Tekaria 10:1 - Te B'aib'ara

¹ Boni Ngai ae te UEA are I kanakoi nangin te buaka ao maatim ni karau b'a a aonga ni kariki uaa taian tawaana. Ma ngaia are, ngkana a kainanoa te karau taian uita kam na riai n tataro nako iu.

Tekaria 10:1 ပူးပေါင်းရင်းမြစ်များ

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

Iobi 29:23

A bane ni butim'aai kaanga butim'aean te karau n tain te aumeaang i roun te tia ununiki.

Taian Areru 104:13

Ko kab'aka te karau nako aoni maunga mai karawa, Ao e kaonaki aon te aba n te kab'aia mai Roum.

Taian Areru 135:7

E karoko nangini karau mai tabon aonnaba; E karaoa te iti b'a raon te karau, Ao E kaotinakoa te ang mani nen ana b'ai.

Taian Areru 65:9

Ko kaota tararuan te aba iroum ni kab'akaan te karau; Ko kakorakora marina. Te Atua, e on am Karaanga n te ran; Ko karaoa ae e na kona aon te aba ni kariki aroka. Ao aio aroni karaoana iroum:

Taian Areru 72:6

E bia riki te uea b'a kanga ai aron te karau ae b'aka ni kamaiu kain am'arake, ao ni kam'aim'aa aon te aba.

Taeka n Rabakau 16:15

Ngkana e kukurei te tia tautaeka ma ni kukurei iroum, ao kaanga ai aron manga b'akan te karau, ao kam na maiu.

Itaia 30:23

E na kanakoa te karau te UEA b'a e na teboki taian Atiniberita akana iroum-a na manga kariki riki taian uaa am tawaana nako nakon are ko bon tangiria, ao a na am'arake am nanai ni kao n taian tabo n uteute aika a tangaina.

Itaia 44:3

N na kakab'aia te aba ae e m'autakataka ni kanakoa taiani karaanga n ran, N na kakab'aia ami kariki n anganiia Tamneiu

Itaia 5:6

E na onikaki nakon te rereua, e na aki kaitiakaki m'aanga ma aroka aika karib'aa; E na onrake ni kaai aika a kateketeke ao akanta. N na tuangiia taian nang b'a a na aki karokoa te karau.

Ieremia 10:13

A rurunga raan ake n taiani karawa n am taeka. Ko kabetirakei naang ko kanakoi taian ang man am autinib'ai ao ko karaoa te iti i nanon te karau.

Ieremia 14:22

A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

Ieremia 5:24

Kam rawa ni kaangai, “Ti a taromauria te UEA! Boni Ngaia ae e karoorokoa te karau n te aumeaang ma te aumaiaki. ma n anganiira uaan te tai ae e tamaroa.”

Ieremia 51:16

A rurunga ranin taiani karawa n Ana taeka. E kariki taian nang b'a a na kaoti; ao E kanakoi taian ang man ana autinib'ai ao E karaoi taian iti i nanon te karau.

Etekiera 34:26

A na maeka ni katobibia Au maunga are e tabu, ao N na kakab'aiaia ni karokoa te karau ae e korakora

Etekiera 36:37

N na manga kaeka riki ami tataro nako, ao N na karikirakea ami botannaomata kaanga te nanai n tiibu ae e korakora.

Otea 10:12

Kamaraua am tawaana nako. kamaae atin te motikitaeka ae eti, ao taia te kakaonimaki. Taromauriai, Ngai ae te UEA, ao N na kanakoa m'aakau ni kakamaiu ni kab'aka kaanga te karau.

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Amota 4:7

I taua naba te karau b'a e na aki b'ab'aka i aon arokami. I kab'aka te karau nakon aon te kaawa teuana ao I aki kab'aka nakon te kawa teuana. E b'aka te karau n te tawaana teuana ao a mate arokan te tawaana teuana.

Mika 5:7

A na riki nikiraia Iteraera ake a maiu ma ni uamaaenako i buakoia botannaomata b'a b'aai ni kamaiu aika a kanakoaki mairoun te UEA n ai aron te aoi ma te karau i aon taian aroka. A na mwioko iroun te Atua, ao tiaki iroun te aomata.

Ioane 16:23

“Ao n te bong arei, ao akea ami titiraki ae kam na manga titirakinai iai. Bon te koaua ni koaua ae I a tuangngkami b'a ngkana kam butiia te Tama te b'ai teuana n arau, ao E na anganingkami.

1.I-Korinto 3:6

I uniki aroka ngai, ao e teboki Aboro; ma ana b'ai te Atua karikirakeani maiun te aroka.

Te Tua-Kaua 28:23

E na karika karawa are i etan atuura kaanga taraan taubuki ae te buraati are na totokoa b'akan te karau, ao e na kamatoa te tano are i aani waemi kaanga ai aron matoatoan te biti. Ao a na m'auteretere ma ni matoatoa taiani uita ma taiani b'aare n te angimainiku ae kabuebue ke a na mate n aorakin taian aroka.

Iakobo 5:7

Ma ngaia aei, taari, kam na taotaon nanomi ni karokoa rokon te Uea. Nora aron te tia ribana: e taninga te uaa ae kakawaki ae na riki man te aba; ao e taotaona nanona n taningaia ni karokoa ae e anganaki te moa ni karau ma te karau are i mwina.