Ma ngaia are, Ko anga ngaiia nakoia aia kairiribai, ake a karaoa te m'akuri ae moan te buakaka nakoia. A buubuti buokaia mai i buakon rawawataia. Ko kakauongo nakoia mai karawa nakon aia tataro ko kanakoia taani kairiiri b'a a na kamaiuia i bukin am nanoanga ae e korakora,
E katea tamnein te bouannanti te tia karao biti n te aama ao ni kabuebuen te ai. E taua te aama ni baina ae e korakora, ngkana e orea te biti nakon teina are e tangiraki. Ma e a manga baki ao e taka ao e a manga akea korakorana.
Ao tabeua te tai i mwiina, ao a m'ananga nako Iteraera nakon te rereua, n ri mainikun Etom ao Moaaba, ao a manga kaemb'a i mainikun te Karaanga are uarereke are Arenon. Bon tian Moaaba mai mainiku te Arenon, ao ngkai a aki ri nanona Iteraera, ao a bon aki roko naba n te toua tanon Moaaba.