Tekaria 10:6 - Te B'aib'ara

⁶ N na kakorakoraa te abanuea are Iuta ao Iteraera. Ao N na kaota te akoi i bukina b'a bon te UEA Ngai ae Atuaia. N na kaekai aia tataro ma ni kaokiia nakon mwengaia. Ao e na taraa n ae I tuai man katinanikuia.

Tekaria 10:6 ပူးပေါင်းရင်းမြစ်များ

Taian Areru 89:21

Iriana korakorau n taai nako, E na kakorakoraki ni m'akau.

Itaia 11:12

E na anga ana kanikina nakoia botannaomata akanne, ao e na manga ikotiia taan rawei maiuia mai Iuta, ake a tia ni uamaae nako i aon te aonnaba ni kabutaa.

Itaia 14:1

E na nanoangaea Iteraera te UEA ao e na manga karikiia b'a ana aomata aika a rineaki. E na kaokiia nakon abaia, ao a na iraki irouia ianena b'a a na riki b'a Iteraera naba.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 54:4

Kam na aki maaku ke ni mamaa ao kam na aki buuang. E na aki b'ara nanomi. Kam na m'aninga ae bon taani bure ngkoa ngkami ma ngke kam uarereke; Ani katoka te mamaa i bukina ngkai ai akea buum.

Itaia 54:8

I tannako ngkoa n te tai ae e aki maan ma te maraki n nano. Ao ngkai e a reke irou te nanoanga ao te tangira ae akea tokina! Boni Ngai ae te tia kaawakiniko ao am UEA, ae I a tia ni berita n aei.”

Ieremia 23:6

E na rau Iteraera, ao e na kaawakinaki Iuta i nanon ana tai n uea. E na aranaki te uea b'a “Te UEA ae e anga te eti.”

Ieremia 3:18

Ao i mwiina, n aaba aika i meang, ngkami aika kaain Iuta ao Iteraera kam na manga ikotaki, ao kam na oki nakon te aba are I anganiia ami bakatibu.

Ieremia 30:18

E taku te UEA: Kaain Iteraera, N na akoingkami ma ni kanakoingkami nakoni mwengami. E a wene n uruaki ngkai Iteraera, ma kam na manga kateia, ni katiaa ma te bareti ae e boou.

Ieremia 30:20

E na riki kaanga taai ake ngkoa. Ane a na taromauriai ami botannaomata, ao N na katuuaia ni kabane akana a kabuakakaingkami.

Ieremia 31:1

E taku te UEA: Iteraera, I berita b'a n te bong teuana a na manga moan riki naba ami baronga nako b'a Au aomata, ao Ngai N na riki b'a Atuami.

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

Ieremia 31:31

E taku te UEA: E na roko te tai are N na karaoa iai te boraraoi ma Iteraera ao Iuta.

Etekiera 36:11

A na bungiaki naati, ao a na bungi natiia naba maan. Ko na aki manga kiitanaki n arom ngkai, ma ko na onrake irouia aomata ao e na karaoaki ae e raoiroi nakoim nakon ake mai m'aaina. Ao ane ko na ataia iai b'a bon te UEA Ngai.

Etekiera 36:37

N na manga kaeka riki ami tataro nako, ao N na karikirakea ami botannaomata kaanga te nanai n tiibu ae e korakora.

Etekiera 37:16

Etekiera ae natin te aomata, anaa te kai ao korea i aona ae e kaangai, “Te abanuea are Iuta.” I mwiina, ko na anaa te kai riki teuana ao korea i aona ae e kaangai, “Te abanuea are Iteraera.”

Etekiera 39:25

Ngkai N nang kaota Au nanoanga nakoia Iteraera ma ni kaokiia mairouia ianena ake a maeka i buakoia. Bon kanoan Iakob'a ngaiia, ma ngaia ae, N na kakab'aiaia ma ni kaotia b'a I tabu.

Otea 1:11

A na manga ikotaki Iteraera ma Iuta ao a na rinea aia tia kairiiri ti temanna. Ao i mwiina, a na kaoki abaia, ao e na riki te bong aei b'a ana bong Ietireera ae e kakannato.

Otea 1:7

Ma bon te UEA Ngai ae Atuan Iuta, ao N na bon akoa Iuta ma ni kamaiua n oin m'aakau-tiaki n te buaka ao n taiani kanoa ni kainikatebe ke n te kabaang ma taani buaka mai aoia aoti.”

Otea 14:9

Ngkana kam wanawana, kam na ataa nanon te b'ai ae I nanonna. Bon te UEA Ngai, ao I kairingkami n te kawai ae e eti. Ti na kaai n nakonako ngkana kam ongotaeka Irou, ma e na toki waemi ngkana kam buakaka.

Otea 2:23

N na kaamae n uniki taian ati ao ni kaota te nanoanga nakon Roo-Ruam'a. N na kaangai nakon Roo-Ammi, “Bon Au aomata ngkami,” ao a kaeka ni kaangai, “Atuara Ngkoe.”

Ob'aria 1:18

Aia botannaomata Iakob'a ma Ioteb'a a na riki kaanga ai aron te ai; A na kamaunaia kanoan Etau n ai aron te nikira ni uita i aontano ngkana e buee. Bon akea nikiraia kanoan Etau aika ana tiku ni maiu. Bon Ana taeka te UEA!

Mika 4:13

E kaangai te UEA, “Kam na nako n oreia ami kairiribai ngkami aika kaain Ierutarem! N na kakorakorako n ai aron te kaom'aane ae iai korona aika biiti, ao iai naba ana kau ni wae ae te buraonti. Ko na kamanatuaia botannaomata nako, ao ko na uotii mai nako iu Ngai ae UEAN te aonnaba ni kabane, kaub'ai ake a reke mairouia botannaomata ake a konaiia n te buaka.”

Mika 4:6

E taku te UEA, “E a roko te tai are N na manga kaokiia ma ni bootia iai aomata ake I a tia ni katuuaia ngkoa, aomata ake a karawawataaki n te kataenikaiaki.

Mika 5:3

Ma ngaia are, te UEA e anga ana aomata ake I-Iteraera nakoia aia kairiribai ni karokoa te tai are te aine e na bungia iai te nati te m'aane, ao a tib'a kona n oki iai ake a kataenikaiaki ni kaitibo ma aia koraki.

Mika 5:8

A na riki b'a kaanga raian aika a kakaaei kanaia i buakonikai ke i aon uteute: a rin i buakoia tiibu, a ewekia, ao a raebitiia-ao bon akea manga kantaningaan te kamaiuaki.

Mika 7:16

A na noora korakoram ni baikai botannaomata, ao a na ataia iai b'a a bon aki koro bukin aia iango. A na kaini wiia, ao a na bonoti taningaia.

Tekaria 1:16

Ai ngaia are, N na nanoangaa Ierutarem. E na manga moan kateaki te kaawa ae e b'anin, ao e na manga kateaki au Tembora.

Tekaria 10:12

N na kakorakoraia Au aomata i bukina ngkai bon te UEA Ngai, ao a na irai. Bon aei Au taeka Ngai ae te UEA!

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Tekaria 8:11

Au aomata, ti tabeman mairoumi aika a tiku, ao I berita b'a N na aki katuaaia n aron are I karaoia rimoa.

Tekaria 9:16

E na kamaiuia te UEA ae te Atua n te bong arei, i bukina ngkai bon Ana aomata ngaiia, ao a na raneanea i aon te aba n ai aron taiani b'ai ni katamaroa n te baunuea.