Teb'ania 2:6 - Te B'aib'ara

⁶ Abami ane i rarikin taari e na riki b'a nneia taan kawakin tiibu, ao nneia naba tiibu ni kawakinaki.

Teb'ania 2:6 ပူးပေါင်းရင်းမြစ်များ

Itaia 17:2

E na tiku n rereua kaawa aika a uarereke ake i rarikin Aroera, ma ti temanna te tiibu n tiku ikekei ao akea ae e tabeakinna.

Itaia 5:17

A na riki ana aomata b'a kaanga taian tiibu aika a am'arake ni bon oin aia uteute, ao a na uotinako b'aai ake a kiitanaki irouia tem'angina.

Itaia 7:25

E na kaonaki aon te tabuki are ko uniki iai ngkoa arokam n taian aroka aika a kateketeke aika a kakang. Ko na bon maaku n nako ikekei, ao a na bua am nanai ni kao, tiibu, ao taiani kooti i aon te tabuki anne.

Ieremia 33:12

E taku ana taeka te UEA ae Moan te M'aaka, “N te aba aei are kaanga ai aron te rereua ao akea aomata ma maan ni maiu iai ngkoa, a na manga reke iai taabo n uteute ike a na kairiia aia tiibu taani kaawakintiibu nako iai.

Etekiera 25:5

E na riki kaawan ami tautaeka are Rab'a b'a te tabo ae akea boongana ma ana riki taabo n uteute i bukiia kaamero, ao nikiran te aba b'a te tabo n uteute i bukiia tiibu. Ao ane kam na ataai iai b'a bon te UEA Ngai ae te Atua.