Teb'ania 3:6 - Te B'aib'ara

⁶ E taku te UEA, “I a tia n teweia nako botannaomata. I a tia ni kamaunai aia kaawa, ao a tiku n uruaki aia oo ma aia taua. E a riki n rereua aia kaawa; a akea kaain te kaawa-bon akea nikiraia.

Teb'ania 3:6 ပူးပေါင်းရင်းမြစ်များ

Itaia 14:26

I a tia ni baairea te tai aei i bukin te aonnaba, ao e na tau aroia botannaomata baiu ae e m'aaka.

Itaia 37:36

E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Itaia 6:11

Ao i mwiina, I a titirakina te UEA ni kaangai, “A toki n ningai baikai?” Ao e kaeka te UEA: Ni karokoa a mauna nako aia kaawa nako ao a rereua aia auti, ni karokoa akea kanoan aia tawaana,

Ieremia 9:12

I taku nakon te UEA, “Bon akea mairoura ae e ataia b'a e aera ngkai e a riki te aba b'a te rereua ae e aki totouaki. Ko aki kab'arab'ara b'a tera bukina?”

Nakoaia Ibonga 26:31

N na kamaunai ami kaawa aika a uarereke ma ami auti nako n taromauri, ao N na aki manga kukurei ni boin nako ami karea.

Teb'ania 2:5

Ngkami i Biritia aika kam nimamate, ngkami aika kam maeka i rarikin taari E a tia bairean taekam iroun te UEA. E na tiringi ngkami, ao bon akea ae na tiku ni maiu.

Tekaria 7:14

Ao bon anne bukina ngkai I roko ma te ukeuke n anti ao I kamaaenikuniia nakon aia botannaomata nako ianena, ma ni kiitana abaia ae e tangiraki n akea kaaina ao n urubekebeke.

Mataio 23:38

Noria, e nang kitanaki ami um'antabu, ao a nang akea kaaina.

1.I-Korinto 10:11

A bane n roko baikekei i rouia b'a b'aai n reirei i bukira, ao a riki i bukin reireiara, ngaira aika ti maiu n te tai ae a kaan ma te toki.

1.I-Korinto 10:6

Ao baikai a riki b'a b'aai n reirei nako ira, b'a ti na aki rii iai, n ai aroia.

Iotua 23:4

I a tia n angan ami baronga nako aaba ni moa man te karaanga are te Ioretan are i mainiku nako taari are te Mereterenian are i maeao. I a tia n anganingkami abaia botannaomata ake ti a tia ni kataenikaia, ao abaia naba botannaomata ake a tuai taenikai i roura.