Tekaria 1:6 - Te B'aib'ara

⁶ Ma a koro bukin au taeka nakoia ami bakatibu ake taekinaki irouia burabeti. Ma ngaia are, a okirai ao a taku, “Te UEA ae Moan te M'aaka, ko a tia ni katuaaira i bukin ara bure nako, n aron are Ko a tia ni baaireia.”

Tekaria 1:6 ပူးပေါင်းရင်းမြစ်များ

2.Uea 15:12

A bane n tauaki rongorongon b'aai ni kabane ake e karaoi Tekaria i nanon te boki are Rongorongoia Uean Iteraera.

Iobi 6:29

Kam a rangi n tibanako. An tai manga taekini taeka aika aki raoiroi. Tai kabuakakaai, b'a I bon tei n te eti.

Itaia 21:17

A na ti tabeman nikiraia aia taani buaka ma aia kainikatebe ao aia kanoa nikatebe. Bon te berita te b'ai aei ae I a tia ni karaoia Ngai ae te UEA ae Atuan Iteraera.

Itaia 44:26

N na kakoroi bukin aia rongorongo au burabeti. A taku, “E na kaonaki i rouia aomata, ao e na manga karaoi kaawan nako Iuta te UEA.”

Itaia 55:1

Nakomai mooi n te ran ngkana ko taka! Nakomai kana te b'ai ae ko kan kanna, ngkana akea am m'ane! Mooi n te wain ao te miriki ae akea boona.

Itaia 55:11

Ao ai anne naba aron au taeka nako. A aki konaa n okirai ngkana a aki karaoa te b'ai are I kanakoia iai b'a a na karaoia.”

Ieremia 23:20

E na bon aki toki unu, ni karokoa e tia te b'ai ae I a tia ni baaireia b'a N na karaoia. N te bong teuana ane kam na ataa raoi nanon te b'ai ae I nanonna.

Ieremia 26:15

Ma ngkana kam kamateai, ao a na bane n reke kaain Ierutarem n te bure n tiringa te aomata ae akea ana bure, i bukina b'a bon mai roun te UEA b'aai ni kabane aika I taekin.

Ieremia 28:17

E mate Anania n te kaitiua n nam'akaina ni bon te ririki naba arei.

Ieremia 32:24

E a buakanaki ngkai Ierutarem, ao ti a kainano ni baki ma n aoraki. A a tia kaain Aikubita ni katei b'ain ninian oon ara kaawa, ao Ko konaa n nooria b'a E nang tauaki Ierutarem n aron are Ko a tia n taekinna.

Ieremia 36:28

b'a N na manga anaa te niira ni boki teuana ma ni koroi i nanona b'aai ni kabane ake a tia ni koreaki n are te moan niira ni boki.

Ieremia 39:16

nakon Ebetemereka are mai Itiobia ni kaangai: Bon te UEA Ngai ae Moan te M'aaka, ae Atuaia Iteraera. I kauringiia aomata ni kabane b'a N na karokoa te kabuanib'ai, ao tiaki te teetekeraoi nakon te kaawa ae e buubura aei. N na karaoa ngkai te b'ai ae I taekinna n te tai ae e waekoa, ao kam na nooria ngkana e koro bukina.

Ieremia 4:4

Kam na kaawakina te boraraoi are I karaoia ma ngkami ma nanomi ni kabane. Ma ngkana kam taningabono ma n aki toki ni buubure, ao e na ura uniu kaanga te ai ae e aki konaa ni manga tiringaki.

Ieremia 44:2

Bon te UEA Ngai ae Moan te M'aaka, ae Atuaia Iteraera. Kam noora arou ngke I kamaunaa Ierutarem ao kaawan nako Iuta. A wene n akea kanoaia ao n uruaki n te bong aei,

Ieremia 44:28

Bon ti tabeman aika a na reke birinako ia n okira Iuta. Ao i mwiina, ane a na ataia ni kabane ake a nako ni maeka i Aikubita b'a ngkana I taekinna b'a iai te b'ai ae e na riki, ao e na bon riki-I aki tabe ma te b'ai ae kam taekinna.

Ieremia 44:29

Aei aron are kam na ataa iai arou ni kakoroa bukin Au taeka are N na katuaaiangkami i Aikubita.

Ieremia 44:6

Ao n tokina, e a oro uniu kaanga te ieka ae e korakora, ao n te bong aei e a wene Ierutarem ao kaawan nako Iuta n akea kanoana ma n uruaki.

Ieremia 5:14

Bon te UEA Ngai ae te Atua ae Moan te M'aaka. Ieremia, I tuangko raoi te b'ai ae ko riai n taekinna. A na riki am taeka b'a taian ai; ao a na riki Iteraera ao Iuta b'a te b'a ni kauraura.

B'aeb'aeti 1:18

Ma E bon raoiroi te UEA, b'a i a bon tia n aki ongeaba i rouna. Ongora irou, ngkami aika aomata taabo nako; noora rawawatau aei. A tia ni uotaki nako au rorobuaka ma au ataeinaine b'a taenikai.

B'aeb'aeti 2:17

E a tia ni kakoroa bukin Ana babaire te UEA: E a tia ni kamaunaira ao ake riki Ana nanoanga n ai aron are E taekinna ngkoa. E anga te tokanikai nakoia ara kairiribai, E kakukureia ni konaakira.

B'aeb'aeti 3:42

Ti a tia ni bure, ao ti a tia naba ni kaaitarako te UEA, ao Ko tuai kab'arai ara bure.

Etekiera 20:43

Ao i mwiina, kam na uring ami bure aika a buakaka, ao kam na ribaingkami i bon iroumi i bukin karaoan b'aai aika a buakaka. A karaoingkami b'a kam na aki butim'aeaki irou,

Etekiera 37:11

Ao E taku te UEA: Etekiera, ti te bo Iteraera ma taian rii aika a mate. A ngurengure b'a a m'au n te aro are akea kaantaningaan boong aika a na roko irouia.

Taniera 4:28

Ao a boni bane n riki baikai nakon te uea are Nebukaneta,

Otea 5:9

N na katuaaea ma ni kamaunaa Iteraera Ngai ae te UEA. Bon aei Au berita are e matoa nakoia barongan Iteraera.

Otea 9:15

Iteraera, I moanna n ribaiko i bukina b'a ko karaoa te b'ai ae e buakaka i Kirekara. Ngkai N nang kakionakoingkami man Au auti. N na aki manga oki n tangiriko: a tia ami taani kairiiri ni keweai.

Amota 9:10

A na bane ni mate taani bure aikai i buakoia Au aomata n te buaka, ma ai moaraara riki aomata ake a kaangai, ‘E na bon aki karokoa te kamamate te Atua i rarikira.’ ”

Tekaria 1:7

Ni kauabwiin bongin Tebata, are bon te katebwi ma teuana n nam'akaina n te ririki naba anne,

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

Warekaia Iteraera 32:23

Ma ngkana kam aki kakoroa bukin ami berita, ao kam na bure iai nakon te UEA, ao kam na katuaaeaki.

Warekaia Iteraera 33:56

ao N na karaoa ae aki raoiroi nako imi n aron are I a tia ni baaireia b'a N na karaoia nako ia.

Mataio 24:35

A na mauna karawa ma aonnaba, ma a na aki kona ni mauna au taeka.

Te Tua-Kaua 28:15

Kaain Iteraera, I anganingkami n te bong aei ana Tua ao Ana reirei te UEA ae Atuami. Ao ngkana kam aki ongotaeka nako iai, ao E na karokoa te rekenikai ae korakora i aomi.

Te Tua-Kaua 28:20

E na kamangaongaoingkami te UEA, e ngae naba ngkana kam iangoa tian te b'ai teuana, ao ane kam na namakina unna. Kam na aki teimatoa ni maiu, ao kam na kaitibo ma taian kabuanib'ai aika kakamaaku. A riki baikai ni kabane i bukina b'a kam tinanikua te UEA.

Te Tua-Kaua 28:45

Kaain Iteraera, ngkana kam aki ongotaeka nakon ana tua ma Ana reirei te UEA ae Atuami aika E anganingkami, ao E na karokoa taian katekebuaka aikai b'a a na kakioingkami, ma ni buakaningkami, ao n tiringkami.

1.I-Tetaronike 5:4

Ma ngkami, taari, kam aki mena i nanon te roo; ma ngaia ae e na aki kakubanakoingkami te bong arei n ai aron te tia ira;