Tekaria 10:8 - Te B'aib'ara

⁸ N na anga te kanikina nakoia b'a a na roko n ikotaki i bukina ngkai I a tia ni kamaiuia. Ao a na m'aiti aia koraki nakon are mai m'aaina.

Tekaria 10:8 ပူးပေါင်းရင်းမြစ်များ

1.Uea 4:20

A bon rangi ni m'aiti aomata aika a maeka i Iuta ao Iteraera ngke e uea Toromon n te aro are kaanga ai aron tanon aon te bike. A bane ni ngae n am'arake mani mooi aomata ao a kukurei.

Te Otinako 1:7

ma a riki rake ni m'aiti aia kariki Iteraera, ao a karikiia natiia aika m'aiti ma ni korakora ni karib'aia kaain Aikubita,

Itaia 44:22

Kam na okirai? I a tia ni kamaiungkami ao I kaitiaki ami bure nako ngke a matenten kaanga taiani karau.

Itaia 48:20

Kam na kiitana B'aburon ngkai! Ao kam na karaoa ami kukurei i nanoni kawaimi n nako. Kam na kukurei ao n takaarua b'a a aonga n ongo aomata nako, “E a tia te UEA ni kamaiua ana toro ae Iteraera!

Itaia 5:26

E a tia n anga ana kanikina te UEA nakoia botannaomata ianena b'a a na roko ni buakaningkami. E a tia ni katang, ao ae a roko ni kawaekoaia.

Itaia 51:11

A nang oki ngkai nako Ierutarem koraki ngkoa ake ko a tia ni kamaiuia, a na anene i aoni kawaia. A na katokaaki aia baunuea ma te kukurei ae moan te korakora, ao a na aki manga karawaawataaki n te nanokaawaki ao te rawaawata n nano.

Itaia 7:18

E na katang te UEA ngkana e roko te tai, ao a na roko taanga ni buaka mai Aikubita kaanga taian nango ao mai Aturia kaanga taiani manibeeru.

Itaia 7:19

A na tekateka n taabo nako—i nanon taiani m'arua aika a nano ao i marenan taiani b'a, i aon taiani buakoako ao i nanon taian aba n uteute.

Ieremia 33:22

ao a na kam'aitaki riki ana kariki Tawita ao aia kariki ibonga ake kanoan Rewi nakon taiani itoi i karawa ke tanon te bike.

Otea 1:10

Ane a na roko boong ae e na kangaanga iai warekaia Iteraera, b'a a na rangi ni m'aiti kaanga tanon mataniwiin te bike. A atongaki ngkai b'a “Tiaki Au Aomata,” ma ni boong aika a na roko a na atongaki b'a “Natin te Atua ae E Maiu.”

Mika 2:12

Ma N na bootingkami ni kabaneingkami aika Iteraera aika nikira. N na bootingkami n ai aroia tiibu ngkana a okiri nneia. E na manga okira arona abami are e kauaomata, n ai aron te tawaana n uteute ae e on irouia tiibu.

Tekaria 9:11

Ngke I karaoa te boraraoi are e tabu ma ngkami, Au aomata, ti kanikinaea n te raraa. Ngkai tabeman maibuakomi bon taenikai n taian kinono aika akea te ran i nanoia, ma N na roko ni kamaiungkami

Mataio 11:28

“Bane mai nako Iu, ngkami akana kam kua ao kam rawawata, ao N na motiki rawami.

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.

Te Kaotioti 7:9

I mwini baikai ao I taratara nako, ao noria, aomata aika rangi ni m'aiti aika mani botannaomata ni kabaneia, ma baronga, ma natanaomata, ao mani botannaomata nako aika a kakaokoro aia taetae; ao akea temanna ae kona ni wareki m'aitiia. A tei i nanoaan te kaintokanuea, ao i matan te Tiibuteteei, ao a kunnikaiia ni kunnikai aika m'am'arai aika mainaina, ao baanikaai aika ai aroni baan te ni i nanoni baiia;