Tekaria 10:10 - Te B'aib'ara

¹⁰ N na kaokiia nakon mwengaia mai Aikubita ao Aturia, ao N na katekatekaia ni karokoa Kireata ma Reb'anon, ni karokoa e onrake te aba irouia.

Tekaria 10:10 ပူးပေါင်းရင်းမြစ်များ

Itaia 60:22

E na riki naba b'a te botannaomata ae e korakora te utu ae te kabanea ni uarereke. Bon te UEA Ngai, ao N na kawaekoaai ni karaoa aei ngkana e roko te tai.

Ieremia 22:6

Kam na ongora nakon te b'ai ae I iangoia. Ti te bo mimitongin ana bareti uean Iuta ma Kireata ke taubukin Reb'anon are te kabanea n rietaata. Ma e na riki b'a kaanga te kaawa n anti ae akea kanoana ngkana I karaoa taekana.

Ieremia 50:19

Ma N na uota Iteraera ni kaokia nakon oin abana. A na riki aomata b'a kaanga tiibu aika a am'arake ni kaon raoi birotoia i aon te Maunga are Karemera ao i B'atian, n aba are tabukibuki are i Eberaim ao i Kireata.

Otea 11:10

N na bekorara kaanga te raian, Ngai ae te UEA, a na oki natiu, ma te ruru mai maeao.

Otea 11:11

A na oki rikaaki, a na kiba m'aaka kaanga taiani mannikiba mai Aikubita ke kaanga taian taobe mai Aturia. Ao i mwiina, N na kaokiia rikaaki nakon mwengaia. Bon aei au taeka Ngai ae te UEA!

Ob'aria 1:20

A nang oki taenikai ake aomatan Iteraera meang ao a na buaka ma n taua Kanaan (Boinikia) nakoiang n toki i Tareb'ata. A na taua te kaawa are Iuta maiaki taenikai ake aomatan Ierutarem ake a mena i Teberata.

Mika 7:14

Te UEA, Ko na riki b'a te tia kaawakin tiibu nakoia Am aomata, Am aomata ake Ko rineia. E ngae ngke a maeka ni kaokoro n te rereua, ma boni iai aaba aika a maiu aika a katobibiia. Kariaia b'a a na nako am tiibu n am'arake n uteuten Batian ao Kireata aika a maiureirei, n ai aron are a kakaraoia n taai ake ngkoa.

Tekaria 8:7

N na kamaiuia aika a anaaki nakon aaba ake i mainiku ao i maeao,

Tekaria 8:8

ao N na uotiia ni kamaekaia i Ierutarem. A na riki b'a au aomata, ao N na riki b'a Atuaia, ae E kakaonimaki ni karaoa te eti.