Tekaria 11:9 - Te B'aib'ara

⁹ Ao i mwiina I taku, “I rawa n riki b'a ami tia kawakin tiibu. Ke a mate tiibu akana i aoni kawaia ni mate, ma akana i aoni kawaia ni kamateaki, ke a kamateaki. Ao i mwiin anne, ke a kaniia i bon irouia akana a maiu.”

Tekaria 11:9 ပူးပေါင်းရင်းမြစ်များ

Ieremia 19:9

Ane e na bane te am'arake ngkana a tabe n iangoa uruan te oo ami kairiribai b'a a na tiringngkami. Ao e na rikirake bakimi n te aro are kam na bon kana irikoia raomi ni karokoa naba bon natimi.

Ieremia 23:33

Ieremia, ngkana e titirakiniko te burabeti ke te ibonga ke tao antai ni kaangai, “Iai ana rongorongo te UEA i bukira?” ao tuangiia ni kaangai, “Bon te uota ae e rawaawata ngkami i roun te UEA, ao E na karaoa taekam.”

Ieremia 23:39

N na anaiko ao N na karenakoko nako kiraroa. Ao i mwiina, N na kiitana te kaawa ae Ierutarem are I a tia n anga nako ia ami bakatibu.

Ieremia 43:11

E na tiringiia aomatan Aikubita aika a m'aiti; ao tabeman a na mate n te aoraki ke a na uotaki nako b'a taenikai.

Etekiera 5:10

A na rangi ni kainanoa kanaia kaaro ma tiina n te aro are a na bon kang natiia, ao naati ana kana tamaia ma tinaia. Ao koraki akana a reke maiuia man te b'ai ae e kakamaaku aei a kamaaeaki nako n aki akaaka.

Otea 4:6

Kam a tia ni katinanikuai ngkami aika ibonga, ao a uruanaki au aomata i bukina ngke a rawa n ongo. Ma ngaia are, N na katinanikuingkami ma ni kaaki taekaia natimi, i bukina ngke kam a tia ni m'aninga taekan au tua.

Tekaria 13:8

A na mate man te aba uoua te katenim'akoro, ao a na maiu te katenim'akoro.

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

Mataio 21:19

E nora te biku tekaina i rarikin te kawai, ao E nako iai; ao akea te bae E kunea iai b'a ti baana; ao E taku nako iai, “E na tai manga oki n riki uaam!” Ao e rai te biku n te tai naba arei.

Mataio 21:43

Ma ngaia ae I taku nako imi, “E na anaaki mai roumi Uean te Atua, ao e na anganaki te botannaomata teuana ane e na ongeaba nakon te Atua.

Ioane 12:35

E taku ngkanne Iesu nakoia, “E na aki rangi ni maan ana tai te oota ni mena i buakomi. Ma ngaia are, kam na nakonako ngkai iai te oota, b'a e kaawa n taoningkami te roo; ane nakonako n te roo, ao e aki ata ike e nako iai.

Ioane 8:21

E a manga taku naba Iesu nakoia, “N nangi nako, ao ane kam na ukoukorai, ma kam na mate i buakon ami bure. Ike N na nako iai, ao kam aki kona n roko iai.”

Ioane 8:24

Ao anne bukin are I kaangai iai nakoimi b'a kam na mate i buakon ami bure; b'a kam na boni mate i buakon ami bure ngkana kam aki kakoauaai b'a boni Ngaia Ngai.”

Te Kaotioti 22:11

Ane buakaka, ao ke e teimatoa ni kakaraoa ae buakaka; ao ane kam'ara, ao ke e kateimatoa arona ni kam'ara. Ane b'ab'aina te eti, ao ke e kakaraoa ae eti; ao ane itiaki man te bure, ao ke e kawakinna mani karaoan ae buakaka.”