Tekaria 12:5 - Te B'aib'ara

⁵ Ao ane a na ataia te baronga are Iuta ae bon Atuaia Ngai ae te UEA ae Moan te M'aaka, ao boni Ngai oin korakoraia.

Tekaria 12:5 ပူးပေါင်းရင်းမြစ်များ

Taian Areru 144:1

E na neboaki te UEA, ae te tia kamanoai! E kataneiaai i bukin te bo ni buaka ao ni katauraoai nakon te un.

Taian Areru 18:32

Ngaia te Atua ae kakorakoraai, Ao E kaeta kawaiu.

Taian Areru 18:39

Ko anganai korakorau ni buaka, ma au tokanikai i aoia aiau.

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Itaia 1:10

Bon ti te bo ngkami ma taani kairiiri irouia kaain Tootom ma Komora! Ma ngaia are, kam na ongora iroun te Atua:

Itaia 1:23

A tia taani kairiiri n katinanikuai ao a manga riki b'a raoia koraki ake taani baabakanikawai; ao ami taan tautaeka a iangoi reken taiani b'aintangira ao m'akuri ni baabakanikawai. Bon akea itin te motikitaeka nakoia aine aika a tia ni mate buuia ao ataei aika akea aia karo.

Itaia 1:26

Ierutarem, N na rinea te tia motikitaeka ao te tia iango aika ai aron ake mai m'aaina. Arami ae e boou bon “Te Eti ma te Kakaonimaki.”

Itaia 28:5

Ngkana e roko te tai aei, ao ane e na mimitong ana baunuea te UEA ae moan te M'aaka i bukiia ana Aomata ake nikira ni maiu.

Itaia 28:6

E na nooria b'a e na tautaeka te eti ao a na konaa ni kaawakina aia kaawa ae e buubura ana Aomata.

Itaia 29:10

E a tia te UEA ni karaoingkami b'a kam na nimatutuu; ma ni karokoa te matu ae e korakora i aomi ao n rabun atuumi.

Itaia 32:1

A na tautaeka te uea ma ana taani kairiiri ma te riai.

Itaia 45:24

A na kakoaua b'a bon ti te Atua Ngai ae I karokoa te kaetitaeka ae eti. Ane e un ma ngai e na bon rangi ni kamaamaaeaki ao e na rairaki nako iu.

Itaia 60:17

N na uoti nakoim te buraonti ma te biti n onea mwiin te kai ma te atiibu; ao n onea mwiin te buraonti ma te biti, N na uota nakoim te koora ma te tirewa. N na rinea te rau ma te motiraoi b'a taan tautaeka ao taan kairiiri.

Ieremia 30:21

E na riki b'a ami tia tautaeka temanna mai buakoia oin ami aomata. Ao ngkana I kaoa b'a e na roko ni kaaniai n te tabo n taromauri, e na bon karaoa anne. Bon akea ae konaa n roko ni kaaniai ngkana e aki kaoaki.

Ieremia 33:26

Ao N na bon karaoa naba aron anne; b'a N na aki katinanikuia naba ana kariki nako Aberaam, Itaaka, ao Iakob'a ke n urua Au berita are a na teimatoa n riki ana kariki Tawita b'a aia Uea. N na akoia Au aomata aika Iteraera, ao a na manga okira aroia n teetekeraoi.

Ioera 3:16

E na bekorara te UEA kaanga te raian mai nuukan Ierutarem e na karurua aonnaba ma karawa. Ma te UEA bon te nono, te tabo ni katantan i bukiia ana aomata aika Iteraera.

Tekaria 10:12

N na kakorakoraia Au aomata i bukina ngkai bon te UEA Ngai, ao a na irai. Bon aei Au taeka Ngai ae te UEA!

Tekaria 10:6

N na kakorakoraa te abanuea are Iuta ao Iteraera. Ao N na kaota te akoi i bukina b'a bon te UEA Ngai ae Atuaia. N na kaekai aia tataro ma ni kaokiia nakon mwengaia. Ao e na taraa n ae I tuai man katinanikuia.

Tekaria 12:4

N na kakamaakuia aoti ni kabane ao a na mangaongao taan toka i aoia aoti. Ma, N na taratara Iuta n te tai naba anne.

Tekaria 12:6

N na kariaia te baronga are Iuta n te tai anne b'a e na riki b'a te ai ae e mronron n te b'ariko ni kai ke te tooti ae e ura ni b'ariko n uteute aika a baaireaki raoi. Ao i mwiina, e na kaurarakei botannaomata ake a katobibia Iuta. Ao e na manga waekoa n okira arona te kaawa are Ierutarem n onrake n te aomata.

Tekaria 14:14

ni karokoa te tai are a manga bon rairakiia ake a mena i Ierutarem kaain Iuta.

Tani Motiki-taeka 5:9

I neboiko, te UEA, ao I rangi ni kaitau i bukiia taani kairiiri ao tautia aikai aika a anga nanoia.