Tekaria 12:10 - Te B'aib'ara

¹⁰ Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Tekaria 12:10 ပူးပေါင်းရင်းမြစ်များ

Karikani B'aai 45:1

Ao Ioteb'a e a aki kona n taotaona nanona ni karaba mairouia tarina, ma ngaia are, e a tuangiia aomata ni kabane b'a a na kitana te ru, ao ngke ai bon akea aomata, ao e a tuangiia tarina b'a antai ngaia.

Karikani B'aai 45:2

Ao e a tangi n takaarua, ma ngaia are, a ongo kaain Aikubita, ao e a roko rongorongona n ana bareti te uea.

Taian Areru 51:12

Manga kaoka nako iu te kim'areirei are reke man am Kamaiu, Ao karaoa ae N na kan ongeaba iai nakoim!

Taeka n Rabakau 1:23

Ongora ngkana I boaingkami ma n tuangkami te b'ai ae I iangoia.

Taeka n Rabakau 4:3

Ngke I uarereke ngkoa man rangi n taatangiraki iroun tinau ao e taku

Itaia 32:15

Ngkae ti anganaki te Tamnei mai karawa ao a na riki b'a taian m'akoro n aba aika a on n taian aroka aika iai uaaia. aika a nimatenten aroka iai.

Itaia 45:22

“I kaooa te aonnaba ae e b'anin b'a e na rairaki nako iu ao e na maiu. Bon ti te Atua Ngai! Akea riki te Atua ni koaua.

Ieremia 31:19

Ngke ti uarereke ngkoa, ti m'aninga nako ao ti bure, ma i mwiina ti uringaaba n te b'ai ae ti a tia ni karaoia. Ti mamaa ao ti b'ainrang. ao ti tangiria n okiriko.”

Ieremia 31:9

Ane a na tang ma n tataro ngkana I a kaokiia nakon mwengaia. N na kairiia i nanon raanga n ran. A na nakonako i aon te kawai ae e booraoi ao a na aki reke waeia. Boni Ngai tamaia Iteraera, natiu ae I rangi n tangiriia.

Ieremia 50:4

E taku te UEA: Kaain Iteraera ma Iuta, Ngkana a riki baikai ao kam na tang, ao kam na kaai n okira abami n taromauriai, Ngai ae te UEA ae Atuami.

Ieremia 6:26

ao a buaka n aki anga te katauraoi. Ma ngaia are, kam na tang ngkami aika au aomata, n ai aron ae e a tia ni mate natimi. Karin kunnikai aika a karaoaki n taian kunnikai aika a mangaingai ao kam na rabinobino nako nanon te b'ariko ni mannang.”

Etekiera 20:43

Ao i mwiina, kam na uring ami bure aika a buakaka, ao kam na ribaingkami i bon iroumi i bukin karaoan b'aai aika a buakaka. A karaoingkami b'a kam na aki butim'aeaki irou,

Etekiera 37:14

E na anganingkami Tamneiu te ikeike, ao kam na manga maiu. N na kaokingkami nakon mwengami, ao kam na ataia iai b'a I kaawakina Au berita. Bon aei Au taeka Ngai ae te UEA.

Etekiera 39:29

N na aki manga tannako mairouia Au aomata aika Iteraera, ao E na maeka Tamneiu i nanoia. Bon aei Au taeka Ngai ae te UEA.

Amota 8:10

N na onika ami bootaki nakon bootaki ni mate, ao N na oniki naba ami anene ni kukurei nakon taian tanginiwenei. Ao ane kam na kamarai atuumi ao kam na kunnikaini kunnikai aika a raeraeaki, ao kam na katotongiia utu aika a tanginiweneia natiia te m'aane ae te rikitemanna. E na bon rangi ni maai te bong arei mai moana ni karokoa tokina.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Warekaia Iteraera 21:9

Ao e ongotaeka Moote iroun te UEA. Ao a bane ni maiu aomata ni kabane ake a tara te naeta are karaoaki man te buraonti, e ngae ngke a tia n tenaaki n te naeta are rangi ni boitin.

Mataio 24:30

Ao ane na kaoti kanikinaean Natin te Aomata i karawa, ao ane a na bane n tang kaain aonnaba, ao a na nora Natin te Aomata b'a E nako mai aon nangini karawa ma te m'aaka ao te mimitong ae bati;

Mataio 26:75

ao Betero e uringa ana taeka Iesu ngke E kangai, “I m'ain tangin te moa, ao ane ko na katenua kakeaau.” Ao e oti nako, ao e katumaua te tang.

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

M'akuri 10:45

A mimi I-Iutaia ake a onimakina Iesu, ake raoni Betero n roko mai Iobe, b'a E nurakina naba te b'ai n tituaraoi are te Tamnei are Raoiroi te Atua i aoia aomata aika tiaki I-Iutaia;

M'akuri 11:15

Ao ngke I moana au kakarabakau, ao E roko i aoia te Tamnei n aron are e a tia n riki nako ira rimoa.

M'akuri 2:17

“E taku te Atua, Ao ni boong aika kabanea ni boong, N na nurakina Tamneiu i aoia aomata ni kabaneia. A na taetae ni burabeti natimi aika mm'aane ma aine; ao a na noori baika ai aroni kanoani mii ami rorobuaka n ataei, ao a na miakini mii ami unimm'aane.

M'akuri 2:33

Ngkae E neboaki i angaatain te Atua, ao ngkae E anganaki iroun te Tama te taeka n akoi i bukin te Tamnei are Raoiroi, ao E a tia n nurakina te baei, ae kam noria ma n ongo.

M'akuri 2:37

Ngke a ongo aei aomata ao a teke nanoia; ma ngaia are a taku nakoni Betero ma taan tuatua ake raona, “Taari, tera ae ti na karaoia?”

I-Rom 8:15

B'a te Tamnei are kam anganaki E aki karikingkami b'a tooro, ao E aki karika te maku i nanomi; ma kam anganaki te Tamnei ae e natinaki te aba i rouna, ao ae ti a kona i rouna ni kaangai iai: “Aaba Tamara!”

I-Rom 8:26

Ao ai aron naba te Tamnei b'a E buobuokira ni mamarara: b'a ti aki ata arora n tataro ae riai, ma E bubuti te Tamnei i bukira ni ngirangira aika a aki konaaki n atongaki aroia.

I-Ebeto 6:18

Ao kam na tataro n aki toki n taian tataro ni kabane ma bubuti, n ai aroni kairami iroun te Tamnei; ao kam na kamarurungngkami nako iai, ma n aki b'ara n nano, ni bubuti i bukiia ake a itiaki ni kabaneia,

Ebera 12:2

ao ti na tarataraa Iesu are te tia kariki ara onimaki, ao te tia kakoroa; are E taona nanona nakon te kaibangaki, n aki mutiakina kamaamaeana, i bukin te kim'areirei are kamenaki i m'aina; ao E tekateka i angaatain ana kaintokanuea te Atua.

Iuta 1:20

Ma ngkami aika kam tangiraki, kam na waki ni kateitei aromi i aon ami onimaki ae moan te tabu; ao kam na tataro n aroni kairami iroun te Tamnei are Raoiroi;

Te Kaotioti 1:7

Noria, E nangi nako mai Kristo ma naang; ao a na bane maata n noria, ao uake a ewaria a na noria naba; ao a na bane n tang aomata nako i aonnaba i bukin te baere e karaoaki nakoina. Eng, Amen.

1.Tamuera 7:2

ao e tiku ikekei i nanon 20 te ririki. I nanon te tai aei, ao a bane Iteraera n nanokawaki ma ni bubutiia te UEA b'a E na buokiia.