Tekaria 12:6 - Te B'aib'ara

⁶ N na kariaia te baronga are Iuta n te tai anne b'a e na riki b'a te ai ae e mronron n te b'ariko ni kai ke te tooti ae e ura ni b'ariko n uteute aika a baaireaki raoi. Ao i mwiina, e na kaurarakei botannaomata ake a katobibia Iuta. Ao e na manga waekoa n okira arona te kaawa are Ierutarem n onrake n te aomata.

Tekaria 12:6 ပူးပေါင်းရင်းမြစ်များ

Itaia 54:3

Ane ko na taua abaia ianena ngkoe ma am kariki nako. Kam na tekateka n taiani kaawa ake a uruaki n te tai aei.

Itaia 9:20

kaanga taiani man aika a aki manana aika a un man tiringiia aomata nako ake i rarikiia, n reitaki naba ma bon aia koraki. Ma a bon aki naba rauaki.

Ieremia 30:18

E taku te UEA: Kaain Iteraera, N na akoingkami ma ni kanakoingkami nakoni mwengami. E a wene n uruaki ngkai Iteraera, ma kam na manga kateia, ni katiaa ma te bareti ae e boou.

Ob'aria 1:18

Aia botannaomata Iakob'a ma Ioteb'a a na riki kaanga ai aron te ai; A na kamaunaia kanoan Etau n ai aron te nikira ni uita i aontano ngkana e buee. Bon akea nikiraia kanoan Etau aika ana tiku ni maiu. Bon Ana taeka te UEA!

Mika 4:13

E kaangai te UEA, “Kam na nako n oreia ami kairiribai ngkami aika kaain Ierutarem! N na kakorakorako n ai aron te kaom'aane ae iai korona aika biiti, ao iai naba ana kau ni wae ae te buraonti. Ko na kamanatuaia botannaomata nako, ao ko na uotii mai nako iu Ngai ae UEAN te aonnaba ni kabane, kaub'ai ake a reke mairouia botannaomata ake a konaiia n te buaka.”

Tekaria 1:16

Ai ngaia are, N na nanoangaa Ierutarem. E na manga moan kateaki te kaawa ae e b'anin, ao e na manga kateaki au Tembora.

Tekaria 11:1

Reb'anon, kauki am mataroa! Kariaia b'a e na rin te ai b'a e na urui am kai aika tiira.

Tekaria 12:5

Ao ane a na ataia te baronga are Iuta ae bon Atuaia Ngai ae te UEA ae Moan te M'aaka, ao boni Ngai oin korakoraia.

Tekaria 2:12

Ao ane e na riki Iuta b'a m'akoron te aba are e tabu, ao Ierutarem e na manga riki b'a Ana kaawa ae rineaki.

Tekaria 2:4

ao e taku, “Kawaekoako! Tuanga te m'aane anne ane e tautaua te koranibaaire b'a akea tian Ierutarem. E na rangi n onrake irouia aomata ma maan e ngae naba ngkana iai oona.

Tekaria 9:15

E na kaawakiniia Ana Aomata te UEA ae Moan te M'aaka, ao a na kamanatuaia taani bana aika a baiteke ma aia bana. A na mooi ma ni kaberoro; a na riki b'a kaanga te boora ae e on n tain te angakarea.

2.I-Korinto 6:7

n taekan te koaua, ao m'aakan te Atua. Ao e riki ara raoiroi b'a ara b'aai ni buaka ao te tia kataniira.

Te Kaotioti 20:9

Ao a nako ni kabuta aon te aba, ao a otab'aninia neia ni maeka n rianna te koraki ake a itiaki, ma te kaawa are tangiraki; ao e b'aka te ai mai karawa, ao e kabuokiia ni kamaunaia.