi). Bon akea temanna ae e na tiku n tautaekana am botannaomata, ao e na onrake te aba n te maaku.

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Etekiera 36:29

N na kaawakiningkami mani b'aai aika kam na kam'araa iai. E na taonako ami tawaana n taiani uita, ao akea ae e na manga baki.

Etekiera 37:23

A na aki manga taromaurii taian bouannanti ma ni karaoi m'akuri aika I aki kukurei iai. N na teboki aia bure ni kanakoi ma ni kaitiakiia, ao N na kaawakiniia man b'aai nako aika a na kam'araa iai. A na riki b'a Au aomata. ao N na riki b'a Atuaia.

Etekiera 43:7

Etekiera ae natin te aomata, bon Au kaintokanuea te Tembora i aon te aba. N na maeka i buakoia Iteraera ikai n aki toki. A na aki manga oki ni kamatauningaai ngaiia ma aia uea n taromauri taian bouannanti ni baangotan te aba ke ni katei taian kanuringa i bukiia aia uea aika a tia ni mate.

Etekiera 6:6

A na bane n uruakaki kaawa nako i aon Iteraera b'a e aonga ni kakoauaki b'a a bon bane n uruaki taian baangota, bouannanti, ao taian baonikarea, a na bane b'aai aika a tia ni karaoi Iteraera n riki b'a b'ariko ni b'ai aika a uruaki.

Otea 14:8

Iteraera, Katikui ami bouannanti nako! N nang kaekaa ami tataro ma n tararuaingkami. Boni Ngai te aroka are e mimitong arei, are oin ami kariki uaa,

Otea 2:17

N na bon kariaia naba b'a ko na atong araia antiia beekan aikai aika ko araniia b'a “Tooka”.

Otea 2:19

N na kariaia b'a ko na riki b'a buu n aki toki, ao tiaki te buu ae e kaboaki N na anganiko te motiki taeka ae riai, te eti, te tangira, te akoi,

Mika 2:11

Aikai aekakin aomata ake a tangira te burabeti ae e b'anga ni kewe ma ni kam'am'ane, are e na kaangai nakoia, “I taetae ni burabeti b'a e na raanga nako i bukimi te wain ae e kangkang ma te wain ae te kamanging.”

Teb'ania 2:11

Ana kab'ainrangaki iroun te UEA. E na kakerikaaki m'aakaia antiia te Atua ao ana riki n akea bonganaia. Ao botannaomata ana taromauria te UEA n oin abaia n tatabemaniia nako.

Mataio 12:43

Ngke e oti nako te tamnei are kam'araa mai nanon te aomata, ao e nakonako i aon taabo aika m'auteretere b'a e na ukoukora te nne ni motirawa iai; ma akea ae e kunea iai.

Mataio 7:15

Kam na kawakiningkami mairouia burabeti ni kewe, akana nako imi ni bakaaea te nimamannei kaanga ai aroia tiibu, ma bon aroia kameanti aika tiritiri ni koaua uakekei.

Ruka 11:20

Ma ngkana ni m'aakan te Atua ae I kanakoia iai taimonio, ao nanona ngkanne b'a e a roko Uean te Atua i aomi.

Te Tua-Kaua 12:3

Kam na urui aia baonikarea, aia nikawewe, ao kabuoki aia baangota ake a kabonganaaki i bukin taromaurian te anti te aine are Nei Aatera, ao urui aia bouananti. Urui aia tabo n taromauri ni kamaunanakoi b'a a aonga ni m'anuokinaki taekaia.

Te Tua-Kaua 18:20

Ma ngkana arona b'a I tuai taetae, ao e a manga taetae te burabeti ma ni bukinna b'a aongkoa Au rongorongo, ao kam na riai n tiringa te burabeti anne, ao te burabeti naba ae taku b'a e taekina ana rongorongo te atua temanna.

Iotua 23:7

ao kam na aki rangi n reitaki ma koraki akanne, ao kam na aki naba m'anewei araia antiia, ke n te tuea n araia, ke n taromauriia, ke ni boobaraaki nakoia.

Te Kaotioti 18:2

Ao e taetae n te b'ana ae korakora, ao e kaangai, “E a b'aka B'aburon are kakannato! e a b'aka ao e riki b'a neia ni maeka taimonio. Ao neia ni kabureaki tamnei aika kam'ara ni kabaneia, Ao neia ni kainaki maan aika ribaki ni kabaneia.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.