Teb'ania 3:20 - Te B'aib'ara

²⁰ E a roko te tai! N na kaokiia ake a maaenako nakon mwengaia. E na tanoata kakannatom n te aonnaba ao N na manga kaoka kab'aiam,” Bon ana taeka te UEA.

Teb'ania 3:20 ပူးပေါင်းရင်းမြစ်များ

Taian Areru 35:6

A na roo kawaia ma ni kamaranran n aia tai ni kakioaki iroun ana anera te UEA!

Itaia 56:5

Ao i mwiin anne, e na katea te Tembora ma arami aika a koreaki i aona. E na raoiroi riki aei nakon ae karikan te nati, b'a e na tiku b'a te kanuringa ae e na tei ikekei n aki toki.

Itaia 56:8

I berita Ngai ae te UEA b'a N na ikotiia au aomata ake a uotaki nako kiraroa, ma ni manga bootia ma ake tekorakina.

Itaia 60:15

E riiribaaki ngkoa ao e kiitanaki, ao e katinanikuaki ngkoa irouia aomata nako. Ma N na katikiraoiko, te kaawa ae e na kamoamoaaki i nanon taai aika a nako roko.

Itaia 61:9

E na ataaki ami kariki n te botannaomata ni kabane. Ni kabane akana a nooriia a na ataia b'a a tia ni kakab'aiaki irou Ngai ae te UEA.

Itaia 62:12

Ao i mwiina, ane ko na weweteaki, ‘Ana Aomata Ni Koaua Te UEA, Ake E Bon Kamaiuia!’ E na ataaki ami kaawa b'a te tabo ni maeka ae e raoiroi ao te kaawa ae e onrake n taian aomata.”

Itaia 62:7

ao a na aki motirawa ni karokoa e matoatoa raoi Ierutarem ma n tanoata taekana n taabo nako.

Itaia 66:22

I berita naba b'a kam na teimatoa ni karikiia kanoami ao a na m'anuokinaki taekaia, kaanga ai aron karawa ae e boou ao te aonnaba ae e boou ae I a tia ni karikia are a na akea tokiia.

Ieremia 23:3

N na kaokiia ni kabane Au aomata nakon mwengaia man aaba ake I a tia ni kamaaenako ia nako iai, ao a na rikirake b'a te botannaomata ae e korakora.

Ieremia 29:14

ao N na kariaia ami taromauri. Ao i mwiina, N na bootingkami mairouia botannaomata nako ake I kamaaenakoingkami nako buakoia ngkoa, ao kam na manga okira Ierutarem.

Ieremia 30:3

N te bong teuana ao a na oki Au aomata aika uakoraki aika Iteraera ma Iuta nakon abaia are I anganiia aia bakatibu.”

Ieremia 33:9

Ngkana e riki anne, ao ane a noori b'aai aika a raoiroi aika I a tia ni karaoi i bukin Ierutarem, botannaomata ni kabane n te aonnaba aei, ma arou ni karekea te rau iai.

Etekiera 16:53

N te bong teuana, N na kakab'aiaa Totom ao Tamaria ao kaawa nako akana i rarikina. N na bon kakab'aiako naba, ngkoe ae Ierutarem.

Etekiera 28:25

E taku te UEA ae te Atua: N te bong teuana N na ikotiia Iteraera mani botannaomata nako ake e uamaae nako i buakoia, ao a na bane n nooria botannaomata b'a I tabu. A na manga maeka riki Iteraera n te aba are I angan Au toro ngkoa are Iakob'a.

Etekiera 34:16

ma ni kakaaia ake a bua ma ni kaokiia ake a tiotio nako, ma ni bauti ikoakiia ake a ikoaki, ao n tararuai maiuia aika a mamaara. N na boni kamateia naba aika a marikarika ao a korakora, i bukina b'a I kakaaraoa ae e raoiroi n taai nako.

Etekiera 37:12

Ma ngaia ae ko na tuangiia ni kaangai, “I berita Ngai ae te UEA ae te Atua, b'a N na kauki taian ruanimate ma ni kainaomataingkami. N na manga kaokingkami nako Iteraera,

Etekiera 37:21

ao i mwiina, ko na kaangai: N na manga ikotiia Iteraera ma ni kaokiia nakon mwengaia mairouia botannaomata ianena ake a maeka iai ngkai.

Etekiera 39:13

A na bane aomata ni buobuoki n tauniia maate, ao a na karineaki i bukin te baei n te bong are e na nooraki iai raneanean mimitongiu.

Etekiera 39:28

A na ataia Au aomata b'a bon Ngai ae te UEA ae Atuaia ae I kanakoia b'a taenikai ao ngkai N nang kaokiia rikaaki nako oin abaia.

Ioera 3:1

N te tai anne, N na manga kaoka marin Iuta ma Iteraera ngai ae te UEA.

Amota 9:14

N na kaokiia Au aomata nako abaia. A na manga karaoa aia kaawa aika urubekebeke ma ni maeka iai; a na uniki aia kureebe ma ni mooi wain mai iai; a na karaoi aia oo-n-aroka ma n am'arake mai iai.

Mika 2:12

Ma N na bootingkami ni kabaneingkami aika Iteraera aika nikira. N na bootingkami n ai aroia tiibu ngkana a okiri nneia. E na manga okira arona abami are e kauaomata, n ai aron te tawaana n uteute ae e on irouia tiibu.

Mika 4:7

E ngae ngke a raroa nako man mwengaia ma ni m'auku, ma N na manga waakina te reitaki ae e boou ma nikiraia ake a aki taenikai, b'a a na riki b'a te botannaomata ae e korakora. Ao N na uea i aoia i aon te maunga are Tion ni karokoa tokin aonnaba.”

Teb'ania 2:7

Aomatan Iuta ake nikira ni maiu a na maekana te aba. Ana kam'arakeia aia nanai ikekei ao ana matu n autin Atikeron. Te UEA ae te Atua E na memena irouia ao E na manga kaoki kab'aiaia.

Teb'ania 3:19

E a roko te tai! N na katuaaia taan karawawatako; N na kamaiuia ake a ikoaki ao man kaokiia taenikai nakoni mwengaia. N na onika mamaaia nakon karineaia ao ana neboaki n te aonnaba ni kabane.

Tekaria 8:13

Kaain Iuta ma Iteraera, kam a tia n riki b'a b'ai ni kamaraia nakoia botannaomata nako, ma N na kamaiungkami ma ni kairingkami b'a te b'ai ni kakab'aia nakoia. Ma ngaia are, kam na aki maaku ke ni kabuai nanomi.

Tekaria 8:8

ao N na uotiia ni kamaekaia i Ierutarem. A na riki b'a au aomata, ao N na riki b'a Atuaia, ae E kakaonimaki ni karaoa te eti.

Maraki 3:12

Ane a na bane botannaomata n taetaekina arou ngke I kakab'aiaingkami ma abami ae e tamaroa. Bon aei Au taeka Ngai ae te UEA ae Moan te M'aaka!

Te Tua-Kaua 26:18

Ao ngkai kam a tia ni kariaia b'a kam na ongotaeka iroun te UEA, ao E a tia naba Ngaia ni kariaia b'a kam a riki b'a ana Aomata, ao Ana b'ai, n aron are E a tia ni berita iai.

Te Tua-Kaua 26:19

E karikiia botannaomata ni kabane te UEA, ma E na karikingkami b'a te botannaomata ae rangi ni kinaaki, ao e na reke iroumi te neboaki ma te karineaki ae m'aiti nakoia. Ti ngkami ae kam na b'ainaki iroun te UEA ae Atuami, n aron are a tia ni berita iai.