Tekaria 12:2 - Te B'aib'ara

² I a tia ni iangoia b'a e na riki Ierutarem b'a te boora ni wain ae e na kamangingia botannaomata nako akana i rarikina. Ao ngkana e roko buakanakin Ierutarem, e na buakanaki naba Iuta.

Tekaria 12:2 ပူးပေါင်းရင်းမြစ်များ

Taian Areru 75:8

E taua te m'angko i baina te UEA, ae e onrake n te wain ae matoatoa are bon unna. E kab'aroa, ao a moi iai aomata aika buakaka ni kabane; A nimma ni karokoa te kabanea n timtim.

Itaia 51:17

Ierutarem, uti! Teirake! Ko a rangi ni manging n te m'angko are e kanoaaki ni unin te UEA. Ko a tia n ong timtimna ni kabane, ao ko a aki konaa n nakonako raoi.

Ieremia 25:15

E kaota nako iu te kaotioti te UEA ae Atuaia Iteraera ae e kaangai nanona, “Ieremia, aio te m'angko ae e kanoaaki n wainin uniu. Anaia ao kamooia teutana aomata ni kabane mai iai.

Ieremia 25:17

Ao I anaa te m'angko arei mai bain te UEA, ao nako ia uean botannaomata ao I kamooia n tatabemaniia nako kaka teutana.

Ieremia 49:12

Ao a na mooi naba ni m'angkon uniu botannaomata aika a aki riai ni katuaaeaki. Ao tera riki ami anga ni biri nako?

Ieremia 51:57

Bon te UEA Ngai ae Moan te M'aaka, te Uea ni koaua, ae I berita b'a a na bane ni manging mataniwi ao taan iango, koowana ma taani kairiiri ao tautian B'aburon, ao a na koronimanging ao a na b'aka ni matu, ao a na aki manga uti.

Ieremia 51:7

B'aburon bon Au m'angko te koora ae e kanoaaki ni wainin uniu. A na manging n te wain aei botannaomatan nako te aonnaba ao a na rangirang.

Ieremia 8:14

A taku i bon irouia kaain Iuta, “Ao tera ae ti a tataningaia? Ti riai ni biri rikaaki nakon kaawa ake iai ooia ma ni mate ikekei. Ti a tia ni kakaitaraa te UEA, ao motikan taekara bon te tiringaki ni kamooaki n te boitin.

Ab'akuka 2:16

E na manga okiriko te mamaa n onea mwin te karineaki. Ko na mooi man tatatata. E na kamoiko te UEA ni bon oin m'angkon oream, ao karineam e na onikaki nakon te b'ainrang.

Tekaria 14:14

ni karokoa te tai are a manga bon rairakiia ake a mena i Ierutarem kaain Iuta.

Tekaria 14:2

Ma te moan b'ai ae e na karaoaki, E na karokoia moa botannaomata nako b'a a na buakana Ierutarem-a na iraeaki b'ain nako te mwenga, a na tauaki aine, ao a na katikitikaki iteran te botannaomata, e ngae ngke iai tabeman ake a na kariaiakaki n tiku.

Te Kaotioti 14:10

ao e na moi n ana wain te Atua, are wainin unna, are E a tia ni kab'aroaki n aki renganaki nako nanoni m'angkon unna; ao e na b'ainikirinaki ni kamarakaki n te ai ma te burimton i mataia anera ake a raoiroi, ao i matan te Tiibuteteei.

Te Kaotioti 16:19

E tabwena te kaawa are ab'ab'aki nakoni m'akoro aika tenua, ao a bane n urubekebeke taiani kaawa nako n aaba nako: ao te Atua E aki m'aninga taekani B'aburon are kakannato, ma ngaia are E anganna m'angkoni wain n unna b'a e na moi iai.

Te Kaotioti 18:6

Are e karaoia nakoimi, ao kam na karaoia naba nakoina; ao kauoua te tai m'aitini booni mwin te b'ai are e karaoia, ao kaona ana m'angko n te moi, ni kauoua te tai korakoran te moi are e a tia ni karaoi i bukimi.