Teb'ania 3:8 - Te B'aib'ara

⁸ “Ma ngaia ae kam na tataninga, bon ana taeka te UEA, “taningaa te bong are n na bairei taekaia botannaomata nako iai. I a tia ni baireia i nanou b'a N na bootia botannaomata nako iai. I a tia ni baireia i nanou b'a n na botiia botannaomata ma aaba n uea nako, n te aro b'a ana namakina korakoran uran uniu.

Teb'ania 3:8 ပူးပေါင်းရင်းမြစ်များ

Taian Areru 12:5

E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

Taian Areru 123:2

Tooro aki toki n tataara aia m'atita, ma ngaira ti na bon teimatoa n tataraiko, ni karokoa e na bon mena am nanoanga i aora.

Taian Areru 27:14

Ko na kaantaninga te UEA, Ko na korakora ma n ninikoria; Ko na kaantaninga te UEA.

Taian Areru 37:34

Kaantaninga te UEA, ao ira nanona; E na karineko n anganiko te aba, ao ko na nora ane buakaka ni kakioaki nako.

Taian Areru 37:7

Taotaona nanom ao kaantaninga te UEA; Tai kabonoa nanom irouia akana rikirake kab'aiaia, Ke irouia akana kokoro bukin aia iango nako aika bubuaka.

Taian Areru 62:1

I taotaona nanou ni kaantaninga te Atua b'a E na kamaiuai; Ti Ngaia mwiokoni maiu.

Taian Areru 62:5

Ti te Atua mwiokoni maiu, Ao e tiku au kaantaninga i rouna.

Taian Areru 79:5

Te UEA, e na reiti nako unim iroura? E na reiti nako uran unim n ai aron uran te ai?

Taian Areru 79:6

Ko na karokoa unim i aoia botannaomata ake aki taromauriko, Ao i aoia aomata ake a aki tatataro nako Im.

Taeka n Rabakau 20:22

Ko na aki kataia ni kabooa mwiin te buakaka. Onimakina te UEA, ao ane e na buokiko.

Ana Anene Toromon 8:6

Ko na tai m'am'aninga taekau ao kanim'a te burenibai i baim b'a ko aonga n ururingai. E korakora riki uram'aakan te tangira nakoni m'aakan te mate, ao e korakora riki nakon te ruanimate.

Itaia 14:26

I a tia ni baairea te tai aei i bukin te aonnaba, ao e na tau aroia botannaomata baiu ae e m'aaka.

Itaia 30:18

E tataninga te UEA ae te Atua ni kaota m'aitin ana akoi ao n nanoangaingkami. E aki toki te UEA ni kaakaraoa ae e raoiroi; e kakab'aiaia akana a onimakinna.

Itaia 34:2

E a rangi ni un te UEA irouia botannaomata ni kabane; E a tia ni kabuakakaia b'a a na tiringaki.

Itaia 63:6

I toutouia botannaomata ni bonon nanou ao I karaoia b'a a na koro ni manging; a tii nako raraaia nakon taabo nako n te aonaaba.”

Ieremia 10:25

A rawa ara kairiribai n atongko b'a te Atua ke n taromauriiko. A a tia ni kamaunaia ara aomata ao a katuka ara botannaomata b'a te b'ai ae e wene n urubekebeke. Ma ngaia ae Ko na un irouia ao kakioia nako!

Otea 12:6

Ma ngaia are, ko na okira Atuam. Onimakinna ma te taotaonaki n nano, ao kaota nakoina te tangira ma te eti.

Ioera 3:2

N na manga ikotiia botannaomata ake a kamaaenakoia au Aomata n taabo nako n te aonnaba n te M'arua are Motikitaeka A na tib'a abau

Mika 7:7

Ma ngai, N na tarataraa te UEA, ao N na boni kariaria te Atua ma te onimaki, b'a E na boni kamaiuai. E na bon ongo irou.

Ab'akuka 2:3

Korobokiia b'a a tuai n roko tain taeka aikai, ma ana bon waekoa ni koro nanoia, ao baika I tuangko ana bane ni koro bukiia. E taraa ni kiriaria, ma tataninga b'a ana bon roko baikai, ao ana bon aki taonaki taiia.

Teb'ania 1:18

N te bong arei ngkana e roko unin te UEA, ao ana bon aki kamaiuaki n aia tirewa ma aia koora. E na bane ni mauna te aonnaba n uran unna. E na karokoa te toki; te toki ae e karina nakoia ake a maiu i aonnaba.

Akai 2:22

ma ni kamaunai taiani uea ao abanuea. N na karanganakoi kaanibuaka, ao ane a na moana tiringakiia i bon irouia tautia ake taan toka i aoia aoti.

Mataio 25:32

Ane a na bane ni botaki botannaomata ni kabaneia i matana, ao E na kaokoroia tekorakina mairouia tekorakina, n ai aron te tia kawakin-tiibu ngkana e kaokoroia tiibu ma kooti:

2.Betero 3:10

Ma ane e na roko ana bong te Uea n ai aron rokon te tia iraa; n te bong anne ao e na mauna iai karawa ma te rurunga ae korakora, ao a na bue b'aai ma ni mauna nako aroia; ao aonnaba ma kanoana a na kuneaki.

Te Kaotioti 16:1

Ao I ongo te b'anaa ae korakora man te Tembora, b'a e kaangai nakoia anera ake itiman, “Kam na nako ni kab'aroi i aon te aba kanoani boora ake itiua ake booran unin te Atua.”

Te Kaotioti 16:14

bon tamneia taimonio aika kakaraoi kanikina; ao a kawariia uea nako i aonnaba, b'a a na ikotiia nakon te buaka n te Bong are kakannato are ana bong te Atua ae Moan te M'aaka.