Teb'ania 3:12 - Te B'aib'ara

¹² N na katikuia aomata aika a nimamannei man nanorinano; aika a kawarai ni kan buokaki.

Teb'ania 3:12 ပူးပေါင်းရင်းမြစ်များ

Etira 9:8

Ma ngkai te UEA ae te Atua, ko a tia ni kaota am Nanoanga ae moan te korakora nakoira. Ko anganiira te kukurei ni koaua ngkai ko karaoia tabeman mai buakora b'a a na maeka n te tabo ae e tabu aei, ao ko a tia ni buokiira naba i nanon ara tai n tautoronaki.

Taian Areru 37:40

E buokiia ao E kamaiuia; E kamaiuia mairouia akana buakaka, b'a kioina ngkai a karabaia i rouna.

Itaia 14:30

A nang reke aia uteute i bukin kanaia aia tiibu aomata aika a maiu ni kainano aika a tangira buokaia ao a na maeka ma te rau. Ma N na kabakiia tabem'aang mai buakomi, ao a na tiringaki tabem'aang.

Itaia 14:32

Ngkana e roko te tia uarongorongo man te botannaomata ae e raroa, ao ko na kaangai nakoina: “E karaoa Tion te UEA. Ao e na reke naba ikekei te rau iroun te aomata ae e rangi ni kainano.”

Itaia 29:19

Ane a na bootaki ni kukurei ma n takaarua aomata aika a maiu ni kainano ma aika a tangira buokaia i bukin te UEA ae Atuaia Iteraera ae E tabu.

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Itaia 6:13

E ngae ngkana ti teuana te katebwina aomata n tiku, N na bon tiringiia naba. A na riki b'a kaanga boton kaai aika a tia ni koreaki ni kab'akaaki, A na tiku tabeman au aomata aika a rineaki.

Ieremia 17:7

Ma N na kakab'aiaia akana a onimakinai

Ieremia 50:20

N na kamaiuia ti tabeman mai Iteraera ao Iuta. N na kab'ara raoi aia bure n te aro ae a na bon mauna nako raoi aia bure ma aia kaairua, ao a na aki manga nooraki.

Etekiera 6:8

N na karaoia tabeman aomata b'a a na ri nanon te katuaaeaki aei, ma N na kamaaenikuniia nako buakoia botannaomata nako,

Mika 5:6

A na kataenikaia Aturia are n aban Nimrota n aia b'ai ni buaka, ao a na kamaiura mairouia I-Aturia ngkana a roko ni buakaniira.

Naum 1:7

E raoiroi te UEA. E kamanoia Ana aomata n tain taiani kaangaanga. E kawakinia akana a rairaki nakoina.

Tekaria 11:11

Taan kabonakoi tiibu ake a nooraki a bon ataia naba b'a bon te rongorongo mairoun te UEA aei.

Tekaria 11:7

Ma ngaia are, I riki b'a te tia kaawakiniia tiibu i bukiia tiibu aika a reke n te kabuanib'ai irouia taan kabonakoi tiibu. Ao I aran taiani kai aika uakai ake I kamanenai ngkoa i bukin kaawakin taian tiibu: e arana teuana b'a “Nanoanga” ao teuana b'a “Katiteuanaki.”

Mataio 11:5

a noraba mataki, a nakonako m'auku, a kamaiuaki rebera, a uki taningaia taningabono, a manga maiu maate, ao a ongo taekan te euangkerio aomata ake a aki kaub'ai.

Mataio 12:21

Ao ane a na onimakinna ianena.”

Mataio 5:3

A a kab'aia akana nanorinano, b'a aia b'ai Uean te Atua.

I-Rom 15:12

Ao e taku Itaia, “Ane e na kaoti temanna man ana utu Iete; E na taua taekaia botannaomata aika Tientaire, ao ane a na kaantaningaia.”

Iakobo 2:5

Tariu aika kam tangiraki, kam na ongora: tiaki E rineia akana aki kaub'ai ni b'ain aon te aba te Atua b'a a na kau-onimaki, ao a na riki b'a taan abaaba n ueana are E atongnga n te taeka n akoi nakoia ake a tangiria?

1.Betero 1:21

ngkami akana kam onimakina te Atua i rouna, ae E a manga kamaiua mai buakoia maate, ao E anganna te neboaki; b'a a aonga n tiku ami onimaki ma ami kaantaninga iroun te Atua.