Tekaria 1:17 - Te B'aib'ara

¹⁷ I bon berita naba b'a e na manga teetekeraoi au kaawa nako-e na manga riki Ierutarem b'a au kaawa ae e rineaki, ao N na anga te rau nakoia aomata aika kaain Tion.

Tekaria 1:17 ပူးပေါင်းရင်းမြစ်များ

2.Rongorongo 6:6

ao ngkai e a koro bukin te taeka ni berita anne.

Neemia 11:20

Ao nikiraia Iteraera, n reitaki ma ibonga ao kanoan Rewi, a maeka ni bon oin abaia ni kaawan Iuta ake tabeua.

Neemia 11:3

Ao tabeman Iteraera, ibonga, kanoan Rewi, taani m'akuri n te tembora, ao aia kariki ana taani m'akuri Toromon a boni maeka ni bon oin abaia n te kaawa are Iuta. Ma a maeka taani kairiiri ma aia utu n te burawinti i Ierutarem.

Taian Areru 69:35

B'a E nang kamaiua Ierutarem, Ao E na manga katei kawan nako Iuta. A na maeka ana Aomata ikekei ao a na abana te aba;

Itaia 14:1

E na nanoangaea Iteraera te UEA ao e na manga karikiia b'a ana aomata aika a rineaki. E na kaokiia nakon abaia, ao a na iraki irouia ianena b'a a na riki b'a Iteraera naba.

Itaia 44:26

N na kakoroi bukin aia rongorongo au burabeti. A taku, “E na kaonaki i rouia aomata, ao e na manga karaoi kaawan nako Iuta te UEA.”

Itaia 49:13

Tuangiia taiani karawa ao aonnaba b'a a na anene ni kukurei; tuangiia taiani maunga b'a a na ira buakon te anene. A tia ni karawawataaki ana Aomata te UEA ma E a tia ni kaota ana akoi ao e anganiia te mwengaraoi.

Itaia 51:12

Bon te UEA Ngai, are E kaungaingkami. E aera ngkai kam maaka te aomata? A m'au ma ni mate kaanga te uteute.

Itaia 51:3

E ngae ngke e uruaki Tion, E na uota te rau te UEA, ao e na rangi n taatangiraki te kaawa n ai aron te nne n aroka are Eten are E a tia ni katauraoia. Ao i mwiina, e na karaoa ana bootaki ni kukurei Tion; e na kakaaitau ao e na anenea te anene ni kukurei.

Itaia 52:9

Ierutarem, teirake mai buakon uruakim! ira buakon te anene. E a tia te UEA n anga te rau nakoia ana Aomata; E roko b'a e na kamaiu.

Itaia 54:8

I tannako ngkoa n te tai ae e aki maan ma te maraki n nano. Ao ngkai e a reke irou te nanoanga ao te tangira ae akea tokina! Boni Ngai ae te tia kaawakiniko ao am UEA, ae I a tia ni berita n aei.”

Itaia 66:13

N na uouoingkami ikekei kaanga te tina ngkana e uoua natina.”

Ieremia 31:13

A na bootaki ni kukurei ma n ruruoia, ateiaine ao rorobuaka, n ikotaki naba ma ami kara, i bukina b'a N na anganiia te raunnano ao N na onika rawawataia nakon te kukurei.

Ieremia 33:13

Ni kaawan aaba ake a tabukibuki, aaba ake a rinano, ao Iuta Maiaki, i abaia kaain Beniamin, ni kaawa ake i rarikin Ierutarem, ao ni kaawan nako Iuta, a na manga warewareki aia tiibu taani kaawakintiibu. Bon aei au taeka Ngai ae te UEA.”

Ieremia 33:9

Ngkana e riki anne, ao ane a noori b'aai aika a raoiroi aika I a tia ni karaoi i bukin Ierutarem, botannaomata ni kabane n te aonnaba aei, ma arou ni karekea te rau iai.

Etekiera 36:33

Ngkana I tia ni kaitiakingkami, N na manga karaoingkami b'a kam na katea ami kaawa akana a urubekebeke ma ni kamaekaingkami iai.

Amota 9:14

N na kaokiia Au aomata nako abaia. A na manga karaoa aia kaawa aika urubekebeke ma ni maeka iai; a na uniki aia kureebe ma ni mooi wain mai iai; a na karaoi aia oo-n-aroka ma n am'arake mai iai.

Ob'aria 1:20

A nang oki taenikai ake aomatan Iteraera meang ao a na buaka ma n taua Kanaan (Boinikia) nakoiang n toki i Tareb'ata. A na taua te kaawa are Iuta maiaki taenikai ake aomatan Ierutarem ake a mena i Teberata.

Tekaria 1:14

Ma ngaia are, e tuangai te anera b'a N na katanoata: I rangi n kakaawakina Ierutarem Ngai ae te UEA ae Moan te M'aaka.

Tekaria 1:18

I mwiina, I noori koron te man aika aai.

Tekaria 2:12

Ao ane e na riki Iuta b'a m'akoron te aba are e tabu, ao Ierutarem e na manga riki b'a Ana kaawa ae rineaki.

Tekaria 2:4

ao e taku, “Kawaekoako! Tuanga te m'aane anne ane e tautaua te koranibaaire b'a akea tian Ierutarem. E na rangi n onrake irouia aomata ma maan e ngae naba ngkana iai oona.

Tekaria 3:2

Ma e taku te UEA, “Tatan, ko kaairua. Bon Au kaawa ae e tabu Ierutarem, ao te aomata aei e kamaiua kaanga te kai man te ai ae e ura.”

I-Ebeto 1:4

B'a i m'aini karikan aonnaba ao E a kaman rineira i bukina ngkai ti katiteuanaki ma Kristo, b'a ti aonga n itiaki ma n aki bareka i matana; ao n ana tangira,