Tekaria 10:4 - Te B'aib'ara

⁴ A na nako taani kairiiri man te nanai aei aika a korakora n ai aron atiibun te koona ao biinin te autinrianna ao b'aini buaka.

Tekaria 10:4 ပူးပေါင်းရင်းမြစ်များ

Karikani B'aai 49:24

Ma e bon tiku n ariraki ana kainikatebe ma ana kanoanikatebe. Ao a kakorakoraaki angan baina Ni m'aakan te Atua ae Moan te M'aaka, ae Atuan Iakob'a, Ae te Tia kawakin tiibu, ae te Tia kawakina Iteraera.

Etira 9:8

Ma ngkai te UEA ae te Atua, ko a tia ni kaota am Nanoanga ae moan te korakora nakoira. Ko anganiira te kukurei ni koaua ngkai ko karaoia tabeman mai buakora b'a a na maeka n te tabo ae e tabu aei, ao ko a tia ni buokiira naba i nanon ara tai n tautoronaki.

Taian Areru 118:22

Te atibu are a kakeaa bonganana taani kateitei, e a riki b'a te kabanea ni kakawaki.

Itaia 19:13

A burababa ao a kam'aam'ane ana mataniwi te uea i Toan ao i Membiti. A tia n anga aia kaetieti aika a buakaka nakoia botannaomata taani kairiiri n tautaeka nako.

Itaia 28:16

Ma ngaia are, E taku te UEA, “I kawenea te aana ae matoatoa i bukin te kaawa are Tion. E kakoauaaki b'a e onimakinaki raoi atiibun te koona ae e kakaawaki; akea temanna ae e onimakinna e na manga b'ara nanona.

Itaia 49:2

E kakangii au taeka n ai aron kabaang ke tabon te kanoanikatebe; ke kaawakinai raoi ni karabaai i nanoni baina.

Itaia 54:16

Ko na aki m'aninga are I karikiia taani karaobiti ake a karaoi taiani b'ainibuaka i aon taiani kooro aika a kabuebue. I karikiia naba taanga ni buaka ake a urub'ai.

Ieremia 1:18

E na kakorakorako m'aakau kaanga te nono ke taiani boua aika biiti ke te oo ae te buraonti. Ko na kaaitaraia kaain Iuta ni kabane, n reitaki ma ueana ao taani kairiiri, ibonga ao aomata.

Ieremia 51:20

Kaain B'aburon, bon Au aama ngkami; I kamanenaingkami n oroia botannaomata nako ma n urui taian abanuea,

Tekaria 9:10

Boni Ngai ae te UEA ae N na uoti nako kaani buaka ao taian aoti mai i Iteraera ao Ierutarem. A na uruaki taiani kainikatebe ake a karaoaki i bukin te buaka. N na karokoa te rau i aoia botannaomata nako, ao e na tautaeka ami uea man taari nakon taari. E moa abanueana man te Karaanga are Iuberetiti ni kabuta te aonnaba.

Tekaria 9:8

E taku te UEA, “N na aki mamatu ni kakaawakina au Tembora mairouia aika a na roko ni buakanna. I ataa te b'ai ae e riki, ao bon akea temanna ae e na manga karaoa riki ae e buakaka nakoia Au aomata.”

Warekaia Iteraera 24:17

“A tuai koro bukin baike I noori n te kaotioti, Ma n te bong teuana ane e na kaoti uean Iteraera b'a kaanga te itoi. E na kamaunanakoi ngkami kaain Moaba ma ni kamaunaia baronga aikai kam maeka n te rereua.

Mataio 9:38

Ma ngaia ae kam na butiia Teuare ana b'ai baikai b'a E na kanakoia taani m'akuri b'a a na rikoi ana uaa.”

Ruka 20:17

Ao E katokai matana Iesu n taraia, ao E taku, “E kanga ngkanne ootami n are koreaki ni kangai: Te atibu are a ribaia taani kateitei, b'a akea bongana, e a riki b'a te atibu ae moan te kakawaki i buakon atiibu nako.

I-Ebeto 2:20

Kam kateaki i aon taiani boua ake taan tuatua ma burabeti; ao Kristo Iesu boni Ngaia te atibu are bouan te maninganinga are moan te kakannato;

2.Timoteo 2:4

Akea te tautia ae katabeianga ni m'akuri riki tabeua ngkai e tabe ma ana m'akuri n tautia, b'a e aonga ni kakukureia ana mataniwi are korea arana b'a e na tautia.

1.Betero 2:6

B'a e koreaki n te B'aib'ara ae kaangai: “Noria, I kawenea te atibu i Tion, ae te atibu ae bouan te maninganinga ae rineaki b'a e kakawaki; ao ane onimakinna ao e na bon aki kamaamaaeaki.”

Te Kaotioti 17:14

Ane a na buakana te Tiibuteteei, ao a na konaaki aoia iroun te Tiibuteteei ma raona ake a weteaki ma n rineaki ake a kakaonimaki, b'a kioina ngkai te Tiibuteteei bon aia Uea ueea ao aia King kiing.”

1.Tamuera 14:38

Ao e weteia ana aobitia Tauro ni bootia ao e taku, “Ti riai ni kakaea b'a tera te bure ae aki kaekaira iai te Atua.