Teb'ania 3:2 - Te B'aib'ara

² E a tia n aki kan ongo iroun te UEA, ke n aki kan karin ana rerei. E a tia n aki onimakina te UEA, ma n rawa ni bubutiia buokana.

Teb'ania 3:2 ပူးပေါင်းရင်းမြစ်များ

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Taian Areru 10:4

E aki kan reitaki teutana ma te Atua te aomata ae buakaka; E taku n ana iango b'a akea te Atua.

Taian Areru 50:17

Ko rawa ni kaetan arom, Ao ko ribaai au tua.

Taian Areru 73:28

Ma ngai, e raoiroi irou te kaania te Atua. B'a I rineia b'a te tia katanai, N na katanoatai b'aai ni kabane ake E a tia ni karaoi.

Taian Areru 78:22

i bukina b'a a aki onimakinna, ao a aki kakoauaa ae E na kamaiuia.

Taeka n Rabakau 1:7

Karinea ao ongotaeka iroun te UEA! Aio bon moanan te rabakau. Bon te nanobaba ane e aki butim'aea te wanawana ma te reirei.

Taeka n Rabakau 5:12

ma n takaarua, “I ribaai taeka n reirei ma kaetakiu!

Itaia 1:5

E aera ngkai ko na katuaaeaki riki? E aera ngkai ko aki katoka burem? E ikoaki atuum, ao ko a rangi ni mamaara.

Itaia 29:13

E a tia ni kaangai te UEA: “A neboai aomata aikai n aia taeka ma bon akea raoi nanoia i Rou. A taromauriai ni kakaokioki taian tua ake a karaoaki i rouia aomata.

Itaia 31:1

Ko a reke n te kaangaanga ngkana ko nakon Aikubita i bukin buokam, ke ngkana ko mwiokoi taiani kaa ni buaka ake a katikitikaki irouia aoti ke taani buaka i aoia aoti. Ma ko riai n mwiokoa ao n onimakina te UEA ae te Atua ae e tabu ae Atuan Iteraera.

Itaia 43:22

I taku Ngai ae te UEA nakon Iteraera: Ko a rangi ni kua, ma ko aki kua i bukin taromauriau.

Itaia 9:12

E kanakoia kaain Turia mai mainiku ao kaain Biritia mai maeao ao a kab'auta Iteraera. Ma e bon aki toki naba unna n anne, ma ngaia are, e bon waakina nako naba katuaeakiia.

Ieremia 13:25

N na bon aki bita nanou. Bon aio au taeka Ngai ae te UEA. Kam katinanikuai ao kam taromauriia anti ni kewe.

Ieremia 2:30

I kataia ni katuaaingkami, ma kam rawa n oki nako iu, ao kam tiringiia au burabeti kanga aroia raian aika a tiritiri.

Ieremia 22:21

I kauringko, i nanon taai aika a raoiroi. Ma ko katinanikuai, n aron are ko a tia ni karaoia naba ngkoa ngke e uarereke Iteraera.

Ieremia 32:33

A tinanikuai; e ngae ngke I teimatoa n reireiniia, a bon aki kan ongo ke n reireiniia aroia ae e raoiroi.

Ieremia 35:13

I tangiringkami Ngai ae te UEA ae Moan te M'aaka ae Atuaia Iteraera, b'a kam na karekea reireiami

Ieremia 35:17

Ngai ae Atuami. Bon te UEA Ngai ae Moan te M'aaka, ao I kauringkami ni b'aai aika a kakamaaku aika a na riki nako imi ngkana kam aki ongo i Rou. Kam a tia katinanikuai, ma ngaia are, e a oroiko te kabuanib'ai. Bon aei Au taeka Ngai ae te UEA.

Ieremia 5:3

Ao I kaeka ni kaangai, “I ataia b'a ko kakaaea te koaua. Ko katuaaia am aomata i bukin aia kewe, ma a aki ongea marakiia, a karikirakea riki taningabonoia ao a rawa n rairaki nako im.”

Etekiera 22:24

Etekiera ae natin te aomata, ko na tuangiia Iteraera b'a e a onrake abaia n te bure, n te aro are I rangi ni un iai Ngai ae te UEA!

Etekiera 24:13

E a rangi n on Ierutarem n te bure ao te buakaka ao I a aki konaa ni kaitiakia, e ngae ngke I a tia ni kataia ni kanakoi. E na tiku ni kammaira ni karokoa te tai are N nang bononnanoia iai.

Teb'ania 1:6

N na kamaunaia ake a tia n oki ma a aki irai, ake a aki nako iu man rawa n taubeakinaki Irou.

2.Timoteo 3:16

Te B'aib'ara ni kabanea bon ana taeka te Atua, ao e manena i bukin te reirei, ma boaan te bure, ma manga-kaetan te kairua, ao i bukin te reirei aroni karaoan nanon te Atua:

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.