Tekaria 11:16 - Te B'aib'ara

¹⁶ N na manga kariaia b'a e na tautaeka te aomata ae akea manenana n te aba aei-temanna ae e aki tabe ma uamaenakoia tiibu ke kakaaeaia aika a uarereke ke kamaiuaia aika a aoraki ke kaam'arakeaia aika a marurung. E na ti kana te tiibu ae e marikarika, n aki katuka teutana b'a ti riina.”

Tekaria 11:16 ပူးပေါင်းရင်းမြစ်များ

Karikani B'aai 31:38

I a tia ni mena iroum i nanon uabwi te ririki; ao a bane ni bungi raoi natiia tiibu aine ma kooti aine, ao bon akea te tiibu mm'aane ae I a tia ni kanna mai buakoia am nanai.

Karikani B'aai 33:13

Ao e taku Iakob'a, “A rangi ni waeremweremwe ataei aikai, ao I iangoia naba tiibu ma maan aikai ma natiia aika uarereke. Ngkana tao a imanonoaki ni kawaekoaki i nanon ti te bongina, ao a na bon bane ni mate.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Ieremia 23:2

Kam kaantaningaaki b'a kam na kaawakiniia Au aomata, ma ngaia kam a manga kakionako ia. Ma ngaia are, N na katuaaingkami n te tuua ae korakora ngkai, ni kabooa mwiin te kaairua ae kam a tia ni karaoia.

Ieremia 23:22

Ngke arona b'a a ira aia kabowi Au kauntira i karawa, ao a na riai n tia n tuangkami kaain Iuta b'a kam na katoka ami bure ma n okirai.

Etekiera 34:10

I katanoataa b'a ai Au kairiribai ngkami taani kaawakin tiibu Ngai ae te UEA. N na anaia Au tiibu mairoumi ao N na aki manga kariaingkami b'a kam na riki b'a aia taani kawakin tiibu; ao N na bon aki naba kariaia b'a kam na manga iangoi aromi i bon iroumi. N na kamaiuia Au tiibu mairoumi ma n aki kariaingkami b'a kam na kang.

Etekiera 34:16

ma ni kakaaia ake a bua ma ni kaokiia ake a tiotio nako, ma ni bauti ikoakiia ake a ikoaki, ao n tararuai maiuia aika a mamaara. N na boni kamateia naba aika a marikarika ao a korakora, i bukina b'a I kakaaraoa ae e raoiroi n taai nako.

Etekiera 34:21

Kam a tia ni kamanenai koromi aika a korakora ngkami aika kam korakora ni kakioia nako aika a mamaara,

Taniera 11:36

“E na karaoa are e bon tangiria uean Tuuria. E na kamoamoa i bon i rouna n iangoia b'a e korakora riki nakoia anti ni kabane, ao nakon te Atua ae e Moan te M'aaka. E na teimatoa ni karaoa aei ni karokoa are e na katuaaeaki iai iroun te Atua. E na boni karaoa are e a tia ni baaireia te Atua.

Ioane 10:1

E taku Iesu: “Bon te koaua ni koaua ae I a tuangngkami: b'a ane aki rin ni nen te tiibu man te mataroa, ma e tam'arake man te tabo teuana, ao bon te tia iraa ao te tia kam'arua.