Tekaria 12:4 - Te B'aib'ara

⁴ N na kakamaakuia aoti ni kabane ao a na mangaongao taan toka i aoia aoti. Ma, N na taratara Iuta n te tai naba anne.

Tekaria 12:4 ပူးပေါင်းရင်းမြစ်များ

1.Uea 8:29

Bon aei te Tembora are Ko rineia b'a nnem n taromauriaki. Taiaoka tararuaia ni bong ao ni ngaina ao ongora ngkana I nakomai n tataro.

2.Uea 6:14

Ao e kanakoia ana taanga ni buaka te uea aika a bane aroia nako ikekei ma taian aoti ao kaanibuaka. A m'ananga ngke e bong ao a otab'aninia te kaawa arei.

2.Uea 6:18

Ngke a tabe n rooroko ni kaaniia tautian Turia, ao e tataro Eritai ni kaangai, “Kamatakiia tautia aikai.” Ao E kamatakiia te UEA n te oota ae e rangi n oota.

2.Rongorongo 6:20

Bon aei te Tembora are ko a tia n rineia b'a ko na taromauriaki iai. I butiiko b'a ko na tararuaia ni bong ao ni ngaina ao kakauongo ngkana I rairaki nako iai man tataro.

2.Rongorongo 6:40

Te UEA ae te Atua, ongora iroura ngkana ti tataro n te Tembora aei.

2.Rongorongo 7:15

N na ongo taian tataro ni kabane akana i nanon te Tembora aei,

Neemia 1:6

Bon am toro ngai, ma ngaia ae, I butiiko b'a ko na nanoangaai ao kaekaa au tataro ae I tataro iai ni bong ao ni ngaina i bukiia Iteraera aika a beku i bukim. I a bon tia ni bure ma au utu ao aomata ni kabaneia

Itaia 24:21

E na katuaaia taian m'aaka ake i karawa ao uean nako te aonnaba te UEA n te bong arei.

Itaia 37:17

Ko na bon noora ana m'akuri Tennakeriba ni kabuakakako, ngkoe te Atua ae e maiu.

Ieremia 24:6

ike I tarataraia iai. Ao n te bong teuana N na kaokiia nakon te aba aei. N na unikia, ao N na aki manga taewakaiia, ao N na karikirakeia, ao N na aki manga uruia ni kab'akaia.

Etekiera 38:4

ao N na kamamaarako! N na kaaki i wiim te matau ao N na uaakiniko ngkoe ma am taanga ni buaka are e korakora. Ko kaira te taanga ni buaka are a toka i aoia aoti aika a b'ain kunnikai ni buaka aika a rawawata ao a uoti taian otanga ao taiani kabaang.

Etekiera 39:20

A na roko nakon Au taibora ao a na kaonia n irikon taian aoti ma taani buaka n aekaia nako. Bon aei Au taeka Ngai ae te UEA.

Taniera 9:18

Ongo iroura te Atua; taraira ao noori ara kaangaanga aika ti mena i buakoia, ao rawaawatan te kaawa are e uouota Aram. Ti tataro nakoim i bukina b'a Ko akoi, tiaki i bukina ngke ti a tia ni karaoa te eti.

Tekaria 10:5

A na ira te buaka, ao a na kaai naba ni kamanatuaia aia kairiribai kaanga te bokaboka. A na buaka, i bukina ngkai N na tei n aia itera Ngai ae te UEA. Ao a na kamanatua aia taanga ni buaka aia kairiribai ake taani buaka mai aoia aoti.

Tekaria 12:11

A na tang kaain Ierutarem n te bong arei kaanga m'aitin are a karaoia aomata nako i bukin Atata Rimmon n aaba ake a aoraoi i rarikin Mekito.

Tekaria 12:3

Ma N na onika Ierutarem nakon te atiibu ae e rawaawata ae e na kamanatuaia aomata nako i aon te aonnaba aika a katobibia Ierutarem,

Tekaria 12:5

Ao ane a na ataia te baronga are Iuta ae bon Atuaia Ngai ae te UEA ae Moan te M'aaka, ao boni Ngai oin korakoraia.

Tekaria 12:6

N na kariaia te baronga are Iuta n te tai anne b'a e na riki b'a te ai ae e mronron n te b'ariko ni kai ke te tooti ae e ura ni b'ariko n uteute aika a baaireaki raoi. Ao i mwiina, e na kaurarakei botannaomata ake a katobibia Iuta. Ao e na manga waekoa n okira arona te kaawa are Ierutarem n onrake n te aomata.

Tekaria 14:15

E na oreia naba maan te kabuanib'ai naba aei, n reitaki ma taian aoti, miure, kamero, ao taian aati. N tokina, a na bane n rikoaki b'aai nako aika a kakaawaki mairouia botannaomata nako ma ni uotaki nako Ierutarem-koora, tirewa, ao taiani b'ariko ni kunnikai.

Tekaria 9:8

E taku te UEA, “N na aki mamatu ni kakaawakina au Tembora mairouia aika a na roko ni buakanna. I ataa te b'ai ae e riki, ao bon akea temanna ae e na manga karaoa riki ae e buakaka nakoia Au aomata.”

M'akuri 17:30

Ma ngaia ae E aki bairei taekaia aomata te Atua i nanon tain te babanga arei; ma E tuangiia aomata ngkai ni kabaneia n taabo nako b'a a na rairi nanoia,

Te Tua-Kaua 28:28

Ao kam na riki ni baba ma ni matakii. E na kaminoingkami te UEA,