Teb'ania 2:8 - Te B'aib'ara

⁸ E taku te UEA ae E m'aaka, “I a tia n ongo aia taeka I-Moaba ma I-Ammon ngke a tataboraaia man kaenaenaia au aomata, ao a kamoamoa b'a a na anaa abaia.

Teb'ania 2:8 ပူးပေါင်းရင်းမြစ်များ

Karikani B'aai 19:37

E karika natina te mm'aane neiere te karimoa, are e aranna b'a Moaaba: Boni ngaia aia bakatibu kaain Moaaba aika n taai aikai.

Karikani B'aai 19:38

Ao e riki naba natin neiere te bina ae te mm'aane, ao e aranna b'a Benammi: ao boni ngaia aia bakatibu kaain Ammon aika n taai aikai.

Itaia 15:1

Aio te rongorongo i bukin Moaaba: A kamaunaaki kaawa aika Are ao Kiri n te tairiki. E tiku n urubekebeke Moaaba!

Itaia 16:6

Ti a tia n ongo kainikatongan Moaaba. A taningamatoa ao a kamoamoa kaaina, ma bon akea uaana.

Ieremia 12:14

E taku te UEA, “Bon iai te b'ai ae N na taekinna nako ia raon Iteraera ake a tia ni kurib'aia te aba ake I a tia n anganiia Iteraera. I anga te aba aei nako ia au aomata, ma e a otab'aniniaki irouia kairiribai ma ni buakanaki ma ni kurib'aiaki. Ma ngaia ae, N na koutiia nako man abaia n aron naba ngkoa are I karaoia nako ia kaain Iuta mai abaia.

Ieremia 48:1

E tuangai te UEA ae Moan te M'aaka ae Atuaia Iteraera, b'a N na kaangai nako ia kaain Moaba: Ko a reke n te kangaanga te kaawa ae Nebo; E na tauaki Kiriataim ao e na kab'ainrangaki, ao a na bon uruakaki nonona ao e na tiku n uruaki.

Ieremia 49:1

E taekina te b'ai aei te UEA i bukiia botannaomatan Ammon: A rangi ni m'aiti natiia Iteraera aika a b'aib'ai n te aba. Ma ngaia are, e aera ngkami aika taan taromauria te anti are Mirekom ngkai kam a anai taiani kaawa ao aaba ake aia b'ai kaain te baronga are Kata?

B'aeb'aeti 3:61

Eng, Ko bon atai aia m'akuri ni kamatauninga ao aia iango nako aika buakaka.

Etekiera 21:28

E taku te UEA ae te Atua: Etekiera ae natin te aomata, a kab'ainranga Iteraera kaain Ammon, ma ngaia ae ko na kabuakakaia ma n tuangiia ni kaangai: E a b'aka te kabaang, e tauraoi n tiritiri; e karaneaneaaki ao e katauraoaki nakon te tiritiri ae e biri m'aaka n aron te iti.

Etekiera 25:1

E taku te UEA ae te Atua:

Etekiera 35:12

Ao ane ko na ataia n tokina b'a I ataia ae I ongo ngarem ngke a uruakaki ao ko taku b'a am b'ai abaia ae ko na anaia.

Etekiera 36:2

b'a boni Ngai ae te UEA ae te Atua ae I taekina ae e kaangai: A na b'ainingareai ngkai ami kairiribai ao a na taku b'a aia b'ai ngkami aika maunga.

Amota 1:13

E taku te UEA: N na katuaaia kaain Ammon i bukin aia bure aika bati, ao N na bon aki bita au iango. A tia n tiringiia aomata aika a m'aiti i bukin aia rawe aba, ao a tiringiia naba aine aika a bikoukou i Kireata.

Amota 2:1

E taku te UEA, “A teimatoa ni kakaraoa te bure kain Moaba, ao N na bon katuaaia i bukin aei. A tia ni kamatauninga riia uean Etom, ngke a kabuoki ni kamannangii.

Teb'ania 2:10

Ao anne aroia aomatan Moaba ma Ammon n oreaki i bukin aia kainikatonga ma aia taetae n aki akaaka nakoia ana aomata te Atua.

Iotua 5:9

E taku te UEA nakon Iotua, “I kataenakoa mai aomi n te bong aei rawawatan taekami b'a toro ngkami ngkoa i Aikubita.” Ao bon aei bukina are a arana iai te tabo arei Iteraera b'a Kirekara ni karokoa boong aikai.