Tekaria 10:7 - Te B'aib'ara

⁷ E na riki Iteraerab'a kaanga baronga ni buaka aika a karaoa aia bootaki ni kukurei n te wain. Ngkana a noora aei natiia, a na bon rangi ni kukurei naba ibuku Ngai ae te UEA.

Tekaria 10:7 ပူးပေါင်းရင်းမြစ်များ

Karikani B'aai 18:19

I a tia n rineia n te aro b'a e na manga mwiokoia natina mm'aane, ma kanoana b'a a na ongotaeka irou ma ni kakaraoa te raoiroi ma te eti. Ngkana a karaoa aei, ao N na karaoi b'aai ni kabane ake I a tia ni berita iai.”

Karikani B'aai 43:34

Ao a uouotaki taian am'arake nako ia man ana taibora Ioteb'a, ao e rangi n raka riki uouotakin te am'arake nakon Beniamin b'a nimaua te tai rakana nakoia ake tabeman. Ma ngaia are, a am'arake ma ni mooi ma Ioteb'a ao n reke aia tai ae moan te raoiroi.

Taian Areru 102:28

A na maiu ma te rau natira, ao i aan am tararua a na kawakinaki raoi aia kariki iroum.

Taian Areru 104:15

Ma te wain i bukini kakukureian nanona, Ma te b'aa b'a e na kabira ubuna iai ni kamaraberabea, Ma te am'arake b'a e aonga ni marurung iai.

Taian Areru 13:5

I onimakina am Tangira, ao I rangi ni kimarimari iai b'a ko bon otanganai.

Taian Areru 28:7

Boni korakorau te UEA ao otangau; I onimakinna. E anganai buokau, ao E kakukureiai. I anene ma te kim'areirei ni kamoamoaa.

Taian Areru 33:21

A kim'areirei nanora i rouna, B'a kioina ngkai ti onimakina arana ae tabu.

Taian Areru 90:16

Kariaira, ngaira aika am Toro ma natira, B'a ti na noori am M'akuri aika kamimii aika Ko karaoi.

Itaia 25:9

Ane a na kaangai aomata n te tai arei, “E a tia te UEA ni kamaiura! Ti na karaoa ara bootaki ni kukurei. Ti tataninga ma ni kakantaninga ao ngkai e a mena Atuara ikai.”

Itaia 38:19

Bon ti aomata aika a konaa ni karab'ako, n aron ae I karaoia n te bong aei. Rooro nako a na kaongoia te roro ake i mwiia aron am kakaonimaki.

Itaia 54:13

N na reireiniia natimi ao N na karaoia b'a a na teetekeraoi.

Itaia 66:14

Kam na kukurei ngkana kam nooria b'a a riki baikai; e na manga waekoa riki okin korakorami nakon te rikiraken te uteute ae e a tib'a bwebwerake. Ao ane a ataia aomata b'a e mena te UEA irouia ana taan m'akuri nako ao e un nakoia ana kairiribai ni kabane.

Ieremia 32:39

N angan nanoia te kantaninga ae ti teuana n te maiu aei b'a: neboakiu n taai nako, are e na bon nako ia mwiina ae e raoiroi ma aia kariki.

Etekiera 37:25

A na maeka ma aia kariki n te aba are I angan Au toro are Iakob'a, te aba are a maeka iai aia bakatibu. A na maeka ikekei n aki toki, ao ai uana naba ma natiia ma aia kariki nako. E na uea i aoia te aomata ae ai aron au toro are Tawita n aki toki.

Ioera 2:23

Kaain Tion, kam na nebonebo mani karinea te UEA ae Atuami! E tituaraoi b'a E karokoa karaun te aumaiaki ma te aumeaang n taina.

Ab'akuka 3:18

Ma e ngae n anne ao I bon kukurei naba b'a E kakaawakinai te Atua.

Teb'ania 3:14

A bane n anene ni kukurei aomatan Iteraera ma Iuta. ma nanoia ni koaua

Tekaria 12:8

N na kaawakina Ierutarem Ngai ae te Atua. E na bon korakora naba te aomata ae te kabanea ni mamaara ikekei n ai aron Tawita, ao e na tautaeka abanuean Tawita b'a kaanga bon Au anera ae e riki b'a ana tia kairiiri.

Tekaria 9:15

E na kaawakiniia Ana Aomata te UEA ae Moan te M'aaka, ao a na kamanatuaia taani bana aika a baiteke ma aia bana. A na mooi ma ni kaberoro; a na riki b'a kaanga te boora ae e on n tain te angakarea.

Tekaria 9:17

Ai tangirakira. A na rikirake te roronrikirake ikekei n ai aron te uita i nanon te rereua ke te kureebe i nanon te nne n aroka ni kureebe.

Ruka 1:47

Ao e kim'areirei nanou iroun te Atua are au Tia Kamaiu.

Ioane 16:22

Ao ai aromi naba: b'a kam nanokawaki ngkai, ma N na manga noringkami, ao ane a na kaonaki nanomi n te kim'areirei, ao akea temanna ae na anaa kim'areireimi mai roumi.

M'akuri 13:33

e a tia ni kakoroa bukin aei nako ira ngaira aika kanoaia bakatibu, ngke E a manga kamaiua Iesu; n ai aron naba are koreaki n te Areru are te kauoua, are kaangai taekana, ‘Bon Natiu Ngkoe, I karikiko n te bong aei.’

M'akuri 2:26

Ma ngaia ae e kim'areirei nanou, ao I taetae ma te kakatonga; ao ngai, ae te rab'ata ae mamate, N na tiku ma te kantaninga ae nene:

M'akuri 2:39

B'a E a tia te Atua n anga ana taeka n akoi nakoimi, ao nakoia ami kariki, ao nakoia naba ake a mena i kiraroa, ake E weteia te UEA are Atuara nakoina.”

I-Biribi 4:4

Kam na kim'areirei ngkai kam reitaki ma te UEA n taai nako; ao N na manga atonga riki ae kaangai, Kam na kim'areirei.

1.Betero 1:8

are kam tuai n noria, ma kam tangiria naba; are kam aki noria ngkai, ma kam onimakinna naba, ao kam kim'areirei n te kim'areirei ae rangi ni bati ae aki konaaki ni kab'araki arona n taian taeka;

1.Tamuera 2:1

Ao e tataro Nei Anna: Ko kakorakoraai ma ni kakukureiai, te UEA Ko kamaiuai. Ao ngkai I kim'areirei ao I ngareakiniia au kairiribai.