Tekaria 10:3 - Te B'aib'ara

³ I rangi n un Ngai ae te UEA ae Moan te M'aaka iroumi ngkami aika taani kairiiri ao N na katuaaingkami. I tararuaia Au aomata, ae te botannaomata ae Iuta, ao N na bita te nanai n tiibu aei nakon te taanga ni buaka aika toka i aoia aoti.

Tekaria 10:3 ပူးပေါင်းရင်းမြစ်များ

Iobi 39:25

A katoa tangin te bu ma tangin ikeikeia; ao a kaman aroka boin te bo ni buaka i m'aain rokona, ao a ataa naba takaruan te mataniwi nako ia ana tautia.

Te Otinako 4:31

ao a bane aomata ni kakoaua. Ao a bobaraaki ao a taromauria te UEA b'a ataia b'a E a tia n noora rawawataia ao E nang buokiia.

Taeka n Rabakau 21:31

E bon teimatoa n tokanikai te UEA, e ngae ngkana iai aia aoti ami taanga ni buaka aika a tauraoi nakon te buaka.

Ana Anene Toromon 1:9

Ko rangi ni kantara kaanga te aoti are e kaira ana kaanibuaka te uea.

Itaia 10:12

E na karaoa te b'ai are e a tia ni baaireia te UEA nakon Ierutarem ao te Maunga are Tion. Ao i mwiina, e na katuaaia uean Turia aika kainikatonga mani kamoamoa,

Itaia 24:21

E na katuaaia taian m'aaka ake i karawa ao uean nako te aonnaba te UEA n te bong arei.

Ieremia 10:21

Ma I kaangai nako ia, “Bon taian nanobaba ara taani kairiiri i bukina b'a a rawa n ongo i roun te UEA. Ai ngaia ae ti a maae nako kaanga tiibu.

Ieremia 11:22

Ma N na katuaaia. Ane a na mate aia rorobuaka n ataei n te buaka, ao ane a na mate ni baki natiia.

Ieremia 25:12

Ngkana e a roko n tokina te tai anne, N na manga katuaaea te uea ma ana aomata i bukin taiani kairua ni kabane ake a tia ni karaoi, ao N na manga onika te aba nakon te aba ae akea manenana n aki toki.

Ieremia 25:34

Bon ana nanai te UEA aomata, ao ngkami aika taani kairiiri bon taani kaawakintiibu. Ma ngkai, ai manga ami tai n tiringaki kaanga tiibu. Kam na maaenikun kaanga te b'aata te tano ae e b'aka man te buia. Ma ngaia ae, kam na rabinobino i aon te tano, n tang ma n tanginiwenei.

Ieremia 50:6

Au aomata, bon atiibu ngkami aika kam m'arua nako aika a kiitanaki i roun aia tia kaawakintiibu. i aoni maunga. Kam bon aki ururinga naba ami tabo ni motirawa.

Etekiera 34:11

I tuangkami Ngai ae te UEA b'a N nang bon kaawakiniia Au tiibu ma n tararuaia

Etekiera 34:12

n aroia taani kawakin tiibu ngkana a kaawakiniia aia tiibu ake a maae nako ma ni manga kaokiia. A tia ni bua Au tiibu man te bong are e rootongitong are e kananokawaki ngke a maae nako i buakoia botannaomata. Ma N na kamaiuia

Etekiera 34:2

Etekiera ae natin te aomata, ti te bo taan kairiiri i Iteraera ma taan kaawakin tiibu aika a kaawakiniia au tiibu, aika Iteraera. Ma I tangiriko b'a ko na kabuaakakaia taani kairiiri aikai ma ni kaangai nakoia: Boni Ngai ae te UEA ae I kaangai, E a roko te kaangaanga i aomi taan kairiiri i Iteraera! Kam bon iangoi aromi i bon iroumi ao kam kaaki taekaia Au tiibu.

Taniera 11:32

Ao e na anai nanoia koraki ake a tia ni kitana te aro ni Iutaia, ma a na kaaitaraaki ni buakanaki irouia ake a teimatoa n aki kitana te Atua.

Teb'ania 1:8

“Ao n te tiritiri arei” bon ana taeka te UEA ao N na oroia b'akuaku, natiia uea ao ni kabane ake a karakaraka.

Teb'ania 2:7

Aomatan Iuta ake nikira ni maiu a na maekana te aba. Ana kam'arakeia aia nanai ikekei ao ana matu n autin Atikeron. Te UEA ae te Atua E na memena irouia ao E na manga kaoki kab'aiaia.

Tekaria 11:17

Taani kaawakin tiibu aika a akea manenami, aika kam kakeaia tiibu! Au kaantaninga b'a e na kam'aukua anganibaimi te kabaang ma ni kamataki matami.

Ruka 1:68

E na neboaki te Uea, ae Atuaia Iteraera! b'a E kawariia ana aomata ao E kamaiuia,

1.Betero 2:12

A na raoiroi aroaromi i buakoia aomata aika tiaki I-Iutaia; b'a ngkana a bukiningkami b'a kam karaoa ae buakaka, ao a noori ami m'akuri b'a a raraoi, ao a na neboa te Atua iai n te bong are E na roko iai.

Ruuta 1:6

I mwin te tai ae aki maan, ao e ongo Naomi b'a E a tia ni kakab'aia ana Aomata te Atua, n anga te maiu nakon abaia. Ngaia are e a katauraoi ni kitana Moaaba ma buuia natina.