Tekaria 11:7 - Te B'aib'ara

⁷ Ma ngaia are, I riki b'a te tia kaawakiniia tiibu i bukiia tiibu aika a reke n te kabuanib'ai irouia taan kabonakoi tiibu. Ao I aran taiani kai aika uakai ake I kamanenai ngkoa i bukin kaawakin taian tiibu: e arana teuana b'a “Nanoanga” ao teuana b'a “Katiteuanaki.”

Tekaria 11:7 ပူးပေါင်းရင်းမြစ်များ

Taian Areru 23:4

Ngkana tao I nakonako i nanon m'aruan nuun te mate, ao N na bon aki maaku, te UEA b'a Ko meemena i rarikiu. Am kai ao okom a kawakinai raoi man taian kabuanib'ai.

Taian Areru 27:4

Teuana te b'ai ae I butia iai te UEA, ae te b'ai ae I tangiria: b'a N na maeka n ana auti ni kabanea bongini maiu, ni mamatakuakina kamimiin raoiroina, Ao ni bubutiia ana kairiiri.

Taian Areru 90:17

Te UEA ae Atuara, Ko na kakab'aiaira. Ko na katetekeraoira ni b'ai ni bane aika ti karaoi!

Itaia 11:4

E na karaoaki raoi te eti ma te riai nakoia aomata aika a maiu ni kainano ao a tangira buokaia. Ana riki ana taeka b'a taian tua i aon te aba ni kabutaa, ao a na bane n tiringaki taani bure.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 61:1

E niniai Tamnein te UEA ae te Atua ao e taniai! E a tia n rineai te UEA ao e kanakoai b'a N na tuangiia ake a karawaawataaki te rongorongo ae e raoiroi, ao ni kamaiuia aika a uruaki nanoia, ao ni katanoata nakoia taekan te kainaomataaki nakoia buure nako ao taenikai nako.

Ieremia 39:10

Bon ti aomata aika akea abaia ake a tiku i Iuta, ao Nebukaneta e anganiia aia tawaana ma aia nne n aroka ni kureebe.

Nakoaia Ibonga 27:32

Ngkana kam wareki ami mannikiba ma ami nanai ni man aika kawakawa, ao ngkanne temanna man tengaun akana a tib'a bungiaki e tabu ao bon au b'ai,

Mika 7:14

Te UEA, Ko na riki b'a te tia kaawakin tiibu nakoia Am aomata, Am aomata ake Ko rineia. E ngae ngke a maeka ni kaokoro n te rereua, ma boni iai aaba aika a maiu aika a katobibiia. Kariaia b'a a na nako am tiibu n am'arake n uteuten Batian ao Kireata aika a maiureirei, n ai aron are a kakaraoia n taai ake ngkoa.

Teb'ania 3:12

N na katikuia aomata aika a nimamannei man nanorinano; aika a kawarai ni kan buokaki.

Tekaria 11:14

Ao i mwiina, I otea te kai are e aranaki b'a “Katiteuanaki” ao I kaaki te kabae are i marenan Iuta ma Iteraera.

Tekaria 11:4

E taku te UEA ae Atuau nako iu: Kaawakiniia tiibu aikai i bukin te tiringaki!

Mataio 11:5

a noraba mataki, a nakonako m'auku, a kamaiuaki rebera, a uki taningaia taningabono, a manga maiu maate, ao a ongo taekan te euangkerio aomata ake a aki kaub'ai.

Mareko 12:37

E atongnga Tawita b'a ana Uea; ao E na kanga ngkanne n atongaki te Kristo b'a kanoan ana kariki Tawita?” Ao a rangi ni bati aomata ake a kukurei n ongora i Rouna.

Ioane 10:16

Iai au tiibu tabeman aika aki mena i buakoia tiibu aikai; e riai b'a N na kairiia naba, ao a na ongo b'anaau. N te aro aei, ao a na riki b'a te nanai ae ti teuana, ao ti temanna te tia kawakinia.

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

1.Tamuera 17:40

ao e anaa ana kai ni kairiia tiibu. Ao e nakon te karaanga ae uarereke n anai ana atiibu aika maranran aika nimaua ao e nnei n ana buua ae te kunniman. Ao e m'ananga ni kawara Koria ma ana bana i nanon baina.

1.Tamuera 17:43

Ao e taku Koria, “Ko nakomai ma te kai b'a ko taku b'a te kamea ngai?” Ao e kamaraia Tawita n aran atuaia kaain Biritia