Tekaria 1:14 - Te B'aib'ara

¹⁴ Ma ngaia are, e tuangai te anera b'a N na katanoata: I rangi n kakaawakina Ierutarem Ngai ae te UEA ae Moan te M'aaka.

Tekaria 1:14 ပူးပေါင်းရင်းမြစ်များ

Itaia 37:32

Ngai ae te UEA ae Moan te M'aaka, N na bon kakoauaa anne b'a a na tiku ni maiu aika a maiu i Ierutarem.

Itaia 38:22

Ao i mwiina, e a kakaaea te kakoaua Etekia b'a e na manga taromauri n ana Tembora te UEA.

Itaia 40:1

E a tia ni kaangai te Atua: “Kaungai nanoia au aomata! Anganiia te rau.

Itaia 40:2

Taetae raoi nakon Ierutarem ao katanoataa ae e kaangai: A toki am bong n tautoronaki. Bon te UEA ngai, are I kataboroa tuaam i bukin am bure nako.”

Itaia 40:6

Temanna ae e takaarua n tuangai, ao I titiraki ni kaangai, Tera ae N na takaaruaia?” Bon ti taian uteute ngaira aika aomata, e aki tei maan maiura riki nakon taian uee aika a riki n aki akaaka

Itaia 42:13

E m'ananga n oti nako te UEA kaanga te tia buaka ae e un, ma ni kabanea takaaruana ngke e tabe ni un ma ana kairiribai nako.

Itaia 59:17

Ana taanga te UEA bon te motiraoi; ao b'arana ni buaka bon te m'aaka ni kakamaiu; kunnikaina bon te un ma te irantaanga.

Itaia 63:15

Taiaoka te UEA, taratara rikaaki man am tabo ane e tabu ma ni mimitong ane mwengam ane n taiani karawa ao noora te b'ai ae e riki. Ko a aki tangiria? E ngaa m'aakam? Kaotia b'a ko bon tabeakiniira ao ko nanoangaira!

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Etekiera 36:5

Ma N na rairaki nakoia botannaomata aikai ma uniu ae e korakora, ai moara ra riki ake a oom'aaka ngareia ni ngareakiniko ma n taui ami tabo n uteute nako.

Otea 11:8

Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim? I aki kona ni karaoia E nang korakora nanou i bukimi.

Ioera 2:18

E rangi n tabeaianga nanon te UEA i bukin te aba aei ao E nanoangaiia ana aomata.

Naum 1:2

E aki kariaia te UEA ae te Atua taiani buaka; E katuaaia aika a kakaitaraa. E kabooa mwin aia bure n unna.

Tekaria 1:13

Ao e akoi mani karaunano Ana kaeka te UEA.

Tekaria 1:17

I bon berita naba b'a e na manga teetekeraoi au kaawa nako-e na manga riki Ierutarem b'a au kaawa ae e rineaki, ao N na anga te rau nakoia aomata aika kaain Tion.

Tekaria 1:9

Ao e mena naba ikekei te anera are e na kab'arab'arai b'aai ni kabane nako iu, ao I titiraki ni kaangai, “Teuae ko karineaki, antai taan toka i aoia aoti aikai?” Ao E taku te anera arei, “N na taekinna nakoim.”

Tekaria 4:1

E kautai te anera are e kab'arab'ara te mii nako iu b'a kaanga ai aron ae I matu.