Tekaria 11:6 - Te B'aib'ara

⁶ Kaawakiniia tiibu aikai, b'a N na aki manga nanoangaiia kaain te aonnaba aei. N na kauniia aomata ma kaain rarikiia ao N na karikiia b'a ana toro te uea. A na karokoa te kabuanib'ai nakon te aonnaba, ao bon akea te m'akuri ni kamaiu teuana ae N na karaoia nakoia.

Tekaria 11:6 ပူးပေါင်းရင်းမြစ်များ

Taian Areru 50:22

Ngkami akana kam m'am'anuoka taekau, Kam na ongora n aio b'a I kaawa n raebitingkami, ao akea ae na kamaiungkami:

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Itaia 3:5

Ane kam na iowawa n tatabemaningkami nako nakoia raoraomi ao kaain rarikimi. Ane a na taetae ni kamatauningaiia aia ikawai aomata aika a uarereke; ao bon akea ae e na karineia aomata aika a bon riai n aki karineaki.

Ieremia 13:14

Ao N na kaaioroia i bon irouia kaanga taian tiaeki. N na bon aki nanoangaa ae e uarereke ma ae a kara, a na bane n tiringaki. Bon aei au taeka Ngai ae te UEA.

B'aeb'aeti 2:21

A kaai ni mate i nukan te kaawa ataei ma ikawai, A mate rorobuaka ma ateiaine n aia kabaang kairiribai. Ko tiringiia n akea riki nanoangaakiia n am bong n un.

B'aeb'aeti 5:8

A riki b'a ara mataniwi aomata aika bon tooro ngkoa, ao bon akea ae kona ni kamaiura mai irouia.

Etekiera 8:18

Ma ngaia ae, N na katuaaia n uniu ae moan te korakora, ao N na bon aki manga nanoangaia ao N na rawa ni buokiia ngkana a tangira buokaia mai Rou.”

Etekiera 9:10

Ma ngaia ae N na aki nanoangaiia ke ni kab'araa aia bure. A na riai ni katuaaeaki i bukin te b'ai ae a tia ni karaoia.”

Otea 1:6

Tabeua te tai i mwiina, e a manga riki natin Nei Komera te aine, ao E taku te UEA, “Aranna b'a Nei Roo-Ruam'a, b'a N na aki manga akoi teutana ao ni kab'araa ana bure Iteraera.

Otea 2:10

N na buuta kunnikaina ni kabebekanna i mataia ana tangira nako, ao bon akea temanna ae e na konaa ni kamaiua.

Mika 5:8

A na riki b'a kaanga raian aika a kakaaei kanaia i buakonikai ke i aon uteute: a rin i buakoia tiibu, a ewekia, ao a raebitiia-ao bon akea manga kantaningaan te kamaiuaki.

Mika 6:14

Ko na am'arake ma ko na aki kona ni ngae; n te koaua, ko na boni baki naba. Ko na uotii nako b'aai, ma ko na bon aki konaa ni kaawakin; baika ko na kaawakin N na bon urui n te buaka.

Akai 2:22

ma ni kamaunai taiani uea ao abanuea. N na karanganakoi kaanibuaka, ao ane a na moana tiringakiia i bon irouia tautia ake taan toka i aoia aoti.

Tekaria 11:14

Ao i mwiina, I otea te kai are e aranaki b'a “Katiteuanaki” ao I kaaki te kabae are i marenan Iuta ma Iteraera.

Tekaria 11:5

A na bon aki katuaaeaki aomata akana a kabooi ma n tiringiia, ao ane a na kaangai tabem'aang, “E na neboaki te UEA! I a kaub'ai.” A na bon aki nanoangaaki naba irouia taani kaawakin tiibu ake a kaawakiniia.

Tekaria 11:9

Ao i mwiina I taku, “I rawa n riki b'a ami tia kawakin tiibu. Ke a mate tiibu akana i aoni kawaia ni mate, ma akana i aoni kawaia ni kamateaki, ke a kamateaki. Ao i mwiin anne, ke a kaniia i bon irouia akana a maiu.”

Tekaria 14:13

E na karangirangiia te UEA ao a na manga buaka i bon irouia,

Tekaria 8:10

I m'aain rokon te tai anne, bon akea aomata ao akea maan aika a anganaki kaniwangaia i bukin aia m'akuri, ao bon akea temanna ae e rau n te tabo teuana, i bukina ngke I kaaitaraia n tatabemaniia nako.

Maraki 4:6

E na kairiia ataei ma aia karo b'a a na kakorakoraa riki tangiraia i bon irouia, b'a e aonga n ae I aki karokoa te kanganga nakon te aba ngkana I roko.

Mataio 10:21

Ao te mm'aane ane e na anga tarina b'a e na tiringaki, ao ai aron naba are e na karaoia te tama nakon natina; ao ane a na tei rake naati n ekianako nako aia karo ao a na anga b'a a na tiringaki;

Mataio 22:7

E un te uea, ao e kanakoia ana tautia, ao a tiringiia taani kamamate akekei, ao a kabuoka aia kawa.

Mataio 24:10

Ane a na akea aia onimaki aomata aika bati, ao ane a na i kam'am'ane ao a na i kairiribai.

Ioane 19:15

Ao ngaiia a takarua ngkanne nakoina ao a kaangai, “Kamatea, kamatea, kamatea n te kaibangaki!” E taku Birato nakoia, “N na kamatea ami Uea n te kaibangaki?” A kaeka ibonga ake mataniwi ao a kaangai, “Akea ara uea b'a ti uean te tautaeka n Rom.”

1.I-Tetaronike 2:16

ao a kataia n tukiira b'a ti na aki taetae nakoia aomata aika tiaki I-Iutaia, n taeka aika a na kamaiuaki iai.

Ebera 2:3

ao ti na iranira ni kareke maiura ngkana ti aki mutiakina te aro ni kamaiu ae kakannato aei? E moa n taekinaki iroun te Uea, ao e kakoauaki nako ira irouia ake a ongo;

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.