Tekaria 13:1 - Te B'aib'ara

¹ E na reke te koburake n ran, ike a na teboki iai aia bure ma aia kaairua ana kariki Tawita ao kaain Ierutarem.

Tekaria 13:1 ပူးပေါင်းရင်းမြစ်များ

Taian Areru 51:2

Tebokai raoi b'a I aonga n itiaki man au bure, ao kaitiakai man arou aika buakaka!

Taian Areru 51:7

Kaitiaki au bure mairou, ao I a itiaki iai. Tebokai, ao N na mainaina riki i aon te tinoo.

Itaia 12:3

E na reke iroumi te ran ma te kukurei ae moan te bati mani m'aneaban te tokanikai.

Itaia 4:4

i mwiin kanakoan te ai ni motikitaeka iroun te UEA ni kaitiaka te kaawa ae e buubura ma aomata man aia m'akuri aika a buakaka.

Ieremia 17:13

Bon te koburake n ran Ngkoe ae e anganiia Iteraera te maiu ma te kaantaninga. Ma ngkana a aki kubara te b'ai ae Ko taekinna aomata ao a na kamaunaaki nako kaanga taian taeka aika a koreaki i aon te tano.

Ieremia 2:13

Kam a tia ni bure ngkami aika au aomata ni b'aai aika uoua kam a tia ni katinanikuai, Ngai ae Nen te ran ni kamaiu ao kam kataia n itiia ami ran n taian ni ne n ran aika tabwenaua aika a raran aika a kekenaki i nanon te tano.

Ieremia 29:26

I mwiin maten Ieoiata are te ibonga, E rineiko te UEA b'a ko na riki b'a te ibonga are e tararuaia te taanga ni bureitiman i bukin te Tembora. Ko ataia aomata b'a akana a boni baba ma ni bakaaea te riki ni burabeti a riai ni katikaki ma ni kabaeaki n taian tiein ao biiti are kabaean te roroa.

Ieremia 33:8

A bure ao a kakaitaraai, ma N na kab'arai aia bure ma ni uoti nako aia kaairua.

Etekiera 36:17

Etekiera ae natin te aomata, ngke a maeka ngkoa Iteraera n oin abaia, a kabaarekaa te aba n aroia ake a karaoi, n aron kam'araan te aine ae e aoraki n aine.

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Etekiera 36:29

N na kaawakiningkami mani b'aai aika kam na kam'araa iai. E na taonako ami tawaana n taiani uita, ao akea ae e na manga baki.

Etekiera 47:1

Ao e kairai te mm'aane arei rikaaki nakon te Tembora, ike I noora iai te raanga n ran ae e raanga i aan te kawai n rin. E moana raangana man iteran te Tembora are mai maiaki, ike e raanga mai iai ri rarikin te baonikarea ni waaki nako ni waerake i nanon te katawanang.

Nakoaia Ibonga 11:36

a aki kona ni kam'araa taian koburake n ran ke taian tabwena ni b'a ake a kawakinaki iai raan ngkana e b'aka ni mate iai te man anne, ma a na kam'araa aomata ake a kanakoa rab'atan te man anne mai ikanne, ke b'aai ni kabane ake a bo ma rab'atan te man anne.

Mika 5:12

N na urui m'aakan am tabunea ake ko tabuneaiko iai, ao N na katikuko b'a te tabo ae akea te tia kaiwa iai.

Tekaria 12:14

ao ai uana naba ma utu ni kabane ake tabeua.

Tekaria 12:3

Ma N na onika Ierutarem nakon te atiibu ae e rawaawata ae e na kamanatuaia aomata nako i aon te aonnaba aika a katobibia Ierutarem,

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

1.Betero 1:19

ma kam kainaomataki n te raraa ae kakawaki ae raraani Kristo, are kanga ai aron te tiibuteteei ae akea buakakana ao akea baarekana.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

1.Ioane 5:6

Boni Ngaia Teuare nako mai n te raraa ma te ran, are Iesu Kristo. E nako mai, tiaki ti n te ran; ma n te ran ao n te raraa. Ao te Tamnei boni Ngaia te tia kaotiota koauan te baei; b'a te Tamnei bon te koaua.